मोत्ती10
1ईशू शादै आपणैं बारा च़ेल्लै आप्पू सेटा संघा दैनअ तिन्नां लै भूता काढणेंओ हक अर बल, ताकि तिन्नां लोगे हर रोग अर दाह-खिज़ा दूर करी तिन्नां नरोगै करे।2तिन्नां बारा शधाणूं नाअं तै इहै:
शमौन ज़हा लै पतरास बोला, पतरासो भाऊ आन्दरू, जबदीओ शोहरू याकब, अर याकबो भाऊ जोहन्ना,3फलिप्प, बरतुलमी, थोमा, कारै गराहणै आल़अ मोत्ती, हलफीओ शोहरू याकब, तेदैई,4शमौन कनानी अर करेती गराऊंओ यहूदा ज़ुंणी ईशू लै छ़ल़ किअ त।5ईंयां बारा च़ेल्लै छ़ाडै ईशू इहअ खोज़ी बोली, “यहूदी छ़ाडी होरी ज़ातीए लोगा सेटा निं डेऊई अर सामरी नगरी बी निं डेऊई।10:5 जेर. 50:66इज़राईली सेटा डेओऐ। तिंयां आसा एही भेडा ज़िहै ज़ुंण आपणैं फुआल परमेशरा का दूर आसा हुई दी।7“बाता हांढदी करै इहअ प्रच़ार कि स्वर्गो राज़ गअ नेल़ एछी।8रोगी मणछा करै नरोगै, मूंऐं दै करै भिई ज़िऊंदै, कोहल़ निखल़ै दै मणछा करै शुचै अर भूता काढै दूर। तम्हैं दैऐ इना मुफ्त ज़िहअ तम्हां मुफ्त आसा भेटअ द।9“आपणैं थैल्लू दी निं सुन्नअ-च़ंदी अर चाम्बअ डाही।10बाता हांढणा लै नां झ़ोल़ी डाही, नां दूई कुर्तै डाही, नां पोलल़े ज़ोल़ी, नां हाथै शोठअ। किल्हैकि मज़दूरा लोल़ी तेऊए मज़दूरी भेटी।11“ज़हा बी नगरी अर गराऊंऐं तम्हैं डेओए, ऐहा गल्लो थोघ लणअ पैहलै करी कि तम्हां लै रहणैं जोगी घअर कुंण आसा। ज़ेभै तैणीं तम्हैं तिधा का नांईं निखल़े तेभै तैणीं रहै तम्हैं तिधी।12घअरा भितरी डेऊंदी दैऐ तम्हैं तेऊ घअरा लै बर्गत।13ज़ै तेऊ घअरे लोग थारी बर्गता जोगी होए, तै जाणीं तिन्नां लै बर्गत हई।
“पर ज़ै तिंयां तेता जोगी नांईं होए, तै दैऐ तैहा बर्गता बापस फिरनैं।14तेखअ ज़ुंण तम्हां नांईं मने अर थारी गल्ला नांईं शुणें, तेऊ घअरा या तैहा नगरी का निखल़दी बारी ठुल़्हकै आपणैं खूरा का धूल़अ बी पोर्ही कि अह गल्ल हणीं तिन्नें शाजत ज़ेभै परमेशरा तिन्नों नसाफ करनअ।15“हुंह खोज़ा तम्हां का सत्त कि ज़ेभै परमेशरा सोभिओ नसाफ करनअ, तेभै दैणीं तेऊ सदोम अर अमोरा नगरीए पापी मणछा लै सज़ा। पर ज़ुंण लोग तम्हां नांईं मने, तेऊ मुल्खे लोगे हणीं तेता का बी खास्सी बूरी दशा।16“हेरा, मंऐं लाऐ तम्हैं भेडा ज़िहै धेल़णै-च़िरनैं आल़ै रुहले छ़ुंढा जैंदरी छ़ाडी। तम्हैं रहै दानुईं ज़िहै च़लाक अर पालल़ी ज़िहै भोल़ै।17“पर लोगा का रहै बच़दै। किल्हैकि तिन्नां निंणै तम्हैं कैद करी दालता लै अर आपणीं सभागृहा च़िक्कणै तम्हैं कोल़ै करै।18मुंह दी विश्वास करनै पिछ़ू निंणै तम्हैं कैद करी राज़पाल अर राज़ै सेटा, अह हणअ तम्हां लै मोक्कअ कि तिन्नां अर होरी ज़ाती का मेरै बारै शाजत दैई सके।19ज़ेभै तिंयां तम्हां कैद करी दालता दी निंए, तेभै निं तम्हैं एही फिकर करी कि हाम्हां किहअ करै बोल़णअ अर किज़ै बोल़णअ?
