Wos Ananun9
Firnanem ma fawi nanemba
1Firnanem vyawes rum vyeja kwar, ma iwar kov kakyar ri fik vyeskoya.Kov rum vesambrav2Kyaruk kwar rofanfan fa ifrur munara, fyasos kako war anggur ma nanan.3Vin veyuf farmyan vyesi iwansi fa sores ro mov vekaki ma skaru ve kotaya kasiper,4“Mansei vefawi mankunba, ivye kada isnefer muma!” Faro mansei veswar nanemba, firnanem dawos ra dine,5“Mkorama mkan nanan nane ma mkinem war anggur yafasos kwar sine.6Wabur fawi nanembaya, insa wakenem kuker aski marisen. Waso monda neyan kenem snonkaku vefawinanemsya.”7Snonkaku vemewer vesma farkakorsya kwurfasnai sasar sena ido nari simbrif au. Snonkaku evarvorsya wamsorsi, nari sifover sifyak au.8Wasonek snonkaku vemewer vemnaf farkarkorsya nawer, snar nari sembrov au. Imboi snonkaku swaruser veknonsya kwurfasnai sasar sena ido, nari sve syowi kaku au.9Wakofen farkakor snonkaku swaruser venapesya ido nari ismai swaruser veknon nasyadiwer. Farkor snonkaku vesoyuser Allah i nsya nari fawawi sena nfanfanfon.10Insa wasmai firnanemya ido, veponya besyowi ma wararyof faro Manseren Allah. Mambir Allah Vesrenya nido, nari wasmai fawawi.11Firnanemya nari vyuk ve au kankenem vekwan kaku.12Fafisu nwa firnanemya ido, nari nwa vayayeya. Imbape kwurpum firnanemya ido, nari wakenem fromo monda.13Fawi royovaya imnis raris vin svardip eve prepre ma vefawi vemaiva.14Mov vyedi isoine kerwa rum vyedi rova kerwa veba ro kota.15Ro diya dor ve kawasa vembranuksya. Snonkaku sne venapes sya kako dembuksi,16“Snonkaku vefawi karyonba auya, rwama wamnai sar resari!” Ma faro snonkaku vewasen nanemba ikofen ra dine,17“War kinem karaw nakada nmarnden, ma roveyan kan fasasisna nanbye syadi.”18Snonkaku daw ninyansya sifawiva vo snonkaku vera yov insya nari simar ro diya; ma mundiri vesun ro rum vyedi, fafis anya kako isya ro mun aivuiya kwar.The Seed Company