1Kene adama a̱ likuci i Taya,na̱mgba̱i a̱tsuma̱, a̱ɗa̱ antiki a antsu a Taya a na uta̱i a Tarishi,adama a na a̱ la̱nga̱sa̱ ta̱ Tayaɗa wo okpoi babu kpaꞋan ubuta̱ u kuzuwa antsu dem.Ɗaɗa kadanshi kuta̱i a iɗika i Sairusu ɗa ka̱ ta̱wa̱i we le.2Shika̱ n ka̱bini a̱ɗa̱ na yi ida̱shi o kotogu,a̱ɗa̱ aza a tsulaga a Sidon, aza a tsulaga a̱ ɗa̱ a pasa ta̱ mala,adama a na a zuwa likuci i ɗa̱ yo okpo yi uciyi.3Ili i kashina i Shiho,yu uta̱ ta̱ a mala me Meditereniya,i na a cimbai o kuyene ku Nilu, i ɗaɗa a̱ tuka̱i a Taya,ɗa Taya wo okpoi kuden ku gbayin ka aduniyan dem.4Pana wono, avu Sidon, avu katsura ka malaadama a na mala ma dansa ta̱,adama a na mala ma iwan wu ta̱ ma danai, <<Mpa n saꞋwa kuyaꞋan a̱ga̱nda̱ a limata ba, ko m matsa,n saꞋwa kuyaꞋan ka̱ɓa̱na̱ ka̱ muku mo olobo ba, ko ke nkere.>>5A ayin a na baci a̱ tuka̱i n kadanshi ka na ka̱ uta̱i a Masar,i ta̱ o kokpo n una̱mgbuka̱tsuma̱ n kadanshi ka Taya ka.6Pasai a kubana a Tarishi,na̱mgba̱i a̱tsuma̱ a̱ɗa̱ na yi ida̱shi o otogu.7Na va ɗaɗa likuci i ma̱za̱nga̱ i ɗa̱i na yi lo ali n ayin a tsumani,i na i zuwai uma a̱ nia̱ da̱sa̱ngi a̱ likuci kakau daꞋin?8Yayi u yaꞋankai aza a Taya kusheshe ku wuya ku nampa,a̱yi na u tsu neke tsugono,i na aza a tsulaga a̱ ni i tsu muku mu ngono,ɗa kpamu e yevei aza a tsulaga a̱ ni a̱ ka̱tsuma̱ ki iɗika dem?9Vuzavaguɗu MalaꞋimili ɗa u foɓusoi kaꞋa nannai,u foɓusoi i ɗa adama a na u yawaka aza a̱ a̱ra̱ɗi uteku,u neke uma e le a na i n tsugbayin wono a aduniyan.10Betuwei a iɗika i ɗa̱ tsu na mala ma̱ Nilu me ci yene,a̱ɗa̱ uma Tarishi,adama a na i buwa n ubuta̱ u na i tsu zuwa antsu ba.11Vuzavaguɗu u ɗengusa̱i kukiye ku ni ɗa u sapangi mala ma,ɗa u zuwai tsugono ci ni tsu gba̱ɗa̱i.Vuzavaguɗu u neke ta̱ kadanshi adama a naa̱ la̱nga̱sa̱ ubuta̱ wu utsura u KanaꞋana.12U danai, <<Vo kudoku va yaꞋan ma̱za̱nga̱ ba,a̱ɗa̱ uma a Sidon.<<Ɗenga̱ ka̱ta̱ vu pasa a kubana a iɗika i Sairusu,ko ɗe va va̱ kuciya̱ wuvuki ba.>>13La̱na̱ iɗika i Babila,uma a na gogo na vuza u buwai a kadanshi ke le ba.Aza a Siriya o bonoko ta̱ ubuta̱ wakakamba ka nnama,ɗa a maꞋi mashilya me le ma na a kukambuku le n kuvon,o ɓosoi efeku o ngonoɗa o bonokoi likuci ya agali.14Lapai una̱ ka̱ta̱ yo orukpo a̱ɗa̱ antiki antsu a Tarishi,adama a na ubuta̱ u kuzuwa antsu u ɗa̱ u na̱mgba̱ ta̱.15A ayin a nanlo i ta̱ a kucinukpa n Taya ali a̱ya̱ amangatatsunkupa tsa̱ a̱ya̱ o mogono mo yoku. A ukocishi wa̱ a̱ya̱ amangatatsunkupa ka ki ta̱ feu a kuyaꞋan nannai n Taya uteku tsu vishipa vu kashakanlai,16<<Ɗika umolu u nu ka̱ta̱ vu tono e mere ma̱ likuci,avu kashakanlai ka na a cinukpai,waꞋa umolu wa mayin ka̱ta̱ vi canana ishipa n a̱bunda̱iciya̱ a ciɓa n avu kpamu.>>17A kubana ukocishi wa̱ a̱ya̱ amangatatsunkupa Vuzavaguɗu wi ta̱ a̱ kula̱na̱sa̱ka̱ Taya. Ka̱ta̱ Taya u lyaꞋa kelime n kuyaꞋan tsulaga ci ni a aduniyan dem.18Ili i na u ciya̱i a̱ ubuta̱ u tsulaga u ni wi ta̱ a kuzuwaka Vuzavaguɗu, o kufoɓo i na a̱ ciya̱i ba, ama ili i na i uwai ni va i ta̱ e kuneke aza a na e nekei a̱ɗu e le u Vuzavaguɗu, adama a na a̱ ciya̱ ilikulyaꞋa ba̱ri n akashi a singai.