“ज़ुंण बी तम्हां तिधी बोल़णअ होए, सह हेरनअ तम्हां लै परमेशरा तैहा ई घल़ी खोज़ी।20किल्हैकि बोल़णैं आल़ै निं तम्हैं आथी, पर थारअ बाब परमेशरे पबित्र आत्मां बोला तम्हां बाती आप्पै।21“तेभै हणअ इहअ कि लोगा बझ़ैल़णअ मुंह दी विश्वास करनै आल़अ आपणअ ई सक्कअ भाई होरी का मारनै, बाबा बझ़ैल़णअ आपणअ ई शोहरू मारनै ज़ुंण, शोहरू-शोहरी हणैं आपणैं ईजा-बाबे खलाफ ज़ुंण मुंह दी विश्वास करा, संघा बझ़ैल़णैं तिंयां होरी लोगा का मारनै।10:21 मिक. 7:6; मार्क. 13:12; लूक. 21:1622“मेरै नाओंआं करै हणैं सोभ लोग थारै दुशमण, पर ज़ुंण खिरी तैणीं सबर करे, तेऊओ हणअ उद्धार10:22 मोत्त. 24:9; मार्क. 13:13; लूक. 21:17 ।23ज़ेभै तिंयां कहा नगरी तम्हां तंग करे, तम्हैं ठुर्है दुजी नगरी लै। हुंह खोज़ा तम्हां का सत्त कि तम्हैं निं इज़राईले सोभी नगरी हांढी मुक्कणैं कि तेभै तैणीं जाणअ हुंह मणछो पूत एछी।24“च़ेल्लअ निं आपणैं गूरू का बडअ हंदअ अर नां दास आपणैं मालक का बडअ हंदअ।25च़ेल्लेओ गूरू अर दासो मालका बराबर हणअ आसा बेघै बडी गल्ल। ज़ै तिन्नैं घअरे मालका लै राख्स बोलअ, तै तिन्नां तेऊए घअरा आल़ै लै किल्है निं बोल़णअ?26“पर तम्हैं निं तिन्नां का डरी, इहअ बगत एछणअ ज़ेभै ढोपी डाही दी हर च़ीज़ सोभी का शुझणीं अर गुप्त च़िज़ो लागणअ सोभी का थोघ।27ज़ुंण हुंह तम्हां लै पिठी पिछ़ू बोला, तेऊ बोलै तम्हैं सोभी नदरी अर ज़ुंण तम्हैं काना पिछ़ू शूणां, तेता खोज़ै तम्हैं छ़ाप्परै उखल़ी हाक्का पाई।28“तम्हैं निं तिन्नां का डरी आथी ज़ुंण थारी देही च़ाहा मारनअ, तिंयां निं थारी आत्मां मारी सकदै। पर डरनअ सिधअ तेऊ परमेशरा का ज़ुंण देही अर आत्मां दुही सका जम्परी खतम करी।29“मणछ बेच़ा दूई च़ेल्ली सिधै एकी चाम्बे ढब्बै करै! पर थारअ बाब परमेशरा हआ तिन्नां होछ़ी च़ेल्लीओ तोही धैन-खैल। तिन्नां च़ेल्ली मांझ़ै निं तेभै तैणीं एक बी धरनीं पल़दी ज़ेभै तैणीं कि परमेशर आप्पै इहअ हणैं निं दैए।30इधी तैणीं कि परमेशरै आसा थारै मुंडे शराल़ बी सोभ गणै दै।10:30 लूक. 12:731तैही बोला हुंह डरी निं आथी, तम्हैं आसा तिन्नां च़ेल्ली का खास्सै किम्मती।32“हुंह बोला तम्हां का कि ज़ुंण मुंह मणछे सम्हनै मने, सह मनणअ मुंह स्वर्गै आपणैं बाब परमेशरे सम्हनै।