রোমীয়10

1বিদা-ফংবায়ফৗর আরৗ বিবো-বিনানাওফৗর, আংনি গৗসৗয়াও লুবৈনায় আরৗ বিছৗরনি থাখৈ ঈশ্বৗরনিয়াও প্রার্থনায়া বেনৗ, জাহাথে বিছৗরৗ বাছাইজায়ৗ।2মানৗনা আং বিছৗরনি বিষয়ৈ সাক্ষ্য হৗয়ৗ যে, ঈশ্বৗরনি বিষয়ৈ বিছৗরনি গৗসৗ গুদুং, নাথায় জগা জগ খৗলামনায়া বিছারনি জ্ঞান অৗঙা।3মানৗনা বিছৗরৗ ঈশ্বৗরনি ধৗরৗমিয়ায়া মা বিখৌ বুজিয়া আরৗ বিছৗরৗ গাওছৗরখৌ লুখাংনৗ নাগিৎনৗ বিছৗরৗ গাওনি ধৗরৗমিয়াখৌ, বিছৗরৗ ঈশ্বৗরনি ধৗরৗমিয়ানি থাখৈ গথাইয়াখৈ।4খ্রীষ্টআ জাবায় আইননি জৗবথানায়, বিনিখাইনৗ সাফ্রৗমবৗ জাইয়া ফৗথাইনায়জৗং ধৗরৗমিয়া জায়ৗ।
5মোশিনি লিৎনায় বে আইননা বিনি গেজেরজৗং ধৗরৗমিয়া জায়ৗ, “জাই মানসিফ্রা বে জিনিসফৗরখৌ মাওবায় বিছৗরৗ ঠাংনায়।”6নাথায় ধৗরৗমিয়ায়া অর্থাৎ ফৗথায়নায়জৗংসৗ বুঙৗ, “নৗংনি গৗসৗয়াও দাবুং, ‘ছৗর স্বৗর্গৗয়াও থাংনায়?’ বি খ্রীষ্টখৌ গাহায়াও লাবৗনৗ,7এবা ‘ছৗর গৗথৌসিনাও অৗংখাৎলাংনায়?’ অর্থাৎ গৗথৈফৗরনিফ্রায় খ্রীষ্টখৌ গৗজৌয়াও লাবৗনৗ।”8নাথায় বে মা বুঙৗ? “বে রাওয়া নৗংনি খাঠিয়াও, নৗংনি খৌগায়াও আরৗ নৗংনি গৗসৗয়াও,” অর্থাৎ ফৗথাইনায়নি বি বাথ্রায়া, জেখৌ জৗঙৗ প্রচার খৗলামৗ।9যদি নৗঙৗ নৗংনি খৌগাজৗং সিমান লায়ৗ, “যীশুখৌ ফৗরবু,” হৗন্নানৈ মিথিসাৎ হৗয়ৗ আরৗ গৗসৗয়াও ফৗথাইয়ৗ যে, ঈশ্বৗরা বিখৌ থৈনায়ফৗরনি গেজেরাও বৗখাংফিনবায়, অব্লা নৗঙৗ বাছায়জানায়।10মানৗনা মানসিফ্রা গৗসৗজৗং ফৗথাইয়ৗ ধৗরৗমিয়ানি থাখৈ আরৗ বিছৗরৗ খৌগাজৗং স্বীকার খৗলামনায়া বাছাইজানায়নি থাখৈ।11জেরৈবাদি শাস্ত্রয়া বুঙৗ, “ছৗরবা সাছে বিনি ছায়াও ফৗথায়ৗ, বিয়ৗ লাজি নাংনায় অৗঙা।”12মানৗনা যিহূদি আরৗ গ্রীক ফারাগ গৈয়া; মানৗনা সাফ্রৗমনিবৗ একেই ফৗরবু; জাইফ্রা বিখৌ লিংহৎনৗ, বিছৗর সাফ্রৗমনৗবৗ ফৗরবুআ গৗসৗ গুয়ারজৗং হৗয়ৗ।13মানৗনা, “সাফ্রৗমবৗ জাইফ্রা ফৗরবুনি নামখৌ লিংহৎনৗ, বিছৗরৗ বাছাইজানায়।”
14অব্লা, বিনি ছায়াও জাইফ্রা ফৗথাইয়াখৈ মাব্রৈ বিখৌ বিছৗরৗ গাবজ্রিনায়? আরৗ মাব্রৈ বিছৗরৗ বিখৌ ফৗথাইনায় যদি বিছৗরৗ বিনি বিষয়ৈ মাব্লাবাবৗ খৗনাখৈ? আরৗ ছৗরবা বিছৗরনিয়াও প্রচার খৗলামালা বিছৗরৗ মাব্রৈ বিনি বিষয়ৈ খৗনাছংনৗ হায়ৗ?15আরৗ দা ছৗরবা থৗনহৎনাব্লা মাব্রৈ প্রচার খৗলামনৗ হাগৌ? আরৗ মাব্রৈ ছৗরবা সাছে বিছৗরনিয়াও প্রচার খৗলামনায়, “জাইফ্রা মৗজাং খবরখৌ লাবৗয়ৗ বিছৗরনি আঠেঙা বেছে সমাইনা।”
16নাথায় গাছেন ইস্রায়েলয়ারিফ্রা মৗজাং খবরখৌ নাজাওয়াখৈ মৗন। মানৗনা যিশাইয়া বুংদৗং, “ফৗরবু, জৗংনি বাথ্রাখৌ ছৗর ফৗথাইদৗং?”17বিনিখাইনৗ ফৗথাইনায়া বাথ্রা খৗনাছংনায়জৗংসৗ ফৈয়ৗ আরৗ খৗনাছংনায়া খ্রীষ্টনি বাথ্রানি গেজেরজৗং জায়ৗ।18নাথায় আং বুঙৗ, বিছৗরৗ খৗনানৗ মৗন্নাখৈ নামা? নংথারগৌ বিছৗরৗ খৗনাবায়।
“বিছৗরনি গারাংঙা গাছেন সংসারাও থাংবায়, আরৗ বিছৗরনি খৗথাফ্রা সংসারনি জৗবনায় সিম ছহৈবায়।”
19আরবাও আং সৗঙৗ, ইস্রায়েলয়া মা কি বুজিনৗ হায়াখৈ? সিগাং, মোশিআ বুঙৗ,
“জাইফ্রা হাদৎ মৗনছেনি অৗঙা বিনি গেজেরজৗং নৗংছৗরখৌ হিংসা খুরিয়া খৗলামনায়; বুজিনৗরৗঙি জাতিনি গেজেরজৗং নৗংখৌ রাগ খৗলামনায়।”
20আরৗ যিশাইয়া সাহসজৗং বুংদৗং, “জাইফ্রা আংখৌ নাগিদনাখৈ, বিছৗরৗ আংখৌ মৗনবায়, জাইফ্রা আংনিফ্রায় সৗঙাখৈ, বিছৗরখৌ নুজাহৗদৗং।”
21নাথায় ইস্রায়েলনি বিষয়ৈ বিয়ৗ মা বুঙৗ, “সারা দিন আঙৗ অবাধ্য আরৗ অখ্রা মানসিফৗরনি থাখৈ আঙৗ আখাই ফৗলাওদৗংমৗন।”

The Seed Company

https://app.library.bible/content/4e52604fbda8b59f