Kaiwo Riwangsoai30
1Yakei antungno Aguri ne kaiwo arera finina.Sahu deyo, “Oh Alla,yau imurua paria, nehu mambiriu fea kaha.”2Weo yau iwebonggoi sewa weru inontarai siai,yau mani inontaraio wiro itafu kaiwo werorongfo kaha.3Kontai wiro isobu aunau kariri awai kaha,donio wiro yeitawang kariri Mano Dedai Mirarebanafoi kaha.4Mandoni dino kawurua dautai to waidani mayeai bia ahamane?Mandoni dino kawurua yu kanggung wanangfoi na warangne?Mandoni dino kawurua sensang mereha na ireune?Mandoni dino kawurua kiutu nunei ne ruareane kai?Andidoni, wonong fidoni tuti antungfoi wonong fidoni?Masino boitawangna mani, boisaharaifa!5Allai Ne kaiwo sariatine kai mani wetarai.I mani wefoti we inontarai mano etadiwa na I.6Wiro riwang Ne kaiwo sariatine fanai,ambori wiro Sua wau kaha tuti Deinawiai weo wau totofa kaha.7Oh Yahweh, yutang we fi beru na Wau,wiro Boiayara fanai na wiro imereha kaharai amani,8Fata yau ambori kaiwo wiro antu kahai tuti tatofafo wiro nayai na yau kaha.Wiro nari yau iwe inontarai mano ne pari fi fanai, ete inontarai mano ne ra bitoya fanai.Bento ampefe bohong fiangno demoyarai we isobuafo terai.9Ambori masino imamosi mani, wiro ifafora Wau kaha,tuti wiro imadu yeyo, “Ah, Yahwei mani mandoni Dine?”Ete, masino nehu pari fi mani, ikamananapituti inari Wonomune karira.10Wiro boiriri funong woming manei we ne mano yufi weifoi fanai,ambori wiro womingfoi deikanggani wau kaha tuti wau wiro wobu dadira kaha.11Inontarai manea eteikanggani etamamifoi,tuti wiro emoang einamifoi kaha.12Inontarai manea eteitarahio mantaungsa emararebanaifawape taraie, ewerarika paria na Allai arongfo.13Inontarai manea eteitarahio eaino ebeng sewane,tuti inontarai siai wiro ewe fiea kahai paria.14Inontarai manea ederemifo mani wesondu,ederemi warangfo mani wenoi,enetarai toyario andowa memuna ehiri,ea mani inontarai mano etahatawang inontarai efanahang fosa tuti etawa inontarai mano ene pari fifo ene fianggengfo.15Kikairinei ne kamitung mandu.Manei wonong fino, “Ohongni we yau!” tuti manei aha mani wonong fino, “Ohongni we yau!”Fi betoru aino maya weai pampangne,ete fi bea aino wiro demoyara kahane amani,16raimerio wewisi we mararehafoi,wiwingno eneng kirawahi miaya we ne arikang,kahofa sarahiai demang we mereha,tuti adia denggararu pampang niunung towana tonina.17Inontarai mano deibabera tamanaifa,tuti wiro miaya we tarao inana kahafoi,ambori romu rawei so fating urengfotuti romu enoi antung dang ne taraifoi.18Fi betoru aino dadira we yau,tuti fi bea aino wiro yeitawangna kaha amani,19todoni fino romu enoi sifo dadai paria,todoni fino tawainei da na manapahang wowongfo,todoni fino kaparinei defai na rawanang kehabi rausi,tuti todoni fino mangnei tuti wiwing uwe mayana wawera suru.20Wiwing mano wiro enerorong pepayai we ne mangfoi kahai, fio niarifo mani toyario,dampia kawurua mani yuai borongfo,toyari nanai kontai, dawa dena ria mang siai kawurua, mayeai medu deyo, “Yau wiro inari karira fea kaha.”21Fi betoru aino niari inontarai nesa na nunei erirora,ete fi bea aino niari ea wiro erutawangna kaha amani,22woming manei masino wemananu,inontarai mano wiro miaya we aunawi kahafoi masino sobu fiangno miaya weafo kai,23masino wiwing manei inontarai wiro emirising wei kaha, wape sobu mang manei we ne mang,tuti masino mangfata wiwing manei yiwang wiwing mano yufi weifoi.24Andowa katui mana na nunei,wape esawai amani,25anana nesa mani wiro ewemambiriu kaha,wape emainenang fiangfo na kutu wemunudangfo.26Pelanduki nesa kontai efanahang,wape enari ene munufoi na wiwoi kamiei.27Mansonggeri nesa mani ene pari mananu,wape etangsa na mai.28Kafetaininei mani tofuri na waramune,wape ea kontai enayai na munu mananufoi.29Andowa mantoru itora na mambiriu,ete, fi bea aino era na mambiriu amani,30singa mangnei andino wemambiriu paria, sewa weru andowanei kiaine,wiro mitai fiea kaha.31Manggohei mang mano da yuai rahanangfoi, ete kambing mangnei,tuti mananu manei wenungkamiei we ne afai mamuna enayai riatifoi.32Masino na nemu bonggoiwa ruai nemu taraiwai dedai tuti tang neo karirafo mani,fotourai tuti enemutituai kariri fio nariwa!33Weo, masino uifoi indomi pampang mani, mantegafoi dariai,tuti masino boi manei ubongfoi mani, rikafoi dariai,tuti masino nari inontarai manei kesou mani, wedaya mamunafoi.
The Seed Company