33पर ज़ुंण होरी मणछा सेटा मेरै बारै हुधिए, तेऊ लै हुधणअ मुंह बी स्वर्गै आपणैं बाब परमेशरा सेटा।34“इहअ निं समझ़ा कि हुंह आसा पृथूई दी मेल़-ज़ोल़ करदअ आअ द, हुंह निं मेल़-ज़ोल़ करदअ आथी पर तिन्नां मांझ़ै ज़ुंण मुंह पिछ़ू एछे तिंयां करनै मुंह ज़ुदै।35‘हुंह आसा एता लै आअ द कि शोहरू तेऊए बाबा का, शोहरी तेसे ईजा का, नुशा तेसे शाशुई का ज़ुदी करूं।36मणछे दुशमण हणैं तेऊए ई टबरा मांझ़ै।’37“ज़ुंण आपणैं ईजा-बाबा लै मुखा खास्सी झ़ूरी करा, सह निं मुंह जोगी आथी। ज़ुंण आपणैं लान्हैं लै मुखा खास्सी झ़ूरी डाहा, सह बी निं मुंह जोगी आथी।10:37 लूक. 14:2638ज़ुंण असली दी मेरअ च़ेल्लअ बणनअ च़ाहा, सह रहै मुल्है मरना लै तैर। सह ज़िऊऐ इहै मणछा ज़िहअ ज़ुंण आपणअ क्रूस आपणीं कान्हा च़की मर्दअ आसा च़ाल्लअ द।39किल्हैकि ज़ुंण बी ऐहा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी ज़ांऐं, ज़ुंण मुंह दी विश्वास करनै पिछ़ू आपणीं ज़ान दैए, तेऊ भेटणीं परमेशरा संघै सदा लै ज़िन्दगी।40“ज़ुंण थारी कदर करे सह करा मेरी कदर। ज़ुंण मेरी कदर करा, सह करा तेऊए कदर ज़ुंणी हुंह संसारा लै आसा छ़ाडअ द।41परमेशरे गूरा ज़ुंण परमेशरो गूर समझ़ी अदर करे तेऊ भेटणअ तेतो तिहअ ई फल।
“ज़ुंण धर्मीं समझ़ी धर्मीं मणछो अदर करे, तेऊ भेटणअ धर्मीं मणछो फल।42ज़ुंण बी इना होछ़ै मांझ़ै एकी बी मेरै च़ेल्लै समझ़ी एक गलास पाणींओ बी पणैऊंए, हुंह खोज़ा तम्हां का सत्त कि तेऊ भेटणअ परमेशरा का तेतो फल।”
शमौन ज़हा लै पतरास बोला, पतरासो भाऊ आन्दरू, जबदीओ शोहरू याकब, अर याकबो भाऊ जोहन्ना,3फलिप्प, बरतुलमी, थोमा, कारै गराहणै आल़अ मोत्ती, हलफीओ शोहरू याकब, तेदैई,4शमौन कनानी अर करेती गराऊंओ यहूदा ज़ुंणी ईशू लै छ़ल़ किअ त।5ईंयां बारा च़ेल्लै छ़ाडै ईशू इहअ खोज़ी बोली, “यहूदी छ़ाडी होरी ज़ातीए लोगा सेटा निं डेऊई अर सामरी नगरी बी निं डेऊई।10:5 जेर. 50:66इज़राईली सेटा डेओऐ। तिंयां आसा एही भेडा ज़िहै ज़ुंण आपणैं फुआल परमेशरा का दूर आसा हुई दी।7“बाता हांढदी करै इहअ प्रच़ार कि स्वर्गो राज़ गअ नेल़ एछी।