Faarotikaa Maxaafa2
Mageni Fi'leeka Moyanjo
1Mageno ege'nebaaki ardi mayeete diinakee'e bukki hiyya'neek?Gosa gosak arduwwi tolanga mayeete yaane miciiraak?2Buttatiki moyanjuwwinna insaa'nek ja'laabuwwiDuuchchi Woddiki Gootti hariireke'ninna Duuchchi Woddike Gootta'n fuggoxxa mari'ato'a bukki hiyye.3Tennexxee, «Amme insa'nexxe galchaka haachaba no'oxxe lekkanaa'n tanshino;wodaro insa'neexxanna kunte ifinaa'ni hunno» hine.4Iima mootete'ni hedheeki Gootti insa'ne oso'le;insa'neke toliinke heduma'ninna gacifate.5Ookkoneechchi uduma Mageni mufe ifixxenni insa'nee xixaan;yo'oshsha aarenna insa'nee sodachchisaan.6Tennexxee, «woyyitte anxa kooba Tsiyoon hanafi'lennek moyanji mowaashsha assenne» hiyye.7Moyanjikinna ani Duuchchi Woddike Goottika seera lallabannon;Megenikinna anee hiyyee qici, «Ati anke beltoni, ani telcho atee i'leennen;8Anee kadhati, gosa gosaki ardi duuchchi ati'a hiremaashsha assannon;butta duuchchanna galchitota'a ati'a uwwannon.9Mootondetexxi, lekka atixxinni insa'nee hiribeessittaton;faariinke miyishshanna insa'nee butuchchite bulleessittaton.»10Tennexxee ha'no buttatike moyanjuwwaa konnee xixxichcho qalbeeffatte;ha'no buttiki ja'labuwwinna tennee daabbachcho kassi hiyye.11Duuchchi Woddike Gootti'a soda'ati ergatemme;culphisinna'ni isi'a hiremme.12Aare isixxi iikki woddi bubbammaxxee ha'noo mufate balleessabashshaculphisina'ni isoo ulfeesse;isoo gollake assedhaaka duuchcha eebbisaan.The Word for the World International