Waiata139
Ka Tata a Ihowā i ngā Wā Katoa
Ki te tino kaiwhakatangi. He hīmene nā Rāwiri.
1E Ihowā, kua tirotirohia ahau e koe,kua mōhiotia anō e koe.2E mātau ana koe ki tōku nohoanga iho, ki tōku whakatikanga ake;e mōhio ana koe ki ōku whakaaro i tawhiti.3E kitea pūtia ana e koe tōku ara me tōku takotoranga iho;e matatau ana hoki koe ki ōku ara katoa.4Kāhore rawa hoki he kupu i tōku arero,i toe i a koe te mōhio, e Ihowā.5Kua hangā a muri, a mua, ōku e koe;kua pā anō tōu ringa ki ahau.6He mea whakamīharo rawa,kei tawhiti atu hoki i ahau, tēnei mātauranga;kei runga noa atu, e kore e taea e ahau.7Me haere ahau ki hea i tōu wairua?Me oma rānei ahau ki hea i tōu aroaro?8Ki te kake ahau ki te rangi, kei reira koe;ki te whārikitia e ahau tōku moenga i roto i te rēinga, kei reira anō koe.9Ki te tango ahau ki ngā pākau o te ata,ā, ka noho ki ngā tōpito o te moana;10kei reira anō tōu ringa hei ārahi i ahau,tōu matau hei pupuru i ahau.11Ki te mea ahau, “He pono, tērā ahau e hīpokina e te pōuri,ā, ko te mārama i tētahi taha ōku, i tētahi taha, ka meinga he pō,”12ahakoa te pōuri kāhore e huna mai i a koe,engari ka mārama te pō ānō ko te ao,ki a koe rite tahi te pōuri me te mārama.13I a koe hoki ōku whatumanawa;nāu hoki ahau i hīpoki i roto i te kōpū o tōku whaea.14Ka whakawhetai ahau ki a koe;he mea whakawehi, he mea whakamīharo tōku hanganga;he mahi whakamīharo āu mahi,mōhio rawa anō tōku wairua ki tēnā.15Kīhai i hunā ōku wāhi i a koe,i ahau e hangā ngarotia ana,e āta whakairohia ana i ngā wāhi hōhonu rawa o te whenua.16I kite ōu kanohi i ahau, kāhore anō kia āhua noa.I tuhituhia katoatia anō hoki ōku wāhi ki tāu pukapuka,i ngā rangi i whakaahua ai,i te mea kāhore anō tētahi i oti noa.17Kia pēhea mai hoki te matenui o ōu whakaaro ki ahau, e te Atua;koia anō te ranea, ina huihuia!18Ki te taua e ahau – maha atu i te onepū;ka oho ake ahau – kei a koe tonu ahau.19He pono ka patua e koe, e te Atua, te tangata kino;mawehe koia atu i ahau, e ngā tāngata toto.20He kino hoki ā rātou kupu mōu;e whakahua noa ana ōu hoariri i tōu i ingoa.21Kāhore ianei ahau, e Ihowā, e kino ki te hunga e kino ana ki a koe?E whakarihariha hoki ki te hunga e whakatika ana ki a koe?22He tino kino tāku kino ki a rātou;waiho iho rātou e ahau hei hoariri mōku.23Tirohia iho ahau, e te Atua, kia mātau hoki koe ki tōku ngākau;whakamātautauria ahau, kia mātau hoki koe ki ōku whakaaro.24Kia kite mehemea kei ahau tētahi ara o te kino,ka ārahi ai i ahau i te ara pūmau.