Иов19
1Тидлан Иов тыге вашештен:2«Мыняре те эше чонем индыраш,шке мутда дене мыйым нулташ тӱҥалыда?3Теве лу гана мыйым шӱктарышда,огыда вожыл те мыйым темдаш!4Мый чынжымак йоҥылыш корныш шогалынам гын,титакем пеленемак кодеш.5Но те шкендам мый дечем кӱшкӧ шындашда намысыш пурымылан титаклаш шонеда гын,6палыза: тиде Юмо мыйым сӱмыралын,ӱмбакем шке вапшыжым шуэн.7Теве кычкырем: ”Мыйым темдат!”, но вашмут уке,полышым йодам, но чынлык уке.8Корныштем Тудо чаракым шынден – мый ом керт каен,пычкемыш дене йолгорнем леведын.9Чапым ӱмбачем кораҥден,вуйшӱдышым вуем гыч налын.10Тудо мыйым чыла могырым чуриктара – мый пытем,ончыкылан ӱшаным Тудо пушеҥгым куклымо семын пытарен.11Ӱмбакем Тудын шыдыже ылыжын,мыйым шке тушманжылан шотла.12Толыныт пырля Тудын сарзывийже-влак,корныштым мый декем виктарат,мыйын омашем авырат.13Иза-шольо-влакем Тудо мый дечем кораҥден,палымем-влаклан йот еҥ лийынам.14Коденыт мыйым лишыл-влакем,палымем-влак мыйым монденыт.15Пӧртышкем толшо уна ден тарзе ӱдырем-влакмыйым йот еҥлан шотлат,мый нунын шинчаштышт ӧрдыжъеҥ улам.16Ӱжам тарзем, а тудо ок вашеште –тудым мый сӧрвалышаш улам.17Шӱлалтышем ватемлан йыгыжге лийын,иза-шольым-влак мый дечем йырнат.18Эсогыл изи йоча-влак мыйым огыт шотло,кынелам – мыйым воштылыт нунат.19Лишыл йолташем-влак мый дечем йырнат,кӧм йӧратенам – тупынь савырненыт нунат.20Мый дечем лу ден коваште,пӱем деч пӱйшылже веле кодыныт.21Чаманыза те мыйым, йолташем-влак, чаманыза,вет мыйым Юмын кидше тӱкен!22Молан тежат Юмо семын поктылыда,темдыме гай мыйым пурыда?23О, мутем-влак возен шындыме лийыт ыле гын!Книгаште нуно возымо лийыт ыле гын,24кӱэш кӱртньӧ ий дене пӱчкын лукмо,курымешлан вулно дене возымо лийыт ыле гын!25Но мый палем, мыйым Сулен налше ила!Пытартышлан Тудо гына мланде пурак ӱмбалне шогаш тӱҥалеш.Ӱмбачем тиде коваште камвочмеке,26эше капыште лиймем годым мый Юмым ужам.27Мый Тудым шке шинчам дене ужам,весе огыл, мый шке ужам!Вучен ноен шӱмемже оҥыштем!28Но те каласеда: ”Кузе мыланна тудым поктылаш?”Чыла лийше туткарлан мыйым титакледа.29Лӱдса керде деч, вет тудо осал пашалан ӱчым шукта,да палыза – суд уло».
Institute for Bible Translation, Finland