Lesið Katagarda ka Ansa 5

Katagarda ka Ansa5

Udansuki adama tsugbani

¹Maku ma̱ku ma̱va̱, zuwa atsuvu vu pana ugboji u va̱,ɓa̱yuwa̱ atsuvu vu pana kuyeve ku va̱,²adama ana vu yaꞋan ili dem n ka̱ɗu ida̱shi,ka̱ta̱ una̱ u nu kpamu u yotsongu ana vi ta̱ n uyevi.³Adama ana nlebu mu una̱ n kashakanlai ugan ba n yaꞋan uyoꞋo ci ishigi,kpamu kadanshi ka̱ni ka laꞋa ta̱ mani n leku,⁴ama a ukocishi kuyongo ni i ɗa, okono aɗa,wi ta̱ a kusapa wu tsu kotokobi ku una̱ ure ka alyu.⁵Ene a̱ ni a ukpisa̱ u ɗa i a kubana,uye uni wita̱ a kubanka wu ubuta̱ wi ida̱shi wa̱ a̱kpisa̱.⁶Ili i bura yi n uye u wuma ba,uye u ni magaba ma wi ba,a̱yi tana u yeve ana ta uɗa wi nannai ba.⁷Gogo na maku ma̱va̱, pana ka mu,ka̱ta̱ vu ka̱sukpa̱ kadanshi ka una̱ u va̱ ba.⁸YaꞋan daꞋin n uye u ni,ka̱ta̱ vu bana ɗevu n utsutsu u kpaꞋa ku ni ba,⁹ka̱ta̱ utsura u nu u kotso wa aza yoku ba,vu kuwa̱ a̱ ka̱ɗa̱nga̱ni ekiye aza babu asuvayali.¹⁰Omoci tana a̱ kupura̱ utsura wi ikyamba i nu,mele ma̱ nu ma bana ta̱ a kpaꞋa ku vuza yoku gbani.¹¹Ka̱ta̱ a ukoci u wuma u nu vu ka̱na̱ ci inka a̱ ka̱tsuma̱ ku usuɗukpi,a makyan mana mɓa̱la̱ n takumai i kyamba i nu,¹²Vi ta̱ a kudana, <<Yiɗa̱i i zuwai ɗa n kpa̱ɗa̱i ku ɗika udansuki?Yiɗa̱i i zuwai ɗa ka̱ɗu ka̱va̱ ko goyoi uɓarangi?¹³N zuwa atsuvu u malum ma̱va̱ ba.m bonoko ka̱ɗu ka̱va̱ kpamu we ele ba.¹⁴Ɗanna n yawa ta̱ ɗevu n ku kuwa̱,gogo na mi ta̱ ɗevu n kuyaꞋan wono a̱ ka̱tsa̱ma̱ ka uma.>>¹⁵YaꞋan kamayun u vuka vunu,vu cigai a̱yi koci.¹⁶Derere ɗa a̱shi mini mi ikyamba ma̱ nu, ma̱ ka̱na̱ ku uwa̱ mini ubuta̱ dem?Ko kpamu wo okpo ma yaba dem?¹⁷Ka̱sukpa̱ okpo ma̱ nu koci,vi e kupece n komoci ba.¹⁸Ka̱sukpa̱ mini ma̱ nu mo okpo n una̱singai,yaꞋan ma̱za̱nga̱ n vuka vu nu ka̱ɗa̱nga̱ni.¹⁹UgaꞋin u ku ene an mereꞋe,ka̱sukpa̱ mani ma ni ma yawai makyan dem,ka̱sukpa̱ ucigi u ni kpamu u reme wu.²⁰Maku ma̱va̱ yiɗa̱i i kuzuwa vuka vuza cishakanlai ulya kaci ka̱ nu?Yiɗa̱i i kuzuwa vu oɓongu vuka vuza yoku?²¹Adama ana uye u wuma u vuma, e keteshe ka i a̱ a̱shi a Vuzavaguɗu,Vuzavaguɗu tana u tsu kondo ta̱ uye u ni dem.²²Unushi u vuza gbani-gbani maza maꞋa wa̱ ni,awin a unushi u ni a tsu remei ta̱ mayin.²³Utsu kuwa̱ ta̱ adama ukpa̱ɗi u ku reme ka̱cika̱nitsulau tsa a̱bunda̱i tsu ni tsu ɗa tsa a ku unai.