Issayaasikaa Raaga29

Daawwitike Qachchi'a Iyyerusaalemi'a Aanne!

1Daawwiti ofo'lemmake qachchi,Ari'eeli, ati'aa woo,Woggande'ni hana wogga lephphiwoggatik ayyaani atikinna ulfesema'n hedhowaal  buqannon;ise ooxxaan woo woo hitaanani'anna tolchimalchiinke boonchishsha kaddaan.2Yaane kinni Ari'eeli'i buqannon;ooxxaan; woo woo hitaan;ise ani'aanna tolchimalchiinke boonchishsha kaddaan.3Atike qarqara'n hedhannon;dalla'ikinna atee qoqqobannon;qoqqobatixxa tullubonna atee wixxirri assannon.4Butti'aanna dhidhindatton;buttati hundi darrenna haasottatton;haaso'i buttinni giddii'n iimi'a dagaan;haaso'i atik bukkotenaa'n hashashaan.5Yaane kinni atik heddi naaphi bukotike huurishshamararte afebaake mannixxi birsa'nenna sa'aakeHuurishsha kaddaan;dedhange'n hedendebaangi,6Dada Duuchcha Ajajaaki Duuchchi Woddiki GoottiDindinso, buttiniinxa lele'ma, jabaxxa diidallo,hobonbalitte, danbala'ikinna ittaaxxe giiratike bubenjinni dagaan.7Ari'eeli lolaaka gosa gosa duuchchika hore;ise'ninna isexxe kollo'n miidhaakinna ise'e qoqqobaakOojjotishshahashshanna leellitaaxxe leellaashsha kadaan.8Solo'week manjichchi oojjoti iita'n galeexxiyaane kinni soodaa wodda solo'o balleesedhemmabaashshadheebo'wek manjichchinna oojjoti ha'wa'n galeexxiyaane kinni dammaqaa wodda wexeqemeexxanna dheebo isoo waaldemmabaashshaTsiyoonixxa kooba lolaakgosa gosak hori duuchchi iittaande kadaan.

Mageniinka Ajaja Tuffata Iyyedagaaxxa Mura Woxisa

9Mambe'a hiyye, alayye,himmi hiyye affinabaakenna kadde;Woyinetixxe bookannite kaddoqqe malee machcho'we;machchoossitaaxxe ha'wannite kaddoqqe malee gatantare.10Duuchchi Woddiki Gootti jabaka diipho ha'no'n wocci asse'een;ha'noxxa wabeeko, ille ha'nooxxa buqe'een;ha'noxxa wabeeko, sammo ha'nooxxa cufe'een.11Wabeekumiinxe waleellaaxxi tika duuchcha ha'nonaa'ni sho'ondeexxi maxxansik maxxansemeeke mirqisanjo maxaafa kadaani; miriqisanjo maxaafa haaseessaake manjiba'a adhdhitine me'itine «No'aa isoo haaseessi hitine» kadhatinoolenna midde «Maxxansememmaxxee isoo haasseessa dande'abe'non» hiyyaani.12Haaseessa dande'abaake manjiba'a mirqisanjo maxaafa adhdhitine me'itineexxi «No'o'a haaseessi» hitinoole, «Ani haaseessa ege'nebo'noni» hiyyaan.
13Duuchchi Woddiki Gootti, hiyya'nee qici,«Kunni ardi afo'ik aniba'a shiqaansuume ifixxinninna anee ulfeesaan;qalbe isixxi kinni anenaa'n bayyateexxen;isi anee magenoofate'neekinnamanji barsiisemmaxxe manjiinxe huje callinniten.14Tennexxee kunni ardi masote'n masoyaane assa'nHaaroba isoo mambe'a hiyyaashsha assannon;beekoletiki beekkumi ba'aan;Qalbefataake mannixxe qalbeefachcho miliqqaan» hiyya'nen.

Edi'a Hexxeexxa Halcha29:15 1 Qor. 1:19.

15Yaada ifika Duuchchi Woddike Goottanaa'n sho'eccateedhi'mo bale giddi'a e'yaakiir,Huje ifixxanna dukkana giddo huccakiir,«Aate no'oo afa? Aate no'oo ege'na» hiyyakiiri'a insa'ne'a aanne!16Ha'no yaane gonbissinaanwaati giissemmaka manjichcho waatiinsha isoo uudinaan;isi hujeechchi isoo hujemmaka«Isi anee hujebaan» hiyyaata?Waati isoo giissemmaka manjichcho«Isi mittelchonna ege'neechchi hedhebaan» hiyyaata?17Libaanoosik gongomi eloke fichcha kadateeshaqqake kadeemmak fichchinna gongomake kadetee heenoxxe yanna isi'a gattabaata?18Eettenne yanna mansha laqqabaaki mirqisanjo maxaafika hiyyichcho laqqaan;ille affammabaakixxinnaqayootakenaa'ninna dukkanatenaa'n gargar higgeexxi affaan.19Ba'lak manni Duuchchi Woddike Goottinnwoyi fulabaak manninna ookkone Isira'eelike woyyichcha'n haaroba gammadaan.20Mararte afebaaki manninna hedhemabaashsha kadaan;gacifataakirinna miliqee ba'aan;fuggoxxee ripheek duuchchi fugussemaan.21Manjoke'n yaaneti balleessanjoke assaakiirku'lemeeke manna'n fonxoro fayaakiirdhaariinxe dhugaa kullani dhuga'a balleessa afebaakerinaa'n mulqedhaakiir kutemaan.
22Tennexxee Abirihaamii'i wodeek Duuchchi Woddik GoottiYa'iqoobika arda hiyya'nee qici«Ya'iqoobi ta'anni edi'a shookaba'aalbi isikinna ta'anni edi'a shudhdhudhdhi hiyyaba'a.23Oddo insa'neexxe'n anxe angaxxe huje kaddeexxaifixxa oose uunda woddaasumma anka woyyoonsinaan;ookkone Ya'iqoobike woyyichchixxa woyyummanna egennaanookkone Isira'eelike Mageni edonna soda'ati uurrinaan.24Irra ifikenni dedheekadhumaakiir gorissa adhdhaan» hiyye.

The Word for the World International

https://app.library.bible/content/2b894378475c6aea