YESAYA40
Ɔnyɛɛ Okpee Sɛlaa Diɛta Ni Yaa Batii
1Bikpee ɔnyɛɛ, bikpee batii nii ɔnyɛɛ,Yaa lee niebuɛ.2Bikakatɛ buɛɛ bita Yerusalem,biɛtɔkɔ nwɔ kafɔɔbilɛ kakpɛ nɔɔ siene nwu ntɔɔwa kaloo nfɛ,atoofũ okpile nɔɔ letota,le eefũ eekyeko ni SAATE nwu kɔnɛɛ kamɛsɛnyɔ di sikpile nɔɔ simuu suoto.3Otii onwii kɔfaa:“Di ɔfaafuu kamɛ biloolaaosuku bita SAATE nwu,bibla nwu tinini di ɔfaafuu nwu kamɛosuku kplɛ nwu bita Yaa loo.4Bietĩi aba ya amuu niekyofo ni,Biebiɛ kafɔɔ abokote ku akpenkpe amuu bitɛ kaasɔ;biekyɛkyɛsa aba ya kafɔɔ niekukyukukyu ni,bieyilasa aba ya nieyie eesoo ni.5Ni babadiki SAATE nwu lɛkpa mantuo,ni batii bamuu kamasi mannya ni.Diekye SAATE nwu kanya niebuɛ.”6Sɛlɔ sinwii labuɛ alɛ, “Faa fabuɛ.”Ni lakaalɛ nlɛ, “Be ninfaa mbuɛ?”“Buɛ falɛ batii bamuu nte fɛ sɛfa,sɛlɛ lɛma kafɔɔ nimuu nte fɛle atoto di lepoo kamɛ.7Sɛfa nwu nkpi, atoto nwu kafɔɔ nkpa,diekye SAATE nwu ninwuna nfɛ ma.Nwaako sɛfa di batii nle.8Sɛfa nwu nkpi, atoto nwu kafɔɔ nkpa,kafɔɔ Yaa loo ɔlaa nnwu, diidii kunaa kaloo.”9Afɔ wɔ ninwako ni ɔlaa biene Sion,kata fasifi kobokote takale nwu.Afɔ wɔ ninwako ni ɔlaa biene Yerusalem,takatɛsa sɛlɔ lɛfɔ katoo faafaatakatɛsa sĩ katoo, tanyɛkɛ;faabuɛ fatɔkɔ Yuda sekpoo nwu falɛ,“Nnya Yaa lee!”10Nyu,SAATEKplɛ nwu kɔwa ku osie,abale sɛka ku kɔnɛɛ siene.Nyu, ɔɔwa ku letota nɔɔletoko nanfi nɔɔ kafɔɔ nkyakaa.11Abanyu bafoso nɔɔ fɛ bafosokpatɛ:Ansiisa afosobi di nnɛɛ nɔɔ kamɛan-yɔ ma antika di lɛkankpɛɛ;ankpa kafɔɔ baya ba ninkle ni abi buɛɛ.Yaa Kuonwii Diɛkyɛkyɛ Ku Israel Yaa Nwu
12Owe nitodiklapoosa lekpo ntu di kɔnɛɛ nɔɔ kamɛ,ee ɛɛyɔ kɔnɛɛ nɔɔ lɛblɛfɛ ɛɛklapoosaa kolo?Owe nintɔɔlɛ kasɔ kamuu kɔtɛ eekpete di kakyikyɛ kamɛ,ee ɛɛklapoosa abokote di lɛklapoosaa suotoku akpenkpe di lɛklapoosaa suoto?13Owe nimafuo SAATE nwu Ninwuna kasɔ onuee ankà nwɔ fɛ saatuotɛ?14Owe nfũ di SAATE nwu nkyɛ alɛ akpasɔɔ ɔlaa kamɛ,antuo nwɔ kafɔɔ osuku biene?Owe niatuo nwɔ lɛsaatofoee aatuo nwɔ lɛsɔnu osuku?15Nwaako nnle nwu nte fɛ ntu lɛlɛsɛ di dibukii kamɛ;ɔɔnya ma