Luke11

1มี​ครั้ง​หนึ่ง​ตี้​พะเจ๊า​อธิษฐาน​อยู่​ใน​ตี้​แห่ง​หนึ่ง เมื่อ​อธิษฐาน​เสร็จ​แล้ว​ฮูกศิษย์​คน​หนึ่ง​เข้า​มา​บอก​ว่า “อาจารย์​จ้วย​สอน​พวก​เฮา​อธิษฐาน​หน่อย​คับ เหมือน​กั้บ​ตี้​ยอห์น​สอน​ศิษย์​ของ​เปิ้น”2พะเจ๊า​บอก​ว่า “เมื่อ​พวก​สู​อธิษฐาน ให้​อู้​อย่างนี้​ว่า ‘พะอ๋ง​บิดา ขอ​ให้​จื้อ​ของ​พะอ๋ง​เป๋น​ตี้​เคารพ​นับถือ​เสมอ ขอ​ให้​เมือง​ของ​พะอ๋ง​มา​ตั้ง​อยู่​ใน​โลกนี้3ขอ​จ้วย​ให้​เฮา​มี​ข้าว​กิน​ใน​ทุกๆ​วัน4ขอ​จ้วย​ยกโทษ​ให้​กั้บ​ความบาป​ของ​พวก​เฮาเหมือน​กั้บ​ตี้​เฮา​ยกโทษ​ให้​กั้บ​คน​อื่น​ตี้​ยะ​บาป​ต่อ​เฮา แล้ว​ขอ​อย่า​ปล่อย​ให้​เฮา​แพ้​ต่อ​การ​ยั่วยวน’5แล้ว​พะเจ๊า​อู้​ต่อ​ไป​ว่า “สมมุติ​ว่า​มี​เปื่อน​มา​แอ่วหา​สู​ตอน​เตี้ยงคืน แต่​เฮือน​สู​ไม่​มี​อะหยัง​จะ​ให้​เปิ้น​กิน​สัก​อย่าง สู​ก็​เลย​ไปหา​เปื่อน​แห็ม​คน​หนึ่ง และ​ร้อง​ฮ้องว่า ‘นี่ เปื่อน​ขอ​ยืม​ขนมปัง​สัก​สาม​ก้อน​ต๊ะ6พอดี​มี​เปื่อน​มา​แอ่วหา แต่​ตี้​เฮือน​ไม่​มี​อะหยัง​จะ​ให้​เปิ้น​กิน​เลย’7เปื่อน​คน​นั้น​ตี้​อยู่​ใน​เฮือน​ร้อง​ตอบ​ว่า ‘อย่า​ยุ่ง​น่า ประตู​ก็​ลง​กลอน​แล้ว ฉัน​กั้บ​ฮูกๆ​ก็​นอน​กั๋น​อยู่​บน​เตียงนี้​หมด​แล้ว จะ​ลุก​ไป​หยิบ​อะหยัง​ให้​ไม่​ได้​แล้ว’8เฮา​จะ​บอก​ให้​ฮู๊​ว่า ถึง​แม้​เปิ้น​จะ​ไม่​ลุก​ขึ้น​มา​หยิบ​ให้​เพราะ​ความเป๋นเปื่อน​กั๋น แต่​เปิ้น​จะลุก​ขึ้น​มา​หยิบ​ให้​เท่า​ตี้​สู​อยาก​ได้ เพราะ​ทน​การตื๊อ​แบบ​หน้าด้านๆ​ของ​สู​ไม่​ไหว9เฮา​ขอ​บอก​ให้​ฮู๊​ว่า ขอ​ต๊ะ​แล้ว​จะ​ได้ หา​ต๊ะ​แล้ว​จะ​พบ เคาะ​ต๊ะ​แล้ว​ประตู​จะ​เปิด​ให้10เพราะ​ทุก​คน​ตี้​ขอ​ก็​จะ​ได้ ทุก​คน​ตี้​หา​ก็​จะ​พบ และ​ทุก​คน​ตี้​เคาะ ประตู​ก็​จะ​เปิด​ให้11มี​ใคร​บ้าง​ใน​หมู่​สู ถ้า​ละอ่อน​ขอ​ปลา แล้ว​จะ​ให้​งู​พิษ​แทน12หรือ​เมื่อ​ละอ่อน​ขอ​ไข่​แล้ว​จะ​ส่ง​แมงป่อง​ให้​แทน13แม้แต่​หมู่​สู​ตี้​เป๋น​คน​ยะบ่ดี