Paulus sien tweeda Breef aun de Korinta9
1Äwa dän Deenst aun de Heilje es et äwaflissich fa mie, junt to schriewen.2Wiels ekj kjan june Wellichkjeit, wuavon ekj von junt to dee von Mazedonien riem, daut Achaja von väajet Joa aun aul es reed jewast, un jun Iewa haft väle jereizt. 2Kor 8:193Oba ekj hab de Breeda jeschekjt, daut ons Riemen äwa junt en dit Stekj nich to nuscht woat, om daut jie, soo aus ekj jesajcht hab, reed sent,4om daut nich, wan de Mazedonia met mie komen un junt nich reed finjen un wie (om nich to sajen, jie) en dit toovetrude Riemen to Schaunden woaren.5Doawäajen hilt ekj daut fa needich, de Breeda to ermonen, daut see veropp reisden no junt un disen junen verhäa aunjesajden Säajen verhäa reedmuaken, daut dee reed wia aus een Säajen un nich aus een Jiez.6Oba ekj saj dit: Wäa spoasom seit, woat uk spoasom arnten, un wäa säajens-rikjlich seit, woat uk säajens-rikjlich arnten. Spr 11:24-25; 19:177Een jiedra, soo aus hee sikj en sien Hoat väanemt, nich met Truarichkjeit ooda ut Noot ; wiels Gott leeft eenen frooen Jäwa. Ree 12:88Oba Gott es majchtich, aule Jnod aun junt äwaschälen to loten, soo daut jie emma en aules jenuach haben un äwaflissich sent to jieda goodet Woakj;9soo aus jeschräwen steit: “Hee haft utjestreit, Hee haft de Oame jejäft; siene Jerajchtichkjeit blift en Eewichkjeit”. Ps 112:910Hee, dee daut Sot hanrieekjt to däm Seimaun un vesorcht Broot toom Äten, woat uk jun Sot vemieren un de Frucht von june Jerajchtichkjeit waussen loten, Hos 10:1211soo daut jie en aules rikj jeworden sent fa aule Friejäwrichkjeit, dee derch ons een Dank wirkjt to Gott.12Wiels de Bedeenunk von disem Deenst erfelt nich bloos daut Bederfnis von de Heilje, oba es uk äwastreement derch väl Danken to Gott,13wäarent see derch de Erfoarunk von disem Deenst Gott veharlichen, äwa dän Jehuarsom von jun Bekjantnis to Christus sien Evangelium un fa de friewelje Metdeelunk aun äant un aun aule;14un en äare Jebäda fa junt, dee no junt velangt, wäajens Gott siene äwaschälende Jnod aun junt.15Wie danken Gott fa siene onutspräakjelje Gow!
Lebenswasser