fɛ kudu di lɛklapoosaa suoto;nsɔ be di ntu lɛmana diekyi nii, ɛɛklapoosa mi fɛ kɔtɛ muɛmuɛ.16Lebanon awoso diɛpɔ dita oleɔta akyikye ɔtɔ,ee babɔkɛɛ nɔɔ diɛpɔ bata ofiɛ asaaɔta.17Nnle mmuu diedie lɛsalɛsaa di anu nɔɔɔɔnya mi fɛ lɛsaa le ninansi ni mpuku lɛsaa le ninanle ni lɛsaa.18Owe nfɛ, fabayɔ Yaa fankaatɛsako?Lɛmɛnsaa fabayɔ nwɔ fankaatɛsako?19Afiɔ nnya yi, asaa wolatɛ niewola nya,ni di koto sɛɛle kpɛmblatɛ lefifia nya kotosɛɛleanlolaa nya kafɔɔ ku kotofututu anyɛnɛ nɛ.20Otii wɔ ninle ni piitɛ anamafuo ni asaa ya mmle ɔta yiandiki kowoso ko ninamatɔ nii.Amiɛ asaa wolatɛ nwaaanwola afiɔ ya ninantũkũ nii.21Bieye?Biinu?Baditɔkɔ ye diɛyɔ ni di kasɔkakyekɔ?Biinu kasɔ mmle diɛbla fiɛ bɛɛbla ni kasɔ?22Yaa nsi di kasɔ kyilankyila nsintɛɛ,ni di kamɛ basiɛtɛ nte fɛ atoree nɛ.Nnwɔɔ niɛnanfi kolo fɛ dibula,ɛɛblɛfɛsa kũ fɛle lɛkpaayo alɛ oosiɛ kaamɛ.23Nnwɔɔ niɛwakosa banɔɔfotii kasɔɛɛbla kayi ka mmle baka kafɔɔ baadie lɛsalɛsaa.24Badipɛ ma bia,badisɔ ma bia,badiwɛ bia sidu base kaasɔ,ni aafɛ aakpete ma di suoto, ni baayɔɔ nɛ,ni di kakitikɔ lafɛ ma aasifiko fɛ sɛsɔ nɛ.25Klekletɛ nwu lakaalɛ alɛ, “Owe bibayɔ mi minkaatɛsako?ee owe ninkyɛkyɛ ku ami?”26Bitakatɛsa anu bienyu osi:Owe niɛbla n-ya mmle amuu?Nnwɔɔ niɛbla awɛntrɛbi ɔlambu ninwii ninwii,ni anlɛɛ dibiala ku leyooto lɛnya nɛ.Ta ɔnyɛɛ kplɛ nɔɔ ku osie kplɛ nɔɔ oso,kuninwii ninya dilooyu.27Oo, Yakob, obe oso fɔɔkakatɛ,Oo Israel kafɔɔ kobuɛ alɛ,“Osuku nii ntoowofa di SAATE nwu anu;Yaa nii ntookyisa anu di ɔsaabla tinini nii suoto”?28Bieye?Biinu?SAATE nwu ninle Yaa anaa ni kaloo,kasɔ kamuu blatɛ.Ɔsaabla nintuudi nwɔ ee diabuo nwɔ,kuonwii kafɔɔ dilaafuo nwɔ lɛsaatofo kamɛ owolaa.29Nnwɔɔ ninkpee mba ditoobuo ni osieankpee kafɔɔ mba ninaa ni osie ɔnyɛɛ ankyakaa.30Bia bakosopo nnu dibuo ɔnyɛɛ nloo ma,basuɔtɔ kuntu, kuntu kafɔɔ ntuula manɔɔ;31kafɔɔ mba nietika ni SAATE nwu disikamawɛ osie fɔle lɛma.babayila afoko fɔle fɛ klikpo;babatoso dilababuo ma kafɔɔ,babakyɛ kafɔɔ ɔnyɛɛ dilabaloo ma.The Seed Company