ยัง​ฮู๊จัก​ให้​ของดีๆ​กั้บ​ละอ่อน​ของ​สู​เลย แล้ว​พะอ๋ง​บิดา​บน​สวรรค์​ล่ะ จะ​ไม่​ยิ่ง​พร้อม​ตี้​จะ​ให้​พระวิญญาณ​บริสุทธิ์ กั้บ​คน​ตี้​ขอ​จาก​พะอ๋ง​หรือ14วัน​หนึ่ง​พะเจ๊า​ไล่​ผี​ชั่ว​ออก​จาก​พ่อจาย​คน​หนึ่ง​ตี้​เป๋น​ใบ้ เมื่อ​ผี​ออก​ไป​แล้ว พ่อจาย​คน​นั้น​ก็​อู้​ได้ ยะ​ให้​คนยะบ่ดี​ประหลาดใจ๋​นัก15แต่​บางคน​อู้​ว่า “เปิ้น​ใช้​ฤทธิ์​อำนาจ​ของ​เบเอลเซบูล​หัวหน้า​ผี ขับ​ไล่​ผี​ชั่ว​พวก​นั้น​ออก​ไป”16บางคน​ก็​ฮ้อง​ให้​พะเจ๊ายะ​เรื่อง​อัศจรรย์​ให้​ป่อ เปื่อ​พิสูจน์​ว่า​พะเจ๊ามา​จาก​พะอ๋ง​แต๊17พะเจ๊า​ฮู๊​ถึง​ความคิด​นั้น จึง​ตอบ​ไป​ว่า “เมือง​ตี้​แหลวแยก​กั๋น​จะ​ถูก​ยะลาย และ​เฮือน​ไหน​ตี้​ทะเลาะ​กั๋น​เอง​ก็​จะ​แหลว​พินาศ18ถ้า​ซาตาน​ต่อสู้​กั้บ​ตัว​มัน​เอง แล้ว​เมือง​ของ​มัน​จะ​ตั้ง​อยู่​ได้​อย่างไร หมู่​สู​หา​ว่า​เฮา​ใช้​ฤทธิ์​อำนาจ​ของ​เบเอลเซบูล ขับไล่​พวก​ผี​ชั่วนั้น19และ​ถ้า​เฮา​ใช้​ฤทธิ์​อำนาจ​ของ​เบเอลเซบูล​ขับ​ไล่​พวก​ผีชั่ว​นั้น แล้ว​หมู่​สู​ใช้​ฤทธิ์​อำนาจ​ของ​ใคร​ขับไล่​พวก​ผีชั่วนั้น​ล่ะ ดังนั้น พวก​ศิษย์​ของ​หมู่​สู​เอง​จะ​พิสูจน์​ว่า​สิง​ตี้​หมู่​สู​อู้​เกี่ยวกั้บ​เฮา​นั้น​ผิด20แต่​ถ้า​เฮา​ใช้​ฤทธิ์​อำนาจ​ของ​พะอ๋ง​ขับ​ผี​ชั่ว ก็​แสดง​ว่า​เมือง​ของ​พะอ๋ง​มา​ถึง​หมู่​สู​แล้ว21เมื่อ​มี​ตั๋วสูของ​เฮือน​ตี้​แข็งแฮง​และ​มี​อาวุธ​ครบ​มือ​เฝ้า​เฮือน​อยู่ ทรัพย์ต๊ะน​ของ​เปิ้น​ก็​ปลอดภัย22แต่​ถ้า​มี​คน​ตี้​แข็งแฮง​กว่า​บุก​เข้า​มา​เอา​ชนะ​เปิ้น​และ​ยึด​เอา​อาวุธ​ตี้​เปิ้น​ใช้​พ่องกั๋น​ตัว​ไป เมื่อ​ถึง​ตอน​นั้น ก็​ลัก​เอา​ทรัพย์ต๊ะน​ของ​เปิ้น​ไป​แบ่งปัน​กั๋น​ได้23คน​ตี้​บ่ะ​ได้​อยู่​ฝ่าย​เฮา ก็​ต่อต้าน​เฮา และ​คน​ตี้​บ่​จ้วย​เฮา​รวบรวม​ฝูง​แกะ ก็​เป๋น​คน​ตี้​ยะ​ให้​ฝูง​แกะ​กระจัด​กระจาย​ไป24เมื่อ​ผี​ชั่ว​ออก​มา​จาก​ร่าง​ของ​คน​หนึ่ง​แล้ว มัน​ก็​ร่อนเร่​ไป​โตย​ตี้​เปล่า​เปลี่ยว​แห้งแล้ง เปื่อ​หา​ตี้​หยุดพัก แต่​ก็​หา​บ่​พบ มัน​จึง​ฮ้อง​ว่า ‘ปิ๊ก​ไป​เฮือน​เก่า​ตี้​ออก​มา​ดี​กว่า’25แล้ว​มัน​ก็​ปิ๊ก​ไป พบ​ว่า​เฮือน​หลัง​นั้น​ถูก​เก็บ​กวาด​สะอาด​เรียบร้อย26มัน​จึง​ไป​ชวน​ผี​ตี้​ชั่วร้าย​กว่า​มัน​มา​แห็ม​เจ็ด​ตัว เข้า​มา​รวม​กั๋น​อยู่​ตี้​เฮือน​หลัง​นั้น สุด​ท้าย​สภาพ​ของ​คนๆ​นั้น​ก็​เลวร้าย​ยิ่ง​กว่า​ใน​ตอนหัวตี​เสีย​แห็ม”27เมื่อ​พะอ๋ง​อู้​เรื่องนี้​อยู่ ก็​มี​แม่แม่ยิ๊ง​คน​หนึ่ง​ใน​หม่ค้น​ฮ้อง​ขึ้น​มา​ว่า “คน​ตี้​เกิด​ต่าน​มา​และ​ให้​ต่าน​ป่อด​นม ถือ​ว่า​มี​เกียรติ​แต๊ๆ”28แต่​พะอ๋ง​อู้​ว่า “แม่น แต่​คน​ตี้​ฮู้​และ​ยะโตย​ถ้อยกำ​ของ​พะเจ็า ก็​มี​เกียรติ​ยิ่งกว่า”29เมื่อ​มี​จาวเฮือน​มา​นัก​ขึ้น พะอ๋ง​ก็​อู้​ว่า “คน​สมัยนี้​ชั่วร้าย​ฮ้องร้อง​ให้​ยะ​การอัศจรรย์​ให้​ป่อ แต่​เฮา​จะ​บ่​ยะ​ให้​ป่อ นอก​จาก​การอัศจรรย์​ของ​โยนาห์30สิง​ตี้​เกิด​ขึ้น​กั้บ​โยนาห์​เป๋น​เฮื่อง​อัศจรรย์​ตี้​พิสูจน์​ให้​จาว​นีนะเวห์​ฮู๊​ว่า พะเจ็า​ส่ง​โยนาห์​มา และ​สิง​ตี้​จะ​เกิด​ขึ้น​กั้บ​เฮา ก็​จะ​เป๋น​เฮื่อง​อัศจรรย์​ตี้​พิสูจน์​ให้​คน​ใน​สมัยนี้​ฮู๊​ว่า พะเจ็า​ส่ง​ฮูกพระอ๋ง​มา31ราชินี​แห่ง​ทิศใต้​ก็​เหมือน​กั๋น ใน​วัน​ตัดต๊ะน​โทษ​พระเปิ้น​จะ​ลุก​ขึ้น​มา​พร้อม​กั้บ​พวกสู​ตี้​อยู่​ใน​สมัยนี้​และ​ประณาม​พวกสู เพราะ​เปิ้น​อุตส่าห์​เตียว​ทาง​มา​จาก​สุดปลาย​โลก เปื่อ​มา​ฟัง​กำสอน​ตี้​ฉลาด​ปราดเปรื่อง​ของ​สูแป่นดิน​ซาโลมอน แต่​ตอนนี้ สิง​ตี้​ยิ่งใหญ่​กว่า​สูแป่นดิน​ซาโลมอน​ก็​อยู่​ตี้​นี่​แล้ว32ใน​วัน​ตัดต๊ะน​โทษ จาว​เมือง​นีนะเวห์​ก็​จะ​มา​ยะ​ให้​หัน​ว่า​คน​สมัยนี้​ผิด​เหมือน​กั๋น เพราะ​จาว​เมือง​นีนะเวห์​นั้น​ได้​ปิ๊กตัว​ปิ๊กใจ๋​เมื่อ​ฟัง​กำ​สั่งสอน​ของ​โยนาห์ และ​ตอนนี้ สิง​ตี้​ยิ่งใหญ่​กว่า​โยนาห์​ก็​อยู่​ตี้​นี่​แล้ว33ไม่​มี​ใคร​หรอก​ตี้​จุด​ตะเกียง​แล้ว​จะ​เอา​ไป​แอบ​ไว้ หรือ​เอา​ถัง​ครอบ​ไว้ มี​แต่​จะ​เอา​ไป​ตั้ง​ไว้​บน​เชิง​ตะเกียง เปื่อ​จะ​ได้​ส่อง​สว่าง​ให้​กั้บ​คน​ตี้​เข้า​มา​ใน​ห้อง34ดวงตา​ของ​สู​ก็​คือ​ตะเกียง​ของ​ร่างกาย​สู ถ้า​ดวงตา​ดี ทั้ง​ร่าง​ก็​จะ​เต็ม​ไป​โตย​แสงสว่าง แต่​ถ้า​ดวงตา​ไม่​ดี ทั้ง​ร่าง​กาย​ก็​จะ​มืดมน​ไป35ระวัง​ตัว​ไว้​ให้​ดี อย่า​ให้​แสงสว่าง​ใน​ตัว​สู​ปิ๊ก​มืด​ไป36ถ้า​ทั้ง​ร่าง​ของ​สู​มี​ความสว่าง​เต็ม​ไป​หมด ก็​จะ​ไม่​มี​ส่วน​ไหน​มืด​เลย สู​ก็​จะ​สว่าง​จ้า​ไป​ทั้ง​ตัว เหมือน​กั้บ​มี​แสง​ตะเกียง​ส่อง​มา​ตี้​สู”37เมื่อ​พะเยซู​อู้​จบ​แล้ว ผู้นำศาสนา​คน​หนึ่ง ก็​ชวน​พะอ๋ง​ไป​กิน​ข้าว​ตี้​เฮือน​ของ​เปิ้น เมื่อ​ไป​ถึง พะอ๋ง​ก็​ไป​นั่ง​ตี้​โต๊ะ​ข้าว​ทันที38ส่วน​ผู้นำศาสนา​คน​นั้น​ก็​แปลกใจ๋​ตี้​พะเยซู​ไม่​ได้​ล้าง​มือ โตย​พิธี​ก่อน​กิน​ข้าว39พะอ๋ง​ก็​บอก​ว่า “พวก​สู​ผู้นำศาสนา ล้าง​ถ้วยชาม​แต่​เพียง​ภายนอก​เต่านั้น แต่​ภายใน​นั้น​มี​แต่​ความโลภ และ​ความชั่วร้าย​เต็มไปหมด40ช่าง​โง่​เสีย​แต๊ พะเจ็า​สร้าง​ด้านนอก​และ​ด้านใน​โตย​ไม่​ใช่​หรือ41ถ้า​งั้น​ก็​ให้​กั้บ​คน​จน​โตย​ใจ๋ แล้ว​ทุก​อย่าง​ก็​จะ​สะอาด​บริสุทธิ์​สำหฮับ​สู42น่า​ละอาย​แต๊ๆ​พวก​สู​ตี้​เป๋น​ผู้นำศาสนา สู​เคร่งครัด​นัก​ใน​เรื่อง​การถวาย​หนึ่ง​ใน​ต๊ะบ​ให้​กั้บ​พะเจ็า แม้แต่​ใบ​สะระแหน่ ต้น​รู และ​สมุนไพร ก็​ให้​จน​ครบ​ถ้วน แต่​พวก​สู​ปิ๊ก​ไม่​มี​ความยุติธรรม และ​ไม่​มี​ความรัก​ให้​กั้บ​พะเจ็า สู​ควร​จะ​ยะ​สิงนี้​ไป​พร้อมๆ​กั้บ​การถวาย​โตย43น่า​ละอาย​แต๊ๆ​พวก​สู​ตี้​เป๋น​ผู้นำศาสนา สู​ชอบ​นั่ง​ใน​ตี้​อัน​มี​เกียรติ​ใน​ตี้ประชุม