VAGALATIA5
1Kilisito atugitile tuveche pekesu, akasakile tusigale pekesu. Suwe, muveche vakangafu mubihile kuvecha muusutu kangi.2Mupulikiche! Nene ndi Paulo ndikuvalongela nyenye kuva ngita mudikila kudumulwa bina, neke mdikilwe pautalo lya Nguluvi, suwe muchele gala geagitile Kilisito kwakuva lya nyenye segakuvatanga kinu.3Ndikuvalongela kangi, yula yeadikila kudumulwa bina ikumng'ang'a akolele malagilicho gonda ga Nguluvi geamgavile Musa.4Nyenye yemusaka kugitwa vasanzi pautalo lya Nguluvi kwakuchidikila malagilicho munengilwe na Kilisito, mugehe kutali na usanzi va Nguluvi.5Ila nefwe, tuchindila kwa luhuvililo kwa umwimike va Muhe va Nguluvi neke tugitwe tudikilwe pautalo lyake kwa ng'asi ya kumdikila Yesu.6Ngita munu akwiwunga na Kilisito Yesu, aveche adumule bina awu seadumule bina kwihela sekinu, ila kinu ndi kudikila kwa veve nde kukugita uvakele vanu vangi.7Kyanda kyenu kikali kinofu! Ani yeavakanile mubihile kudikila undakyene?8Mawulanicho aga segahumile kwa Nguluvi yeavakemeliye.9Vanu vilonga, “Lisimika lidodo ligita utine vonda lihate!”10Kwakuva nefwe tuwungine na Kilisito, nichela undakyene dasemufwata machowo ga vanu vangi, ila damufwata machowo gangu. Kangi munu yeyonda yeakuvanenga daihigwa na Nguluvi.11Ila vakolo vangu, ngita nene ndave ndikuvadalikila vanu vadumulwe bina, kwa liki ndave ndigudiswa na Vayawudi? Ngita ndave ndidalika kuva ing'ang'wa kudumula bina, suwe, kudalika kwa nene njowo cha kipindilihicho cha Kilisito ngasevavipile.12Nding'ang'a vanu avo vevakuvagudisa nyenye kwa makani gya kudumula bina, vaendelele kuvagita vabihile kubaba kangi.13Nyenye vakolo, mukemeliwe neke muveche pekesu. Ila upekesu uwo ubilihe kuvagita kufwata ludobokelo lwa mvili, ila muyigumbanikiye mwavene kwa lukelo.14Malagailicho gyonda cha Musa chigehe mulilagilicho limwi, “Mukele muyago ngita pewikwikela yumwene.”15Ila ngita mukwiluma na kwidakula mwavene ngita vang'oko, muyilolele mubihile kwidocha mwavene.16Suwe, ndilonga ndeni, kyanda chenu chilongochwe na Muhe va Nguluvi, nyenye dasemudobokela kangi ludoboko lwa mvili.17Kwakuva ludobokelo lwa mvili chikwipinja na Muhe na Muhe upinjana na ludobokelo lwa mvili. Muhe va Nguluvi na mvili chikwipinja, ndeni semuwesa kugita gala gemwisaka mwavene.18Ila ngita mukilongochwa na Muhe va Nguluvi, suwe dasemuvecha vasutu va malagilicho ga Nguluvi gemgavile Musa.19Suwe, magito ga inyi ndi aga, usasi na ugoni na kugita njowo cha nyoni kwa vanu,20kugundamila ming'omong'omo, uhavi na uchundwama na ndewo na wifu na luvipo na wimi na kuvagita vanu vayilumbane na kuyinenga fipinga na kuvanenga vangi,21kudobokela na ugala na kuliya kuno ugwite na makani gangi gegiwana na ago. Ndikuvalakilila, ngita pendivalakilile pamwandi, vanu vevigita makani ngita ago, daseviupata ung'achale va kuluhano kwa Nguluvi uveche vawo.22Ila pewilongochwa na Muhe va Nguluvi dawivecha na lukelo na lukeduko na lutengamaso na luhuvililo na usanzi na kuveche munu va kuvatanga vangi na kwikala ngajila lukolakola,23ufokomasi na kuyilongocha. Kwihela malagilicho yeiwesa kulonga makani aga ndi mawofu.24Vanu vonda vevagehe na Kilisito Yesu vavambilwe pakipindilihicho uwumi vawo va kimvili pamwi na mahocho gake ganjanganifu na ludoboko chake.25Muhe va Nguluvi atugavile uwumi, ndeni ndeni tumleke alongoche uwumi vetu.26Suwe, tubihile kwinjuma, tubihile kwivipisa vala kuyiwonela wifu.
The Word for the World International