ZAABURI67
Amahanga goona oku gashemereire kusiima Ruhanga
Aha Mukuru w'abeeshongozi. Zaaburi eyaayeshongoirwe n'enanga
1Ruhanga atugirire embabazi, atuhe omugisha,Atwakize amaisho ge,2Omuhanda gwawe gubone kumanywa omu nsi,N'amaani gaawe agarikujuna gamanywe omu mahanga goona.3Abantu bakuhimbise, ai Ruhanga;K'abantu boona bakuhimbise!4Amahanga geesiime, geeshongore ahabw'okushemererwa;Ahabw'okuba ocwera abantu emanja omu bwinganisa,Kandi oyebembera amahanga agari omu nsi.5Abantu bakuhimbise, ai Ruhanga;K'abantu boona bakuhimbise!6Ensi ereetsire omweru gwayo,Ruhanga, Ruhanga waitu, atuhaire omugisha.7Ruhanga aryatuha omugisha;Kandi boona ab'aha muheru gw'ensi baryamutiina.Bible Society of Uganda