ማዝሙርያ91
ጾሳይ ኑና ናግያዋ
1ኡባፐ ቂያ ጾሳን ናገቲደ ደእያዌ፥ኡባፐ ዎልቃማ ጾሳ ኩዋ ግዶን አቄ፤2መና ጎዳዉ፥“ኔን ታዉ ጌሱዋነ ባቃታ አትያ ሳኣ፤ኔን ታን አማንያ ታ ጾሳ” ያጋና።3እ ኔና ሻንካንቻቱዋ ግትያፐካ፥ዎ ዉርስያ ኢታ ሀርግያፐካ አሻና።4እ ባረ ባለቱዋን ኔና ካማና፤አ ቀፈቱዋ ጋርሳ ኔን ባቃታደ ቆሰታ አታና።አ አማነቱሳይ ነዉ ጎንዳለ።5ኔን ቃማ ዳጋንያባዉ፥ዎይ ጋላስ ጾንገትያባዉ ያያካ፤6ዎይ ማን ኦይቂያ ሀርግያዉ፥ዎይ ጋላሳ ሴታን ዉርስያ ኢታ ሀርግያ ህርጋካ።7ሻአይ ነ ምይያን፥ቃይ ታሙ ሻአይ ኔፐ ኡሸቻ ባጋና ኩንዳና፤ሽን ኔና አያይነ ቦቼና።8ኔን ነ አይፍያ ጻላላን ጼላና፤ኢታቱ ሙረትያዋካ በአና።9መና ጎዳ ኔን ነዉ ባቃታ አትያ ሳኣ ኦዳ ድራዉነ፥ኡባፐ ቂያ ጾሳ ነዉ፥ደእያ ሳኣ ኦዳ ድራዉ፥10ኢታባይ ኔና ቦቼና፤ቦሻይካ ነ ጎልያ ሺቀና።11አያዉ ጎፐ፥ ነ ኦግያን ኡባንኔና ናጋና ማላ፥ጾሳይ ባረ ኪታንቻቱዋ አዛዛና።12ነ ገዲ ሹቻን በተና ማላ፥ኪታንቻቱ ባረንቱ ኩሽያን ኔና ደንና።13ኔን ጋሙዋነ ሾሻ ቦላን ሄመታና፤ቃይ ዎዳላ ጋሙዋነ ዎያ ሾሻ ኔን የና።14መና ጎዳይ ሀዋዳን ያጌ፤“እ ታና ሲቄዳ ድራዉ፥ታን አ አሻና።እ ታ ሱን ኤሬዳ ድራዉ፥ታን አ ናጋና።15እ ታና ጼግያ ዎደ፥ታን አዉ ኮያና።መቱዋን ታን አናና እትፐ ግዳና፤ታን አ አሻናነ ቦንቻና።16ታን አ ላይ አዱሳደ ካልሳና፤ታ አቶተ አ በሳና” ያጌ።The Word for the World International