1 Kronika24
Ɔkpɛ Wɔ Baata Ni Olebatatɛ
1Akudi ya kamɛ baasɛ Aron babisuɔtɔbi baakpee ni ninle n-ya mmle nɛ:Aron babisuɔtɔbi niale Nadab, Abihu, Eleasar ku Itamar nɛ.2Kafɔɔ Nadab ku Abihu laka ote lɛma okpi, batalofo babisuɔtɔbi kafɔɔ; nioso Eleasar ku Itamar niabla ɔkpɛ fɛ olebatatɛ.3Ku Eleasar ɔnantii Sadok ku Itamar ɔnantii Ahimelek lɛkyakaako yi, Dawid lasɛ ma aakpee di akudi kamɛ aata kasumu ɔkpɛ lɛma wɔ baata ma ni kanya.4Kanyabayilatɛ ba baawɛ ni di Eleasar banantii kamɛ lapɔ baalenkee mba baawɛ ni di Itamar banantii kamɛ, ni baasɛ ma kafɔɔ di mmle diakaatɛ ni kanya nɛ: ayo kamɛ banɔɔfo lefosi-bakuɔ lakye Eleasar banantii kamɛ, ni di banɛ kafɔɔ lakye Itamar banantii kamɛ nɛ.5Baawii atrebi baasɛ ma batanyu ni kuonwii anu, diekye kakleklekɔ nwu banɔɔfotii ku Yaa banɔɔfotii lawɛ di Eleasar ku Itamar akyuu nwu anyɔ banantii kamɛ.6Kukũ kpanatɛ Netanel obisuɔtɔbi Semaia, Lewi otii nwu, latɛ ayooto lɛma nsũ di ɔka ku banɔɔfotii nwu anu: oletatɛ Sadok, Abiatar obisuɔtɔbi Ahimelek ku olebatatɛ ayo kamɛ banɔɔfo ku Lewi batii nwu- ladiki leyo ninwii baakyeko Eleasar ayo kamɛ ni baadiki ninwii kafɔɔ baakyeko Itamar leyo kamɛ nɛ.7Atrebi owii kasale lase di Yehoiarib suoto, lɛnyɔɔfa lase di Yedaia suoto,8ditiɛfa lase di Harim suoto, lɛnaafa lase di Seorim suoto,9lɛnɔɔnle lase di Malkiya suoto, dikuɔnle lase di Miyamin suoto,10dikuɛnsinle lase di Hakos suoto, lɛnɛnle lase di Abigya suoto11lɛnaasinle lase di Yesua suoto, lefosile lase di Sekania suoto,12lefosi-lɛkasale lase di Eliasib suoto, lefosi-lɛnyɔɔfa lase di Yakim suoto,13lefosi-ditiɛfa lase di Hupa suoto, lefosi-lɛnaafa lase di Yesebab suoto,14lefosi-lɛnɔnle lase di Bilga suoto, lefosi-dikuɔnle lase di Imer suoto,15lefosi-dikuɛnsinle lase di Hesir suoto, lefosi-lɛnɛnle lase di Hapises suoto,16lefosi-lɛnaasinle lase di Petahia suoto, afosi-anyɔle lase di Yeheskel suoto,17afosi-anyɔ-ɔkasale lase di Yakin suoto, afosi-anyɔ-ɔnyɔɔfa lase di Gamul suoto,18afosi-anyɔ-otiɛfa lase di Delaia suoto ni di afosi-anyɔ-ɔnaafa lase di Maasia suoto nɛ.19Nle mmle niale osuku kanya kasumu ku ɔsaabla wɔ baabla ni nse beebuo ni SAATE nwu olekatakɔ, di sɛsaabla se di ɔwa lɛma Aron latɛ aata ma ni kanya, fɛ mmle di SAATE Israel Yaa nwu latɔkɔ nwɔ ni nɛ.
Lewi Batii Bule Ayooto
20Di Lewi bananti bule mma yi: Amram babisuɔtɔbi niale: Subael nɛ; di Subael babisuɔtɔbi kamɛ niale: Yehdeia.21Rehabia nnwɔɔ yi, mba niakye ni babisuɔtɔbi nɔɔ kamɛ niale: Yisia niale ɔkasale.22Di Yishar batii kamɛ yi: Selomot; di Selomot babisuɔtɔbi kamɛ niale: Yahat nɛ.23Hebron babisuɔtɔbi niale: Yeria niale ɔkasale, Amaria ɔnyɔɔfa, Yahasiel otiɛfa ku Yekameam ɔnaafa.24Usiel obisuɔtɔbi niale: Mika; di Mika babisuɔtɔbi kamɛ niale: Samir.25Mika obilɛma-suɔtɔbi niale: Yisia nɛ; di Yisia babisuɔtɔbi kamɛ niale: Sakaria nɛ.26Merari babisuɔtɔbi niale: Mahli ku Musi. Yaasia obisuɔtɔbi niale: Beno nɛ.27Merari babisuɔtɔbi: niale Yaasia: Beno, Soham, Sakur ku Ibri nɛ.28Mahli obisuɔtɔbi niale: Eleasar, nnwɔɔ atawɛ babisuɔtɔbi kubanwii.29Kis bale: Kis obisuɔtɔbi niale: Yerahmeel nɛ.30Musi babisuɔtɔbi kafɔɔ niale: Mahli, Eder ku Yerimot nɛ.Mba mmle niale Lewi batii di ayo lɛma kanya nɛ.31Mma kafɔɔ baawii atrebi, fɛ mmle kanya di babilɛma-suɔtɔbi Aron banantii labla ni, di Ɔka Dawid ku Sadok, Ahimelek, ku olebatatɛ ayo kamɛ banɔɔfo ku Lewi batii nwu anu. Baaklee obilɛma nɔɔfole ayo kamɛ batii fɛ mmle baaklee ni obisɔnle ayo kamɛ bale.
The Seed Company