Numbers6
1यहोवा मूसा से ई कहलन:2"इस्राएलियन लोग से ई कहिहऽ: जदि तोरा में से कोई खास रीति से खुद के यहोवा के होवे लागी समर्पित करे लागी गंभीर मन्नत माने ला चाहऽ हे, तऽ ई सभे आज्ञावन के पालन करे के बाध, तूँ नाजीर कहलईवऽ, जेकर मतलब हे 'समर्पित आदमी। 3उनका दाखमधु आउर मदिरा पिये से अलगे रहे के चाही। उनका दाखमधु चाहे तेज, मदिरा से बनल सिरका नऽ पिये के चाही। ओकरा अंगूर के रस न पिये के चाही चाहे ताजा अंगूर के किशमिश न खाय के चाही। 4जेतना दिन ऊ हमरा से ऊ नाजीर रहे उतना दिन तक ऊ अंगूर से बनल दाखमधु कोई चीज नऽ खाय, बलुक बिच्चा से लेके छिलका तक सभे कुछ नऽ खाय।5जब तूँ नाजीर होवऽ, ऊ घड़ी तोर बाल भी हमरा समर्पित हो जायत। येहिसे तोरा कहियो अपन बाल पर अस्तूरा चलाबे के इजाजत नऽ देवे के चाही। जब तक कि खुद के हमर समर्पित करे के गंभीर वादा खतम नऽ हो जा हे आउर तब तक ऊ यहोवा ला पवित्र ठहरत, आउर तोरा अपन बाल के लम्बा होवे देवे के चाही। 6आउर तोरा ऊ घड़ी लाश भीर नऽ जाय के चाही जखनी तूँ एगो नाजीर लागी यहोवा लागी अलगे कईल गेलऽ हे।7हियां तक कि चाहे मरे वाला आदमी तोर बाबूजी चाहे तोर माय चाहे तोर भाई चाहे तोर बहिन होवे, तूँ लाश भीर आके हमरा अशुद्ध नऽ करऽ। तोर लमका केसिया ई दिखावऽ हे कि तूँ एगो खास रीति से परमेश्वर के हऽ, येहिसे तोरा ओही करे के चाही जौन तोरा अपन इमानदारी से वादा कईली हे आउर अपन केसवन के नऽ कटबईली हे।8तोरा हर घड़ी अईसन करे के जरुरत हे कि तूँ ई खास तरह से यहोवा ला पवित्र ठहरल रहऽ।9जखनी कोई आदमी तोरा भीर हे आउर एकबैग मर जा हे, तऽ तोर बाल जौन न्योछावर कईलऽ हे, अशुद्ध हो जा हे। येहिसे तोर सात दिन तक इंतेजार करे के होत आउर फिन एकरा कटावे परतो। तब तोरा एगो खास तरह से धार्मिक संस्कार करे के चाही जेकरा से तूँ खुद के फिन से हमरा ला कबूल के लायक बन सकऽ हऽ।10आठवाँ दिन तोरा पवित्र तम्बू के प्रवेश दुआरी पर याजक भीर दुगो पंडुक दुगो कबूतर लावे परतो।11याजक के चिरईंयन के मारे के चाही आउर ओकरा बलिदान के रूप में चढ़ावे के चाही। ओकरा में से एगो खुद पाप के दोस दूर करे लागी एगो चढ़ावा होत, आउर दूसरा एगो बलिदान होत हमरा खुश करे लागी पूरा तरह से जलावल गेल हे। याजकवन के द्वारा ओकरा वेदी पर जलावे के वाध, हम तोरा एगो लाश भीर आवेला क्षमा कर देवो, आउर जब तोर बाल फिर से बढ़त तऽ फिर से हमरा न्योछावर करल जायत।12पिछला दफा यहोवा ला केतना समय अलगे रखल गेल हल, ई मतलब नऽ रखऽ हे, काहेकि जब तूँ नाजिर हलऽ तऽ एगो लहास करीब लाके हमरा ला नकार देल गेलऽ हल। येहिसे तोरा फिर से एगो गंभीर वादा करे के चाही तूँ खुद के पूरा समय लागी न्योछावर करबऽ जे तूँ पिछला बेरा इशारा कईलऽ हल आउर तोरा अपन अशुद्धता के दूर करे लागी एक साल के मेम्ना के दोषबलि देवे के चाही।