และ​ชอบ​ให้​คน​ยก​มือ​ไหว้​ตี้​ตลาด44น่า​ละอาย​แต๊ๆ​พวก​สู​เป๋น​เหมือน​หลุมศพ​ตี้​ไม่​ได้​ยะ​เครื่อง​หขนาด​ไว้ ตี้​คน​เตียว​เหยียบย่ำ​ไป​มา​โดย​ไม่​ฮู๊ตัว”45คน​ตี้​เก่ง​กฎ​ปฏิบัติ​คน​หนึ่ง​อู้​ว่า “อาจารย์​อู้​อย่างนี้ ก็​เท่า​กั้บ​ป่อถูก​พวก​เฮา​โตย”46พะเยซู​จึง​ตอบ​ว่า “ใช่​แล้ว พวก​สู​ตี้​เก่ง​กฎปฏิบัติ ก็​น่า​ละอาย​แต๊ๆ​เพราะ​พวก​สู​ออก​กฎ​ตี้​เป๋น​ภาระ​หนัก​อึ้ง​ให้​คน​อื่น​แบก​ไว้ แต่​ตั๋ว​ไม่​คิด​ตี้​จะ​จ้วย​แบก​แม้แต่​นิ้ว​เดียว47น่า​ละอาย​แต๊ๆ​เพราะ​สู​สร้าง​อนุสาวรีย์​สำหฮับ​ผู้อู้แทนพะเจ็า​ตี้​บรรพบุรุษ​ของ​พวก​สู​เป๋น​คน​ฆ่า48แสดง​ว่า​พวก​สู​หันดี​โตย​กั้บ​สิง​ตี้​บรรพบุรุษ​ของ​สู​ได้​ยะ​ไป พวก​เปิ้น​ฆ่า พวก​สู​ก็​สร้าง​อนุสาวรีย์​ให้49เพราะ​อย่างนี้ จึง​มี​สติปัญญา​ของ​พะเจ็า​บอก​ไว้​ว่า ‘เฮา​จะ​ส่ง​พวกผู้อู้แทนพะเจ็า และ​พวก​ทูต​พิเศษ ไป​ให้​พวก​เปิ้น ซึ่ง​บางคน​ก็​จะ​ถูก​พวก​เปิ้น​ฆ่า และ​บางคน​ก็​จะ​ถูก​ข่มเหง’50คน​สมัยนี้​จะ​ต้อง​ถูก​ลงโทษ​สำหฮับ​เลือด​ของ​พวกผู้อู้แทนพะเจ็า​ทุก​คน ตี้​ถูก​ฆ่า​ตั้งแต่​เริ่ม​สร้าง​โลก​มา51นับ​จาก​เลือด​ของ​อาเบล จน​ถึง​เลือด​ของ​เศคาริยาห์ ตี้​ถูก​ฆ่า​ต๋าย​ระหว่าง​แท่น​บูชา​กั้บ​โบด​ของ​พะเจ็า ใช่​แล้ว เฮา​จะ​บอก​ให้​ฮู๊​ว่า คน​ใน​สมัยนี้​นี่​แหละ​ตี้​จะ​ต้อง​ถูก​ลงโทษ​สำหฮับ​เลือด​ของ​คน​พวก​นั้น​ทุก​คน52น่า​ละอาย​แต๊ๆ​พวก​สู​ตี้​เก่ง​กฎปฏิบัติ เพราะ​สู​เอา​กุญแจ​ตี้​จะ​ไข​ความฮู๊​ไป แต่​ตั๋ว​ไม่​ยอม​เข้า​ไป แล้ว​ยัง​ขัดขวาง​คน​อื่น​ตี้​กำลัง​จะ​เข้า​ไป​แห็ม​โตย”53เมื่อ​พะเยซู​ออก​ไป​แล้ว พวก​ครู​สอน​กฎปฏิบัติ​และ​พวก​ผู้นำศาสนา ก็​เริ่ม​ต่อต้าน​พะอ๋ง​อย่าง​หนัก และ​ซักถาม​หลายๆ​เรื่อง​อย่าง​ไม่​หวัง​ดี54เปื่อ​คอย​จับผิด​กำอู้​ของ​พะอ๋ง

Son Light Foundation

https://app.library.bible/content/8de2021a59f64955