Marɨko10
1Yesʉ mwathoka eyo, mwaya mo kɨhʉgo ky'iYuteya n'ɨshabʉkɨra ko ʉndɨ mwishirya w'eYorotani. Abere ahika eyo, mihindano mɨngɨ y'abandʉ moyahindana kandɨ embere sɨwe, naye mwathanga ɨkangɨrɨsyabo, nga ko abyaga abegere ɨkola.2Bafarisayo bagʉma mobamuhikira bʉshana n'ɨmʉlengako. Mobamʉbʉtsya bathɨ: «Omʉgomba ethʉ anahamulire omuyira ɨkamba mʉkatsɨwe?»3Yesʉ mwashʉbɨtsyabo athɨ: «Mʉsa mwabaha ithegeko lɨhe?»4Nabo mobamʉshʉbɨtsya bathɨ: «Mʉsa mwaha omuyira yo hamuli y'ɨshaka marʉba w'ɨkamba mʉkatsɨwe na honyuma kw'aho amʉhɨge .»5Yesʉ mwabwɨrabo athɨ: «Mʉsa mwabashakɨra erithegeko eryo bʉshana n'obʉkalwe bw'emɨthɨma enyu.6Hewethuwe ko ndangɨro y'erɨhangɨka ebɨndʉ byoshi, Gongo mwabʉmba muyira na mʉkatsɨ.7Bʉshana n'ekyo, omuyira andamika ishe na nyinya n'ɨmathana na mʉkatsɨwe,8n'ababɨrɨ bandabya mʉbɨrɨ mʉgʉma. Aho nɨ bathakɨrɨ babɨrɨ, hewethuwe ni babya mʉbɨrɨ mʉgʉma.9Ewo bʉshana n'ekyo, omʉndʉ athamathʉlaga ekyo Gongo amathanaya.»10Yesʉ n'abɨga bʉwe babere bashʉba mo nyʉmba, abɨga bʉwe mobamʉbʉtsya kandɨ bʉshana n'ekɨnwa ekyo.11Yesʉ mwabwɨrabo athɨ: «Obʉlɨ mʉndʉ yo ʉkamba mʉkatsɨwe n'ihikya ʉndɨ, nɨamakolera mʉkatsɨwe mʉmbere yo rʉsɨngɨ.12N'omʉkatsɨ naye kuthyo amamika iba ʉwe n'ihikibwa na ʉndɨ muyira, nɨamasɨngɨra.»13Kɨro kɨgʉma, bandʉ bagʉma mobalethera Yesʉ yo bana bʉshana ahire kʉbo kw'eminwe, hewethuwe abɨga bʉwe mobakemera abandʉ abo.14Yesʉ abere ashʉnga athyo, mwahɨthana n'ɨbwɨra abɨga bʉwe athɨ: «Mulike abana bahike yo nyɨrɨ. Kandɨ mʉthakɨkɨragabo, kʉshangwa oBwamɨ bwa Gongo nɨ bwa abandʉ abalɨ ng'abo.15Kwenene enyɨbabwɨra: obʉlɨ mʉndʉ yo uthangirire oBwamɨ bwa Gongo ng'omwana mʉlere, athɨndɨngɨre mʉbo na hake.»16Honyuma kw'aho, mwafʉmbatha abana abo, mwahira eminwe yo kʉbo n'ɨgashanɨrabo.17Yesʉ abere alotsya ebʉshondotsɨ mo lʉgendo lʉwe, mʉndʉ mʉgʉma mwamuhikira tsʉba n'ɨfʉkama embere sɨwe n'ɨmʉbʉtsya athɨ: «Mʉkangɨrɨtsya mʉbʉya, nyɨyɨre nyɨthɨ bʉshana nyɨbone obʉyɨngo bwa kera n'ekera?»18Yesʉ mwamʉshʉbɨtsya athɨ: «Bʉshana na ki ogʉnyahʉlamo mʉbʉya? Hathalɨ mʉndʉ mʉbʉya, athalɨ Gongo mʉsha.19Unetsi ko amathegeko anegenire athɨ: “Uthithaga, ʉthasɨngɨraga, uthibaga, ʉthalegaga mʉndʉ, ʉthathɨmaga, ushikye sho na nyoko.”»20Omʉndʉ oyo mwamʉshʉbɨtsya athɨ: «Mʉkangɨrɨtsya, nyishikitsye amathegeko woshi ayo ɨthanga mo bʉtsana bwaye.»21Yesʉ mwamʉkebera mʉ lwanzo, n'ɨmʉbwɨra athɨ: «Ubushire kɨndʉ kɨgʉma kɨsha. Enda ʉyagʉtsye ebɨndʉ byawe byoshi, n'esofaranga so sathoka kʉbyo ʉgabɨretho abatsene. Nawe wayɨra bushoki mo lʉbʉla. Honyuma kw'aho uhike, ʉnyɨkwame!»22Hewethuwe omʉndʉ oyo abere onvwa ebɨnwa ebyo, mwafʉnya obʉsʉ, n'ɨyɨendera mw'ɨhononokala, bʉshana abyaga mushoki kʉtsɨbʉ.23Yesʉ mwakebera abɨga bo babyaga bamuthimbireko n'ɨbwɨrabo athɨ: «Kwenene bitsibuhire ko bashoki erɨngɨra mo Bwamɨ bwa Gongo!»24Abɨga babere bonvwa ebɨnwa ebyo, mobashweka kʉtsɨbʉ. Hewethuwe Yesʉ mwashʉba bwɨrabo athɨ: «Bana baye, bitsibuhire kundu erɨngɨra mo Bwamɨ bwa Gongo!25Byanguhire kʉtsɨbʉ ko ngamɨa ɨtsʉka mo kyuna ky'enandi kʉlenga omushoki erɨngɨra mo Bwamɨ bwa Gongo.»26Abɨga babere bonvwa ebɨnwa ebyo mobashʉba shweka ihika ko kɨka mobathanga ibutsania ɨbo kw'ɨbo bathɨ: «Ewono, nɨ ndɨ yo wangashabʉlwa?»27Yesʉ mwahanda kʉbo kw'amesho n'ɨbwɨrabo athɨ: «Ko bandʉ bɨthathokekene, hewethuwe kʉ Gongo ko bɨthalɨ bithyo, kʉshangwa ebyoshi bɨthokekene kw'ɨye.»28Petero mwamʉbwɨra athɨ: «Lola, ithwe thwamamika ebyoshi n'ɨkʉkwama!»29Yesʉ mwashubya athɨ: «Kwenene enyɨbabwɨra: kw'omʉndʉ amamika enyʉmba yɨwe, kʉtse bagala babo, kʉtse balɨ babo, kʉtse nyinya, kʉtse ishe, kʉtse abana bʉwe kʉtse mashwa ʉwe bʉshana nangye na bʉshana n'eNgʉlʉ Mbʉya,30andahamba ngendo igana kalengyo mo mʉgʉlʉ ono. Na andahamba manyʉmba, na bagala babo, na balɨ babo, na nyinya, na bana. Hagʉma n'ebyoshi ebyo, andabona na malɨgo ko kɨhʉgo kɨno. Na mo mʉgʉlʉ owandahika andahamba bʉyɨngo bwa kera n'ekera.31Hewethuwe bangɨ bo balɨ bambere-mbere munobwire, bandabya banyuma-nyuma, na bangɨ bo balɨ banyuma-nyuma munobwire, bandabya bambere-mbere.»32Yesʉ n'abɨga bʉwe babere balɨ mo nzɨra, balɨ abɨrʉkɨra ɨYerʉsalemʉ, ɨye mwabya embere kʉbo. Abɨga babyaga nɨbamatsɨmbwa n'obʉba, n'abandʉ bo babyaga bakwamirebo mobatsɨmbwa n'obʉba. Yesʉ mwashʉba tsɨmba abɨga bʉwe ikumi na babɨrɨ, n'ɨthanga ɨsɨmolerabo bʉshana n'ebɨndʉ byo byamuhikira.33Yesʉ mwabwɨrabo athɨ: «Mwonvwe! Ithwe bano othwɨrʉkɨra ɨYerʉsalemʉ. N'eyo oMʉgala w'oMʉndʉ ahotherwa ko Baheri Bakʉlʉ n'oko Bakangɨrɨtsya b'oMʉgomba. Nabo bandamʉsohera ithwa n'imuhira mo minwe y'abandʉ b'ebɨhanda.34N'abandʉ abo bandamʉshekeretsya, n'ɨmʉtsɨrako mathandɨ, bandamuhumba mbasha n'imwitha. Hewethuwe ko kɨro kya kashathʉ honyuma w'olʉholo lʉwe, andalubuka.»35Honyuma kw'aho, bagala babɨrɨ ba Sebetayo, ye Yakobo