Isaiah33
1Co nang, tei kengkapbe tei ngkapdi kemakbe!Co mide kecwame penuide cwadi kemak!Nang tei ngkap ta kedi dau, ncu tei ngkap dizie.Nang mide cwa ta kedi dau, penui ne ncu cwa zie.2RAMPAUBE, anuide ngau nggia lo; anui ncu kwa bam;tingcang ramsang anuide gum lu, keherei ting dau anui de keli lu.3RAMPAUBE kwa sah mtei kegai gade ngauraume pak dizie; nang cuh keludau, heleuhdung zangra dizie.4Nnui gu ma tui keludung tangrimdung mbau kecu nzwa kebau dizie; tangrimdung nsau lim tet kecu nzwa, minadung de nsau lim tet zie.5RAMPAUBE au disüt. Pa tinggim ga lungh la. Pa au Zion de kemzeube nah kesamsangbe le tei pui pung zie.6Nnui tingdau pa au kentippe zie,kelikelu kepui, kemteu, nah maci zie; RAMPAUBE de kehing au pe mabam da.7Pielo, penui gwaketeime lampuikidung ga hap bam dida; heleuhding keteimedung kezuyi ziemne regui eh hap süt bam dida.8Puidikidung nkam zing dida; hebeuh keteimedung bam si meda.Samkak keludung tei pang dida, zierangdung de mlai dida , nah mina de herüt peu ta dida.9Hangdeube hei eh hap nah hui nggah dida; Lebanon au ngngam dida nah hui nggah dida;Sharon au hetaideu langkam ge nzwa dida; nah Bashan penai Carmel au penai neidung nhai kap dida.10“Cu au Ih cuh zie da,” RAMPAUBE rang eh; “Cu au acu teu cuh zie da; cu au acu teu cehu luzie.11Nang meiciu kwarie de tetlaklu, nah nang reigau de nna; n cuingi au ncu tei ngkap kera mi ge.12Minadung de ru pwa mimüt tei dizie, hetuu ziudung bi ngkei nah cidung de ru kedi nzwa.13Nnui kemdei ga kebammedung, Ih daipai tei gai bi kingnei lulo; nah, nnui kemna ga kebammedung, a kengkieng ci lulo.”14Zion ga kemaumedung ngngi bam; Tinggwang de si kemakmedung mbeu bam.Anui kakga cau mi heusüt kebam ga kaknage bam lubui no? Anui kakga cau kelunghta heu kebam ga kaknage bam lubui no? 15Samsang eh tet kelame nah makesangbe rang kelame;mide tei keherei kecu gade kemmi ngau kecume de ngkau kelame,hetau henim ge lu kelakne ba teu kecume,hejai teilwa kera kerang de kingnei ta kedime,nah ma kesiabe pie kerane pe miakdung ziangmui kedime,16aipau mina de au kecehu ga lungh zie,pa kwaklu kera bam au tsura ga renei kwa kelu ni ge zie,pe taktyei au pwa peu zie, nah pegu dui au peu jüja zie.17Hegwangpei hangdeu kemdei ge ga hegwang tei kebam pe hezu keyi de n miak le ngau zie. 18Ma kehing aide nang nsung dai luzie; keraube daiga bam no, rangkang ndet kecume daiga bam no? Reketbam kepeibe daiga bam no? 19Samzai tei kemakme de nah helet nang cikemak minadung de de ngau si lakta.20Zion de pie gailo, anui hengyi kelabedung namdi de;nnui miakdung le Jerusalem de ziune eh lungh kebam ni ge nzwa ngau zie, paiki cide au ra dilak,cipau tsiadung au ma dau de züt mpet gai lak mede pe riadung tütti lak.21Cinzwa meliene, RAMPAUBE pe kemdu gade anui da bam zie, hereuki kedi dung nah reuceudung bam gade.Hereuliem petiedung le cika kette tet gwang lak, nah liemdung kedi kette tet gwang lak.22Kedanemene RAMPAUBE au anui tutiakbe, RAMPAUBE au anui gu hezai kekaibe, RAMPAUBE au anui gwangpei; pa anuide kelilu zie.23Ngu heriadung au nla bam; penui hetsia de de pebam gage kai zeu gai lak; penui pe pailim de lim gailak;ma tui kelu nia kekiee de nzi kegai dau, pepi kesiame de ma tui kelu nia keu teu pwa dizie.24Lungh kebammedung ne rang lak, “Ih mra au;” RAMPAUBE cika lungh kebamme penui mau gi beuzie.
Bridge Connectivity Solutions Pvt. Ltd.