ZAABURI123
Okutegyereza Mukama tumwineho amatsiko
Ekyeshongoro eky'abarikutemba omuri hekalu
1Iwe oshutami omu iguru,Niiwe nyimukiza amaisho.2Reeba, nk'oku abahuuku bahanga mukama waabo amaisho,N'abazaana nk'oku bagahanga mugore waabo,Naitwe nikwo tuhangiire MUKAMA Ruhanga waitu amaisho,Okuhitsya obu aritugirira embabazi.3Otugirire embabazi, ai MUKAMA, otugirire embabazi,Ahakuba barengyesereize kutugaya.4Amagara gaitu gatamiirwe kimwe okuteererwa enaku abagaramisiriize,N'okugaywa ab'amaryo.Bible Society of Uganda