Isai56
1CHAKRAMANG tek mih, “Chet tara nowm büa diah,now chang lup iung büa diah.Tawngplawng kowchow panow lawngra khin uang ting kown chowbowt,now ang kowh tachi tanawmra uang lüa tatüng kown chowbowt.2Tanai Ni sürlawkah dowi kowi chimsaima sun miuüa dow prasira uowima chekhai,now nachang lup ngak kown mih hownia lang tahen miuüa paw prasira uowima chekhai,” pakhai.3“Aia maru-uüa hownia CHAKRAMANG nabatta ang kown taih,” pahaiCHAKRAMANG kowi chupiia mih prenlang maru-uüa hang pacham tek lah.Now, “Ang dow amawma mih singh taih le,” pahaiakletiauüa hang pacham tek lah.4Tawngplawng kowchow panow CHAKRAMANG tek mih,“Klowng khawn tabai miuüa che ang kowh Tanai Ni chimsaima sunah khai,ang nau iawng chang hai ang kowh sangbowk laitawm dowkta chen hanow5amatni kowh ming iung natukla reng kownkow ang kim kowi amatra hua ang natow pe kown,nami ringkawra dow chauüa hownia kowh kaah mih ringkawra lak-e iung chekhai.Tawngplawng kowchow panow amatni kowh ming dow katpaw nataphiawk kown nadowi bowt.6Nami klen kowi sakrau ang kowh chang ang lup mih prenlang maru-uüa kowi,nachowng ang kowh nar kownkow ang tut-e uang tape miuüa kowi,Tanai Ni sürlawkah dowi kowi chimsaima sun miuüa kowinow ang kowh sangbowk laitawm dowkta chenchen miuüa kowi dow ang napawla kown.7Amatni kowi dow ang kowh hungh chimsaima mih kowi ang napawla kown;amatni kowi dow ang kowh kim kowi ang nape piawah kown.Amatni kowh tikah mih uanap hai akeng mih uanap dow ang nahawt paw pe kown.Naiawng rakowi ang kowh kim kowi chenchap maten prasi lükra kim napape kown,” pakhai.8Prenlang kowi cham tauet mih Israeluüa kowi kuaah lawmah mih CHAKRAMANG Thurai tek mih,“Alai kowh kuaah lawmah miuüa hown akeng chenchapuüa kowi paw ang nakua nalawmla kown,” pakhai.9Dowm hai kaurawng kowi kowh kaurawng uaramchak hawmh ow,uangah büah hanow ang kowh maru Israeluüa kowi uang chaah dit.10Israeluüa kowh kangchawng miuüa dow mik duma,amatni kowh dow tawng iawng mih tukra paw uowi dowi chekhai.Amatni dow bualama mih kui iawng chekhai;amatni dow uh dowi chekhai,amatni dow mawk puplup se müi hanow khi mang mih taih nau khai.11Amatni dow hawm sakkraima mih kui iawng katpaw duh dowi chekhai,amatni dow prengia uowi dowi mih ruapur thing mih iawng chowlowkkow tiama kowi mangla pang khai,now kowmatia maratra chowtaih cham bowk khai.12Amatni dow tek mih, “Chu, a-i cham paw grep tui lah,chu, duh pat a-i cham kham arak lah.Ani kowh lak-e tharau khe a-i nalang piaw kown,” pakhai.
The Seed Company