Yohani17
1Yesu peamalile kulonga ago, akalolile pakwanya kwa Nguluvi kuno ilonga, Daada, chila chipindi chifikile! Uvawonese vanu ukomi vako nene mwana vako pendegehe neke Mwana vako awawonese ukomi vako.2Kwakuva umgavile Mwana vako umwimike va kuvalongocha vanu vonda neke avagavile uwumi va mbepali vonda vala veuvagavie.3Na uwumi va mbepali ndi ugu, kukuchela veve weka Nguluvi va undakyene na kumchela Yesu Kilisito yeumlagiche.4Nene ndivawonesile vanu vako peugehe mkomi muinyi kuchumbila kasi cheukandilagiche ndichigite.5Nondee Daada! Uvawonese vanu pendigehe mkomi kwa wula ukomi wendikali navo pewave seuwumbile inyi.6Ndikugitile uchelwe kwa vanu vala veunigaviye kuhuma kuinyi. Vevakali vako, veve ukandigavie nene, kangi vidikile luchowo lyako.7Nondee vachela kuva kila kyeunigavile kihumile kwa veve.8Kwakuva undilongiye gyonda geundilongiye. Vene vakauwanuke, vachela undakyene kuva ndihumile kwa veve na vidikila kuva veve undilagiche.9Ndivasukila avo, sendikuvasukila vanu va muinyi, ila ndikuvasukila vala veundigavile, kwakuva vene ndi vako.10Vanu vonda vevanene ndi va veve, kangi vanu vevaveve ndi va nene. Ukomi uwonikanike kuchumbila avo veundigavile.11Nene ndikwacha kwa veve, sendigehe kangi kuinyi, ila vene davikwendelela kusigala kuinyi. Daada Nguluvi! Uvadime vanu kwa umwimike vangu weundigavile, neke vonda vave pamwi ngita nefwe tugehe pamwi.12Pendigehe na vene, nene ndivadimile na kuvavika panofu kwa umwimike vangu weunigavile. Kwihela ata yumwi yeayagile, ila yumwi hela yula yeahaguliwe neke Masimbo gahumile ndakyene.13Nondee, ndikwacha kwa veve na makani aga ndilongile chipindi ndigehe ndave muinyi, neke vavecha na ludikilo hilo ngita pendigehe nene na ludikilo.14Nene ndivagavile unanzi vako na vanu va muinyi vakavavipila, ila vene vevakudikiye se sevanu va muinyi inyi ngita nene sevamuinyi.15Nene sendisukila uvaheche muinyi, ila ndikusuka uvadime na yula mwofu.16Vene seva kuinyi, ngita ndena nene seva kuinyi.17Daada, ndikusuka uvagite vanu vako hilo kwa kulichela luchowo lyako, kwakuva luchowo lyako ndi undakyene.18Ngita ndeni peundilagiche muinyi na nene ndivalagiche vene muinyi.19Ndikwihecha kukugumbanikila veve kwakuva lya vene, neke vene vivike kwa veve neke vakugumbanikile muundakyene.20“Sendivasukila vene weka hela, ila ndikuvasukila vonda yevakudikila kuhumila na unanzi vako.21Ndisuka neke vonda vaveche pamwi ngita veve ugehe mugati lyangu na nene ndigehe mugati lyako. Na vene vave mugati lya veve, neke inyi uvese kudikila kuva veve undilagiche.22Nene ndivagavile ukomi wuwula weundigavilege nene, neke vaveche pamwi ngita veve peugehe pamwi na nene.23Nene ndiveche mugati lyawo na veve uveche mugati lyangu, ndikusuka vaveche pamwi ndakyene, neke inyi iwese kuchela kuva veve undilagiliche na kuva ukuvakela vawo ngita ukunikela nene.24“Daada! Vala veundigavile ndisaka vaveche pamwi na nene pala pendivecha, neke valole ukomi vangu weundigavile, kwakuva undikele inyi peyave seiwumbile.25Daada msanzi! Inyi seyikukuchela, ila nene ndikukuchela na vene vachela kuva veve undilagiche.26Ndikugite uchelwe kwa vene na ndiendelile kugita ndena, neke lukelo weugehe kwanene uveche mugati lyangu na nene ndiveche mugati lyawo.”
The Word for the World International