Sálumu64
Afurieiduni amuriaha ounigirúni hawéi áganiñu
1Nubungiute, aganbabéi numalali lidan nafurieidun; aramudabéi nibagari hawéi hanarime áganiñu.2Aramudabana hawéi wuribatiña luma luéi haransehan le aramudaguabei; sefubána luéi heledegun wuribatiña;3ha ayaraahabarun hañeñe kei eféin ígiragüda hagía dimurei péisiniti kei gimara.4Chǘguatiña luagun le madurunbei lídangiñe haramudaguagüle; chǘguatiña le sódiniti manufudeuga.5Rútiña gurasu hóuniwagua lun hadügüni le wuribabei; aransehatiña lun hesetirun sádara aramudaguatu ani haritaguatiñati luagu úabei lan arihitiña.6Luagu úabei lan álügüdahati libügürü wuribani burí le hadügübei. Gama lumoun le subudihabúbei lun lilulin-agei lisaminan gürigia, lálügüdahaba libügürü.7Límiragubaña Bungiu tau ligimaran, líbaagubaña sódinirügü;8hábürühaba luagu hererun guánarügü, ábame hadügün sun ha arihitiña bula hau.9Ábameti inebe lan Bungiu houn sun gürigia, ábame hadimurehan luagu burí katei le ladügübei; ábame gunfuranda hamani katei le burí ladügübei Bungiu.10Hagundaaruba gürigia ha buídubaña lidan Aburemei háluahaba giñe haramudagun lóubawagu, gufurumabaña sun ha harumabaña aritagun.Bible Society of Honduras