bana Yoani, mobahikira Yesʉ n'ɨmʉbwɨra bathɨ: «Mʉkangɨrɨtsya, othushondya ʉthʉkolere ekɨnwa kyo thwakʉshaba.»36Yesʉ mwabʉtsyabo athɨ: «Omushondya nyɨbakolere ki?»37Nabo mobamʉshʉbɨtsya bathɨ: «Wandabya wabya mo lʉkengerwa lwawe, ʉthʉtsɨɨre ikala hagʉma nawe, mʉgʉma ko lʉhande lwawe lw'amalyo n'ogʉndɨ ko lʉhande lwawe lw'amalembe.»38Hewethuwe Yesʉ mwabwɨrabo athɨ: «Muthetsi ekɨndʉ omʉshaba. mwanganakotsya ɨshoma olwatha lw'amalɨgo olo nyashoma? Kʉtse mwanganakotsya ibatisibwa ko lubatiso lwa malɨgo olo nyabatisibwako?»39Nabo mobamʉshʉbɨtsya bathɨ: «Ega, thwangakotsya.»
Yesʉ mwashʉba bwɨrabo athɨ: «Kwenene mwashoma olwatha olo nyashoma, n'ibatisibwa nga ko nyabatisibwa .40Hewethuwe ikatsya bandʉ ko lʉhande lwaye lw'amalyo, kʉtse lw'amalembe, oyo athalɨ mʉlɨmo aye. Nɨ Gongo ɨye mʉsha yo wandahira abandʉ abo athegekanaya mo myanya eyo.»41Abandɨ bɨga ikumi babere bonvwa ebɨnwa ebyo, mobapona Yakobo na Yoani.42Bʉshana n'ekyo, Yesʉ mwabɨrɨkɨra aboshi n'ɨbwɨrabo athɨ: «Munetsi ko abo bashungikire nga bathegeki b'ebɨhanda abanathegekabyo mʉ kahatho, n'abakʉlʉ babo abanikala kʉbo.43Hewethuwe bɨthagenda ebibya bithyo mo kathi kenyu. Oyo ushondya ibya mʉkʉlʉ mo kathi kenyu, lɨtholere niabya mukoli enyu.44N'oyo ushondya ibya mʉmbere, lɨtholere niabya mʉkobe wa boshi.45Kʉshangwa oMʉgala w'oMʉndʉ athahikaga bʉshana n'ɨkolerwa, hewethuwe ɨkolerana n'ɨhana obʉyɨngo bʉwe bʉshana ashabʉle bandʉ bangɨ .»46Honyuma kw'aho Yesʉ n'abɨga bʉwe mobahika iYeriko. Na mo ndambi babere balɨ abathoka mo muyi oyo, muhindano mʉnene w'abandʉ mobamʉkwama. Mbumi ngʉma yo yahʉlawamo Barɨtolomayo mʉgala wa Timayo, abyaga n'ikere ko mʉsɨke w'enzɨra alɨ ahemeretsya.47Abere onvwa ko Yesʉ w'iNasareti yo ʉtsʉka, mwahambala nɨanegena athɨ: «Yesʉ Mʉgala wa Tawiti, ʉnyɨfwɨre shashi!»48Bandʉ bangɨ mobamʉkemera bathɨ atsɨre. Hewethuwe mwashʉba hambala kʉtsɨbʉ athɨ: «Mʉgala wa Tawiti, nyɨfwɨre shashi!»49Yesʉ mwimana n'ɨnegena athɨ: «Mʉmʉbɨrɨkɨre.» Aho abandʉ mobabɨrɨkɨra embumi eyo n'ɨmʉbwɨra bathɨ: «Shikya omʉthɨma! Wimana, amakʉbɨrɨkɨra.»50Barɨtolomayo mwagʉsha ekoti yɨwe, mwahuthuka tsʉba na mwagendera Yesʉ.51Yesʉ mwamʉbʉtsya athɨ: «Ushondya nyɨkʉkolere ki?» Embumi eyo moyamʉshʉbɨtsya yɨthɨ: «Mʉkangɨrɨtsya, enyishondya nyɨlole.»52Yesʉ mwamʉbwɨra athɨ: «Ʉyɨgendere, olwɨkɨrɨtsyo lwawe lwamakulamya.» Aho n'aho mwalola n'ɨkwama Yesʉ mo nzɨra.
