Jakkobbu1
1Ndime Jakkobbu, mulanda waLeza awaMwami Jesu Kkirisitu,
Kumikowa ilikkumi ayibili imwayikide munyika yoonse:
Ndamujuzya.2Nibakwesu, akube lukondo loonse, kuti mwaswaanana amasunko asiyenesiyene,3nkaambo mulizi kuti kusunkwa kwalusyomo lwanu kuzyala lukakatilo.4Alimwi amuleke lukakatilo lubeleke chakumaninina, kuti mukakomene akuzulila, kakutakwe nchimubula.5Kuti umwi wanu wabula busongo, ngakumbile kuli Leza, ooyo upa kubantu boonse abuuya mpawo kakutakwe kaambo pe, alimwi uyoobupegwa.6Pesi ngakumbile mulusyomo, kakutakwe kudoneeka pe, nkaambo ooyo udoneeka ulimbuli yuwe lyamulwizi litontwa akuungwa aluwo.7Ooyo muntu tayelede kulangilila kutambula chintu pe kuzwa kuMwami.8Muntu uliboobo ujisi myoyo iibili alimwi takkalinkene pe muzintu zyoonse nzyachita.9Amuleke mukwesu ulifwiinsya alikankayizye muchiindi naasumpulwa,10alimwi muvubi alikankayizye naafwiinsigwa, nkaambo mbuli dubaluba lyamusokwe ulafwa.11Nkaambo izuba lilapasuka akuumpa kwalyo alimwi lilapusamya bwizu; idubaluba lyalyo lilaloka, mpawo bubotu bwalyo bulafwa. Aboobo munzila njiyeeyi alakwe muvubi uyoonyonyooka akati kamilimu yakwe.12Ulaachoolwe muntu ukakatila mumisunko, nkaambo natazunde musunko, uyootambula musini wabuumi ooyo Leza ngwakasyomezya kulibaabo bamuyanda.13Kutabi muntu waamba kuti naawasunkwa, “Ndasunkwa aLeza,” nkaambo Leza takonzyi kusunkwa abubi alimwi we lwakwe tasunki muntu pe;14pesi muntu awumwi ulasunkwa naawongelezegwa akuchegwa achiyandisyo chakwe chabubi.15Eelyo chiyandisyo chabubi nichakomena chilazyala chibi; mpawo chibi nichakomena cheeta lufu.16Nibakwesu nimuyandwa, muteenwi pe.17Chipo choonse chibotu achiluleme chizwa kujulu, chilaseluka aansi kuzwa kuli Taata wamimuni yamumulengalenga, utasanduki mbuli munzinzimwa usunzuluka.18Akuyanda kwakwe wakatweeta ajwi lyakasimpe kuti tweelede kuba muchelo mutaanzi wazilengwa zyakwe.19Nibakwesu nimuyandwa, ngamuzibe eechi. Amuleke muntu woonse afwambane kumvwa, atafwambani kwaambuula, atafwambani kunyema,20nkaambo kunyema kwamuntu takubeleki busalali bwaLeza pe.21Nkikaako ngamusowe busofwazi boonse akugwisya bubi buzwide boonse mpawo akulifwiinsya mutambule ijwi lyakabyalwa mulindinywe, likonzya kufutula myuuya yanu.22Pesi ngamube basikuchita bajwi, alimwi peepe basikumvwa luzutu, kamulyeena.23Nkaambo kuti umwi waba sikumvwa wajwi alimwi katali sikuchita, ulimbuli muntu ulilanga kubusyu bwakwe muchiboniboni;24nkaambo ulalilanga mpawo weenda alimwi mpawaawo ulaliluba kuti ulibiyeni.25Pesi kuli ooyo ulanga mumulawu ululeme, mulawu walwangunuko akukakatila, katali sikumvwa ooyo uluba pesi sikuchita ooyo uchita, uyoolongezegwa mukuchita kwakwe.26Kuti kakuli uyeeya kuti mukombi, mpawo katakonzyi kuzyotolola lulimi lwakwe pesi weena moyo wakwe, bukombi bwamuntu ooyo mbwabiyo.27Bukombi oobo bululeme alimwi butasofwede pe kunembo lyaLeza aTaata mboobu: kuswaya bamuchaala abamukabafu mumapenzi aabo, akulibamba kakutakwe kabata kuzwa kunyika.