13नाजीर के अलगे रहे के समय समाप्त हो जाय, ऊ घड़ी ला ओकर एही व्यवस्था हे, जौन तूँ हमरा न्योछावर करे ला वचन देलऽ हल, तऽ पवित्र तम्बू के दुआर पर जईतन।14आउर यहोवा ला तिनगो अईसन जानवर के बलि चढ़ाव, जेकरा में कोई दोष नऽ हे। एक साल के निर्दोष भेड़ के चढ़ावा चढ़इहऽ जौन पूरा तरह से जलावल जायत, एक साल के मादा मेम्ना के अपन पाप के दोष के दूर करे लागी बलिदान के रूप में, आउर एगो पुरा तरह से जवान मेढ़ा के हमरा साथे आराधना बहाल करे लागी बलिदान के रूप में चढ़इहऽ।15जब तूँ ऊ सभे जनावरवन के लावऽ हऽ, तऽ तोरा बलिदान के रूप में चढ़ावे लागी दाखरस भी लावे के चाही। आउर तोरा एगो रोटी के मउनी भी लावे के चाही जेकरा तूँ ढेर सा अच्छा मैदा आउर जैतून के तेल के साथे सान के बनावल हे। बाकि तोरा कोई रोटी में कोई खमीर नऽ डाले के चाही। एकर अलावे पापड़ पर जैतून के तेल लगा के ओकरा याजक भीर लईहऽ।16याजक के उनका यहोवा के सामने खड़ी करे के चाही। उनका अपन पापबलि आउर होमबलि चढ़ावे के चाहिए17आउर ऊ अखमीरी रोटी के टोकरी के साथे मेढ़े के यहोवा लागी मेलबलि कर के चढ़ईतन। याजक के अन्नबलि आउर अर्घ भी चढ़ावे के चाही।18ओकर बाद नाजीर अलगे रहे लागी पवित्र तम्बू के प्रवेश द्वारा पर खड़ा होके अपन वाल के मुंड़वावे के चाही। तऽ तूँ ऊ मुकदमा के ऊ आग में डाल दिहऽ, जौन ऊ जनावर के नीचे हे जेकरा हमरा साथे आराधना बहाल करे लागी वेदिया पर बलिदान कईलन हे।19जब नाजीर अलगे रहे ला माथा तब याजक के मेढ़ा के कंधा के मांस उबालल जाय के चाही। एकरा पकावे के बाद याजक ई रोटिया के एगो रोटी आउर एगो पतला पापड़ के साथे ले जइतन जेकरा जैतून के तेल ओकरा पर लगा के, आउर रोटी के तोर हथवा में धर देतन।20याजक एकरा यहोवा के सामने भेंट कर के हिलईतन, मतलब हिलावल गेल छाती आउर याजक ला उठावल जांघ सहिंत याजक के पवित्र भाग ठहरे। ओकर बाद, नाजीर दाखमधु पी सकलन हे।21ई सभे ऊ विधि हे जौन नाजीर हमरा पर चढ़ावे लागी लावे के वादा कईलन हे जेकरा से ऊ यहोवा ला न्योछावर रहे के समय के समाप्त कर सके। उनका ई मन्नत लावे के चाही, बाकि ऊ जदि चाहऽ हथन, तऽ ऊ आउर चढ़ावा ला सकऽ हथन। आउर उनका सभे कुछ करे के चाही जौन ऊ गंभीरता से करे के वादा कईलन हल जखनी ऊ खुद के हमरा न्योछावर कईलन हल।22यहोवा मूसा से ई कहलन,23"हारून आउर उनकर बेटवन से कहऽ कि जब ऊ हमरा लोगवन के आशीष देवे लागी कहतन, तऽ ऊ कहतन,24'यहोवा तोरा आशीष देतनआउर तोर सुरक्षा करतन।25यहोवा तोरा साथे मुस्कुरईतनआउर तोरा पर दया करतन।26यहोवा तोरा ला अच्छा हो सकऽ हेआउर तोरा लागी सभे कुछ अच्छा तरह से चल सकऽ हे।27तब यहोवा कहलन, “जदि हारून आउर उनकर बेटवन इस्राएल के लोग के आशीष देवे लागी कहतन, तऽ सच में ओखनी के आशीष देते रहम।”
Bridge Connectivity Solutions Pvt. Ltd.