Yesʉ mwashʉba bwɨrabo athɨ: «Kwenene mwashoma olwatha olo nyashoma, n'ibatisibwa nga ko nyabatisibwa .40Hewethuwe ikatsya bandʉ ko lʉhande lwaye lw'amalyo, kʉtse lw'amalembe, oyo athalɨ mʉlɨmo aye. Nɨ Gongo ɨye mʉsha yo wandahira abandʉ abo athegekanaya mo myanya eyo.»41Abandɨ bɨga ikumi babere bonvwa ebɨnwa ebyo, mobapona Yakobo na Yoani.42Bʉshana n'ekyo, Yesʉ mwabɨrɨkɨra aboshi n'ɨbwɨrabo athɨ: «Munetsi ko abo bashungikire nga bathegeki b'ebɨhanda abanathegekabyo mʉ kahatho, n'abakʉlʉ babo abanikala kʉbo.43Hewethuwe bɨthagenda ebibya bithyo mo kathi kenyu. Oyo ushondya ibya mʉkʉlʉ mo kathi kenyu, lɨtholere niabya mukoli enyu.44N'oyo ushondya ibya mʉmbere, lɨtholere niabya mʉkobe wa boshi.45Kʉshangwa oMʉgala w'oMʉndʉ athahikaga bʉshana n'ɨkolerwa, hewethuwe ɨkolerana n'ɨhana obʉyɨngo bʉwe bʉshana ashabʉle bandʉ bangɨ .»46Honyuma kw'aho Yesʉ n'abɨga bʉwe mobahika iYeriko. Na mo ndambi babere balɨ abathoka mo muyi oyo, muhindano mʉnene w'abandʉ mobamʉkwama. Mbumi ngʉma yo yahʉlawamo Barɨtolomayo mʉgala wa Timayo, abyaga n'ikere ko mʉsɨke w'enzɨra alɨ ahemeretsya.47Abere onvwa ko Yesʉ w'iNasareti yo ʉtsʉka, mwahambala nɨanegena athɨ: «Yesʉ Mʉgala wa Tawiti, ʉnyɨfwɨre shashi!»48Bandʉ bangɨ mobamʉkemera bathɨ atsɨre. Hewethuwe mwashʉba hambala kʉtsɨbʉ athɨ: «Mʉgala wa Tawiti, nyɨfwɨre shashi!»49Yesʉ mwimana n'ɨnegena athɨ: «Mʉmʉbɨrɨkɨre.» Aho abandʉ mobabɨrɨkɨra embumi eyo n'ɨmʉbwɨra bathɨ: «Shikya omʉthɨma! Wimana, amakʉbɨrɨkɨra.»50Barɨtolomayo mwagʉsha ekoti yɨwe, mwahuthuka tsʉba na mwagendera Yesʉ.51Yesʉ mwamʉbʉtsya athɨ: «Ushondya nyɨkʉkolere ki?» Embumi eyo moyamʉshʉbɨtsya yɨthɨ: «Mʉkangɨrɨtsya, enyishondya nyɨlole.»52Yesʉ mwamʉbwɨra athɨ: «Ʉyɨgendere, olwɨkɨrɨtsyo lwawe lwamakulamya.» Aho n'aho mwalola n'ɨkwama Yesʉ mo nzɨra.
The Seed Company