Kumikowa ilikkumi ayibili imwayikide munyika yoonse:
Ndamujuzya.2Nibakwesu, akube lukondo loonse, kuti mwaswaanana amasunko asiyenesiyene,3nkaambo mulizi kuti kusunkwa kwalusyomo lwanu kuzyala lukakatilo.4Alimwi amuleke lukakatilo lubeleke chakumaninina, kuti mukakomene akuzulila, kakutakwe nchimubula.5Kuti umwi wanu wabula busongo, ngakumbile kuli Leza, ooyo upa kubantu boonse abuuya mpawo kakutakwe kaambo pe, alimwi uyoobupegwa.6Pesi ngakumbile mulusyomo, kakutakwe kudoneeka pe, nkaambo ooyo udoneeka ulimbuli yuwe lyamulwizi litontwa akuungwa aluwo.7Ooyo muntu tayelede kulangilila kutambula chintu pe kuzwa kuMwami.8Muntu uliboobo ujisi myoyo iibili alimwi takkalinkene pe muzintu zyoonse nzyachita.9Amuleke mukwesu ulifwiinsya alikankayizye muchiindi naasumpulwa,10alimwi muvubi alikankayizye naafwiinsigwa, nkaambo mbuli dubaluba lyamusokwe ulafwa.11Nkaambo izuba lilapasuka akuumpa kwalyo alimwi lilapusamya bwizu; idubaluba lyalyo lilaloka, mpawo bubotu bwalyo bulafwa. Aboobo munzila njiyeeyi alakwe muvubi uyoonyonyooka akati kamilimu yakwe.12Ulaachoolwe muntu ukakatila mumisunko, nkaambo natazunde musunko, uyootambula musini wabuumi ooyo Leza ngwakasyomezya kulibaabo bamuyanda.13Kutabi muntu waamba kuti naawasunkwa, “Ndasunkwa aLeza,” nkaambo Leza takonzyi kusunkwa abubi alimwi we lwakwe tasunki muntu pe;14pesi muntu awumwi ulasunkwa naawongelezegwa akuchegwa achiyandisyo chakwe chabubi.15Eelyo chiyandisyo chabubi nichakomena chilazyala chibi; mpawo chibi nichakomena cheeta lufu.16Nibakwesu nimuyandwa, muteenwi pe.17Chipo choonse chibotu achiluleme chizwa kujulu, chilaseluka aansi kuzwa kuli Taata wamimuni yamumulengalenga, utasanduki mbuli munzinzimwa usunzuluka.18Akuyanda kwakwe wakatweeta ajwi lyakasimpe kuti tweelede kuba muchelo mutaanzi wazilengwa zyakwe.19Nibakwesu nimuyandwa, ngamuzibe eechi. Amuleke muntu woonse afwambane kumvwa, atafwambani kwaambuula, atafwambani kunyema,20nkaambo kunyema kwamuntu takubeleki busalali bwaLeza pe.21Nkikaako ngamusowe busofwazi boonse akugwisya bubi buzwide boonse mpawo akulifwiinsya mutambule ijwi lyakabyalwa mulindinywe, likonzya kufutula myuuya yanu.22Pesi ngamube basikuchita bajwi, alimwi peepe basikumvwa luzutu, kamulyeena.23Nkaambo kuti umwi waba sikumvwa wajwi alimwi katali sikuchita, ulimbuli muntu ulilanga kubusyu bwakwe muchiboniboni;24nkaambo ulalilanga mpawo weenda alimwi mpawaawo ulaliluba kuti ulibiyeni.25Pesi kuli ooyo ulanga mumulawu ululeme, mulawu walwangunuko akukakatila, katali sikumvwa ooyo uluba pesi sikuchita ooyo uchita, uyoolongezegwa mukuchita kwakwe.26Kuti kakuli uyeeya kuti mukombi, mpawo katakonzyi kuzyotolola lulimi lwakwe pesi weena moyo wakwe, bukombi bwamuntu ooyo mbwabiyo.27Bukombi oobo bululeme alimwi butasofwede pe kunembo lyaLeza aTaata mboobu: kuswaya bamuchaala abamukabafu mumapenzi aabo, akulibamba kakutakwe kabata kuzwa kunyika.
The Word for the World International