Eklisiastis6
1Ami mmemaana ñkịt idiọọkñkpọ mfen ke idak utịn, ndin anye adoro udob-udob ke idem ubonawo:2Abasi anọ usʌk awo inie, uwak ñkpọ ye ukpono, ke ntoro ammọ inanake ñkpọ ndomokeed se esịd ammọ ayem, ado Abasi inọọhọ ammọ ukeme adibọ inemesịd nto mme ñkpọ ado, utu ke ado mme isenawo edikappa ebọ inemesịd eto mme ñkpọ ami. Anye ami ado ikpu-ikpu, ataa akpatre idiọọkñkpọ.3Awodeen akeme adinie nditọ ikie anyʌñ adu uwem ke uwak isua; ado akpekọm uwem amọ akpeene die, adieke anye imiikanna ibọ inemesịd ito inie amọ ndin awo inyʌññọ ibuuk akpo amọ ke eti usʌñ, ami mbo ke nsekayịn a-akpaaha ke idịb mbemiso amana a-afọn akan anye.4Adidi amọ iwuọñọke ñkpọ, anye anyọñ ke ekịm, ndin ekịm anyʌñ afʌk anyịñ amọ.5Akpesʌkado anye imiikikịtte utịn inyʌññọ idiọọñọ ñkpọ ndomokeed, anye anie ataa emem akan awo ado,6akpekọm anye akpedu uwem tọsịn isua akañ iba ndin ikanna inie inemesịd ito uwak inie amọ. Nte afịd ammọ ikaaha itie keed?7Akpọsọñ utom afịd awo ado nọ inua ammọ adia ñkpọ,ado iwʌd ammọ akenam ikoppo uyʌkkọ.8Nsoo ke mbon aniọñ edat efọn ekan mme ndisịme?Nsoo udod ke uweene adiake adidiọọñọ naña edu uwem ke iso mbon mfen?9Se anyen akịt a-afọnakan ayooyooñ iwʌd.Ami ñko ado ikpu-ikpu,ado adifeghe mbịne afịm.10Ñkpọ akeedodo a-abaaha idahami ado se emaekesosio anyịñ,ndin emaedodiọọñọ se uduudawo ado;awo ndomokeed ikemeke adinwanaye awo a-asọññọ adudu akan anye.11Naña ikọ awak aka,ntoro ke imiiwuọñọke ñkpọ,ndin nsoo ufọn ke ado anam anọ awo ndomokeed?12Sia anie awo idiọọñọ se ifọn ye awo ke uwem, ke ufọọd ibio-ibio ye ikpu-ikpu usen uwem ake ammọ esañake eboiyo nte ndukpọñ? Anie awo akeme adidọkkọ ammọ se idiitịppe ke idak utịn ke ammọ emaenyọñọ?
Biblica, Inc.