यहेज्केल21
1यहोवाआ ओं वसन माआ जागे पोतो:2“ए मोनव्योअ पोर्या, येरुसालेमोअहें ताआ सोब कोअ, आन पवित्र जागाअहें ताआ वसन उनाड़; आन इस्राएल देसोअ विरुद्दाम भविश्यवाणी कोअ,3इस्राएल देसोहो को, प्रभु यहोवा एहें कोहे, पाल, आंय ताआ विरुद्दाम होय, आन आंय माआ तारवाआ मियानेम रोत काडीत कोइत तामेहें रोत धर्मी आन पापी बेनुहूं साटकीत टाकीहीं.4आंय तामेहें रोत धर्मी आन पापी यां बेनुहूं आरवीइनारुहू, तिहीं वाअहीं माआ मियानेम रोत तारवाआ निहीत कोइत देहामाम रोत्ते पालामाम जाआं आखा माअहूं पोअ साले;5ताहां आखा माअहोंहों समजाय के यहोवा देव तियाआ तारवाआ मियानेम रोत काड्यीही; ते फाशीइ फासाड़ी नाहां वोलनारी.6“तियाहा कोत ए मोनवीइ पोर्या, कंबर मुड़ाय एहेलुहू तु आवलाआ, आन तियां माअहुंउं सामने दुखोवाअहीं आवलाआ.7आन ‘तु काहा आवलाअहे?’ एहें कोइत ताहू एखू फुसे ताहां तियाहा कोजी, ‘ए बातमी आवेहे तियाहा कोत; तेहेलाम आखाआ मोने दुखाय आन आखाआ आथ डिल्ला पोड़े, आखाआ आत्मा कमजोर आन आखाआ टोसणोम कापारु सुटीत जाय; पाला, एहेलीज गोठ आवनारी होय, आन तियाआ पुरमाणे खोरीज ओवे,’” एहें कोइत यहोवा देव कोहे.8यहोवाआ ओं वसन माआ जागे पोतो,9“मोनवीइ पोर्या, भविश्यवाणी कोइत को, यहोवा देव एहें कोहे: पाल, कोड़ावल्यी तारवाआ, आन पिपलीइत्ली तारवाआ!10“माइलोअ काजे तियीही कोड़ावयीही,ते विजेए होस पिपलुहूं जोवे काजे कोड़ावयीही!ताहां केहेंते तोम माआ पोऱ्याआ राजडोंडोहो एठो मानेहे, तियाहा काजे आपू खुस ओवुहूं जोवे के?11ते आथोम तोआहूं जोवे काजे समकावे तेहें आप्यीही,ते तारवाआ माअनाराआ आथोम आपाअहूं जोवेतियाहा काजे तियीही समकाड़्यीआन कोड़ावयीही.12ए मोनवीइ पोर्या, आअड़ोअ, आन किगोल;काहाके ते माआ माअहों पोअ सालेहे,ते इस्राएलोअ आखा पुडाऱ्योंपोअ सालेहे;माआ माअहोंअरीज ते बी तारवाइ ताबाम आवीत गोयाहातिहीं वाअहीं तु ताआ मुंडी आथ लागाड़.13काहाके हुदाअलीज तियाहा पारजाण्युहूं,आन जर तियाहा एठु माननारु राजडोंड ने टिकू ताहां केहें ओवे?एहें कोइत यहोवा देव कोहे.14“ए मोनवीइ पोर्या, तु भविश्यवाणी कोअ, आन थापड़्यी ठोक, तारवाइही, साटकीइनारी तारवाइही, तिन भाग जोर आवे; ते ते माइलाआ तारवाआ होय एतोज नाहां पोन वोडाम वोडे खुने कोइलोअ तारवाआ होय.15तियांआं मोन टुटुहूं जोवे, आन तियांआं गुडा एहें तेहें ठोकाअता फिरुहूं जोवे काजे आंय तियांआं आक्खा गेटोपोअ माअनारी तारवाआ सालाड़्यीही; ते विजेए होस समकुहूं जोवे काजे तियीही बोणावयीही, आन ते माइलाअ काजे कोड़ावयीही.16ए तारवाआ, ताआ सोब जेहें कोइत फिरे तेहेंज कोइत हाजाड़्यीइ वोग वोल, बांगाड़्यीइ वोग तु वाड.17आंय बी थापड़्यी ठोकीहीं आन माआ खोत हेलवीहीं, आंय यहोवा ओं कोयोहो.”18फाशोअ यहोवाआ ओं वसन माआ जागे पोतो:19“ए मोनवीइ पोर्या, बाबेलोअ राजाआ तारवाआ आवे तेहें काजे बेन वाट्यी मोजीत काड; ते बेनु वाट्यी एकाज देसोम निहुंहूं जोवे; होयरोम जानारी वाटेए सुरुवातीज एक निशाणी बोणाव;20आम्मोनीइ राब्बा गावोंपोअ तारवाआ आवीइलोअ एक वाट आन यहुदाम जात कोइत गोडोवालो होयर येरुसालेमोपोअ तारवाआ आवीइलोअ एक वाट मोजीत ले.21काहाके बाबेलोअ राजा सुरुवातीहीज बेन वाट्यी फुटतीही, तिहीं निकात पालीइलोअ काजे रुकाअयुहू; तो बिलखे आलवीत पालेहे, आन तेराफीम देवताहा फुसेहे, गाराहा आपीइलाआ जनवारोअ कांअज्याप रोत भविश्य पालेहे.22तियाआ हाजाड़्या आथोम येरुसालेमोअ नाव होय; तो एहें कोइते के लोड़ायीइ सादान लागाड़ा, देवा! बोहाटा! एहलेहे शब्दे गोलू फाड़ीत कोअहूं जोवे; आन वोडा आवाजोम कोअहूं जोवे, गेटोअहें लोड़ायीइ सादान लागाड़ुहूं जोवे, मोरसे काडीत आन बुरुज बांदुहूं जोवे.23पोन इस्राएली माअहें ते तिया भविश्य कोनाराहा ठोग समजे; तियां जे तियांआं शप्पत खादीही तिहीं वाअहीं तो तियांआं गुनाआ ओर कोआड़ीत कोइत तियांहां तोइत लेय.24तिहीं वाअहीं प्रभु यहोवा एहें कोहे: तुमाआ गुना जे ओर कोआयाहा, आन तुमाआ पाप जे उगड़ात गोयाहा, काहाके तुमाआ आखा कामोमेहें पापुज देखाअहे, आन तुमू ओर कोआयेहे, तियाहा काजे तुमू तियांज वाअहीं तोआअहा.25“ए इस्राएल पापी पुडारी, ताआ दिही आवीत गोयुहू; गुनाआ आखरीइ वेल आवीत पोतीही.26ताआ बाप्तिम यहोवा देव एहें कोहे, पागड़ी उतार, आन मुन्कापोऱ्योअ गोवणो बी काडी दे; तो कायम ने रोय; जो निसो होय तियाहा उसो कोअ आन जो उसो होय तियाहा निसो कोअ.27आंय तियाहा नावासोट आरवीहीं ताहां आरवीहींज; ए वेल होय एहेलिही ने रोनारी; जियाआ हक्क होय तो आवे ताहां तियाहा आंय सत्ता आपीहीं.”28“ए मोनवीइ पोर्या, भविश्यवाणी कोइत को, आम्मोनीवाले माअहें आन तियां कोअल्यी निंदाआ बाप्तिमेहें प्रभु यहोवा एहें कोहे; तु एहें कोइत को:“माइलोअ काजे उमाअली तारवाआ होय,ते तारवाआ विजेए होस समकाड़ल्यी आन कोड़ावल्यी होय.29जाअहूं जाआं ते ताआ बाप्तिम खोटे दर्शन मिलवीइते, ठोगोअ भविश्य ताहूं कोतेहे के तु तियां जुदा दुखाअलाआ बोसीपोअ पोड़ जियांआं दिही आवीत गोयू, आन जियांआं गुनाआं आखरीइ वेल आवीत पोतीही.30“ते फाशीइ मियानेम वालीत मिकीत ले. जिहीं तु बोण्यी आन जिया जागाम तु उबज्यी, तिहींज मेहें आंय ताआ न्याय कोअहीं.31आंय तापोअ माआ खोत पोड़कीत उठे आन तापोअ माआ खिजेए आग फुकी देहीं; आन आरवीइलामेहें हुशार एहेलाहा माअहुंउं आथोम आंय ताहूं कोइ देहीं.32तु आगीइ हांगाड़ू बोणहीं; ताआ रक्त देसोम पोड़ीत रोय; आन आगाडी ताआ ओर ने रोनारी, काहाके आंय यहोवा ओं कोयोहो.”
The Word for the World International