Aisaiya29
Adọdiọọk anọ Abio Defid
1Adọdiọọk unọ fiin, Ariel, Ariel,abio a-Defid akedʌññọ!Dian isua ke isuanyʌñ nam mme usọrọ mfo ekaiso.2Ado ami ñyaakanna Ariel ñkʌk;anye ayaatua anyʌñ aseeme,anye adiiba nte akpokoro uwa mben ikañ annọ miin.3Ami ñyaanaa ukpeme fiin ke afịd ñkañ;Ami ñyaukanna fiin ñkʌk ye mme tọwa,ñnyʌñ mbọp mme ñkpọsọñ itie ukpeme ubaña fiin.4Eyausuuhọ fiin enịm, afo ayaanaa ke isọñ atañ ikọ;uyio mfo adiido mmịm-mmịm ato ke abu awuọ adi.Uyio mfo ayaawuọ nte uyio ekpoñkpa ato isọñ;uyio mfo ayaanuun ato abu isọñ awuọ adi.5Ado mme uwak asua mfo eyaekappa eba nte ndọdọnọ abu,ikpọ mbon afai eyaebit mbio e-ekwọọhọ eduọk.Usọp-usọp, ini keed ini keed,6Abọọñ Andikponñkan ayaadiye aduma ye unyekisọñ ye akpọsọñ uyom,ye ayobio ye akpọsọñ afịm ye akpọsọñ edemeikañ a-ataahata asobo.7Ndin afịd ikpọ atu mme idịd enwanake ye Ariel,afịd mbon se inwana ye anye enyʌñ ekanna anye ye mme ñkpọsọñ itie amọ ekʌk,eyaeba nte naña aba ke ndab,ye ñkukịd ke akonayio,8kpa naña awo abiọọñ adappa naña adia ndidia,ado ademme ye idịb abiọọñ;kpa naña awo nsaditọñ adappa naña anwọñ ñkpọ,ado ademme nte awo mmemidem ye nsaditọñ.Kpa ntoro ke adiido ye afịd mme idịde-enwanake ekọñ ye Abod Saiyọn.9Ndufo inie eyịghe inyʌñ iba ke ñkpaidem,isịn adikịt usʌñ inyʌñ iforo nnan;ikop inaam, ado ke ato ke ukọd,iteeñe ado ke ato ke bie.10Abọọñ anam akpọsọñ idab imʌm ndufo:Anye ifʌk ndufo anyen (mme prọfed);anye ifʌk ndufo iwuod (mme akịdñkukịd).11Afịd ñkukịd ami idooho ñkpọ ndomokeed unọ fiin ikan mme ikọ e-enịmme idiọọñọ ke ñwed. Ndin adieke afo ayaaha ñwed ami anọọ awo se ikan ikoot, anyʌñ abo, “Mbọk, koot anye ami,” ammọ eyaebọọrọ, “Ami ñkanna; emaefiik idiọọñọ ke anye.”12Ado afo akpenọ awo i-imiikanna ikoot ñwed ami, anyʌñ abo, “Mbọk, koot anye ami,” ammọ eyaebọọrọ, “Ami nnọọhọ adikoot ñwed.”13Abọọñ ate:“Ibon ami edi embịne miin ke inua ammọenyʌñ eñkpono miin ke ñkpọkinua ammọ,ado esịd ammọ eda nsan-nsan eñkpọñ miin.Ukpono a-ammọ eñkponoke miinakọñọ ke mme mbed e-ekpeebe ammọ.14Ke ntoro ini keed mfen ami ñyaanam idem akpa ibon amike utịppeñkpọ ye utịppeñkpọ;aniọñ mbon aniọñ ayaatak,mbufiọk mbon ntaifiọk ayaasop.”15Adọdiọọk anọ mbon e-ekaaha akpọsọñ ntotəño itieadidịp mme uduak ammọ mbaak Abọọñ adidiọọñọ,mbon e-enamma utom ammọ ke ekịm enyʌñ ekere,“Anie awo ikịt ñnyịn? Anie awo idiidiọọñọ?”16Afo asịn ñkpọ akanna,anyʌñ akere ke abodabañ adiiba nte aduañ!Nte se ebot akeme adibo andibod anye,“Idooho afo akembot miin”?Nte abañ akeme adibo abodabañ,“Afo udiọọñọke ñkpọ ndomokeed”?17Ke ataa ibio-ibio ini, nte Lebanọn idiikappake ido isọñ nseghe,ndin isọñ nseghe anyʌñ akappa aba nte akai?18Ke usen ado inan ayaakop mme ikọ esịneke ke ñwed,ndin ato ke mfʌhọ ye ekịmanyen nnan ayaakịt usʌñ.19Ini keed mfen mbon nsuukidem eyaedaara ke Abọọñ;mbon unana eyaedaara ke Adisana Awo Isrel.20Mbon isọñesịd eyaesoomo,mbon nsaha eyaesoomo,ñko eyaekpok afịd mbon se ikama anyen iyem idiọọkñkpọ adinam efep;21mbon e-ekamake ikọ ebiom awo ikpe,e-ekọọhọ afia enọ mbon e-edaaha ikpe ye ammọ ke esob,enyʌñ ekama nsu-nsu ikọ ntiense ebiọñọ mbon i-imiidueghe adinie unenikpe.22Ke ntoro kop se Abọọñ, a-akefakka Ebraham, atañ anọ ubon Yekọb:“Abuud idiinamma Yekọb aba;iso ammọ idiibaaha ntọñ-ntọñ aba.23Ke ini ammọ ekịtte nditọ ammọ ke atu ammọ,utom ubọk mmi,ammọ eyaenịm anyịñ mmi nte adisana;ammọ eyaediọọñọ adisana ido Adisana Awo Yekọb,eyaenyʌñ eba ke uteeñe ke iso Abasi Isrel.24Mbon se sịbidịd ammọ eyooñ eyaebọ ifiọk;mbon nsuukuyio eyaenyịmme item.”Biblica, Inc.