3 John1
1Khua u rañ ñuôr ta kăn Gai-ut khăp khơñ, hư̆n jêng nêh ăñ khăp khơñ mŏng pơp ngĭn ngăn.2Wơ mi khăp khơñ, mŏng grăp pơp, ăñ čang mơn me mau pơp prăl ktang, tăl ăñ čang mơn me mau pơp suaih prăl lŏng săk ndrơm ngăt nhuôl me mau pơp găl jôn ya.3Bơ yơng ăñ čhô̆ brơn ngăn jai ŏh mi sak trôh jêh iên têh sơm pơp ngĭn ngăn yơng ta me, klăh di me ăt djhuang sak mŏng pơp ngĭn ngăn.4Ăñ so hôm mau pơp čhô̆ brơn ram hĭn ta lĕ mơt pơp ho, hư̆n jêng ăñ dơi tŏng ŏh kuôn ăñ ji jăng jai djhuang sak mŏng pơp ngĭn ngăn.5Wơ nêh khăp khơñ, me jai mhŏ bruă mŏng pơp đăo djăp mta bruă me dơi mhŏ ta băl ŏh mi, tăl me mhŏ bruă hư̆n ta băl năč ndrơh ya,6jêng băl krĕh têh sơm yơng ta pơp khăp khơñ me di ta măt pôl ƀrăh. Me jrăng mhŏ ta pơp nơ nôh jăng jai lăm ndơp hên sak truông hui si pơp geh guôp ta Yang Trôk,7bơ yơng hên du yơng băh Năn hư̆n, jăng jai so sŏk dơn ju mta pơp băh uôn lan ta ling.8Hư̆n yơh, ăn băl băn tŭ drông đơ băl klăh iên, no di băl băn ñjêng nêh mhŏ bruă ju băk ta pơp ngĭn ngăn.9Ăñ čih ƀê̆ pơp ngơi ta Pôl Ƀrăh, ƀê̆ dăh kăn Đi-ô-trep, jêng nêh khơñ ñôt bôk grăp nau nêh, so khơñ ruôm băl hi.10Yơng băh pơp ho, ndă di ăñ trôh, ăñ jrăng ksiêm dlăng lĕ mơt bruă kăn hư̆n jêng bruă jai kăn mhŏ mông kăn čhal hi ta pơp ngơi djŏh ƀai. Jêh iên trôh mông nuih nhăm kăn ñăm băh ta grăp bruă hư̆n, kăn so khơñ tŭ drông ŏh mi ôh, jêh hư̆n kăn ăt ghă đơ nêh khơñ tŭ drông jêh iên prơh hên du băh pôl ƀrăh.11Wơ nêh khăp khơñ, ei ru hui pơp djŏh, ƀê̆ dăh ăn hui pơp găl. Nêh tơm mhŏ găl jêng gŭk ting ju Yang Trôk, băl mhŏ djŏh hư̆n ñăm tuôm so Yang Trôk.12Kăn Đê-mê-triu mau pơp pĕh hing găl băh grăp nau nêh jêh iên băh pơp ngĭn ngăn ya. Gao băh iên, hi ăt têh sơm găl ya, jêh iên me gư̆t pơp hi têh sơm jêng pơp ngĭn ngăn.13Ăñ mau ŏk ngăn pơp čiêng čih ta me, ƀê̆ dăh ăñ so khơñ yua dak jŭ jêh iên plim no di čih ta me.14Ƀê̆ dăh ăñ khơñ tŏng tuôm ưm ta me, jêh iên băl băn jrăng tŏng ngơi măt tăm dră măt.15Dăn pơp đăp nang gŭk băk me. Lĕ mơt ŏh mi gŭk ta o kôh čhưn me. Dăn ñuôr pơp kôh čhưn ta grăp găp mi ta iên grăp nau nêh mau măt.
FAR EAST BROADCASTING COMPANY