8रोगी मणछा करै नरोगै, मूंऐं दै करै भिई ज़िऊंदै, कोहल़ निखल़ै दै मणछा करै शुचै अर भूता काढै दूर। तम्हैं दैऐ इना मुफ्त ज़िहअ तम्हां मुफ्त आसा भेटअ द।9“आपणैं थैल्लू दी निं सुन्नअ-च़ंदी अर चाम्बअ डाही।10बाता हांढणा लै नां झ़ोल़ी डाही, नां दूई कुर्तै डाही, नां पोलल़े ज़ोल़ी, नां हाथै शोठअ। किल्हैकि मज़दूरा लोल़ी तेऊए मज़दूरी भेटी।11“ज़हा बी नगरी अर गराऊंऐं तम्हैं डेओए, ऐहा गल्लो थोघ लणअ पैहलै करी कि तम्हां लै रहणैं जोगी घअर कुंण आसा। ज़ेभै तैणीं तम्हैं तिधा का नांईं निखल़े तेभै तैणीं रहै तम्हैं तिधी।12घअरा भितरी डेऊंदी दैऐ तम्हैं तेऊ घअरा लै बर्गत।13ज़ै तेऊ घअरे लोग थारी बर्गता जोगी होए, तै जाणीं तिन्नां लै बर्गत हई।
“पर ज़ै तिंयां तेता जोगी नांईं होए, तै दैऐ तैहा बर्गता बापस फिरनैं।14तेखअ ज़ुंण तम्हां नांईं मने अर थारी गल्ला नांईं शुणें, तेऊ घअरा या तैहा नगरी का निखल़दी बारी ठुल़्हकै आपणैं खूरा का धूल़अ बी पोर्ही कि अह गल्ल हणीं तिन्नें शाजत ज़ेभै परमेशरा तिन्नों नसाफ करनअ।15“हुंह खोज़ा तम्हां का सत्त कि ज़ेभै परमेशरा सोभिओ नसाफ करनअ, तेभै दैणीं तेऊ सदोम अर अमोरा नगरीए पापी मणछा लै सज़ा। पर ज़ुंण लोग तम्हां नांईं मने, तेऊ मुल्खे लोगे हणीं तेता का बी खास्सी बूरी दशा।16“हेरा, मंऐं लाऐ तम्हैं भेडा ज़िहै धेल़णै-च़िरनैं आल़ै रुहले छ़ुंढा जैंदरी छ़ाडी। तम्हैं रहै दानुईं ज़िहै च़लाक अर पालल़ी ज़िहै भोल़ै।17“पर लोगा का रहै बच़दै। किल्हैकि तिन्नां निंणै तम्हैं कैद करी दालता लै अर आपणीं सभागृहा च़िक्कणै तम्हैं कोल़ै करै।18मुंह दी विश्वास करनै पिछ़ू निंणै तम्हैं कैद करी राज़पाल अर राज़ै सेटा, अह हणअ तम्हां लै मोक्कअ कि तिन्नां अर होरी ज़ाती का मेरै बारै शाजत दैई सके।19ज़ेभै तिंयां तम्हां कैद करी दालता दी निंए, तेभै निं तम्हैं एही फिकर करी कि हाम्हां किहअ करै बोल़णअ अर किज़ै बोल़णअ?
“ज़ुंण बी तम्हां तिधी बोल़णअ होए, सह हेरनअ तम्हां लै परमेशरा तैहा ई घल़ी खोज़ी।20किल्हैकि बोल़णैं आल़ै निं तम्हैं आथी, पर थारअ बाब परमेशरे पबित्र आत्मां बोला तम्हां बाती आप्पै।21“तेभै हणअ इहअ कि लोगा बझ़ैल़णअ मुंह दी विश्वास करनै आल़अ आपणअ ई सक्कअ भाई होरी का मारनै, बाबा बझ़ैल़णअ आपणअ ई शोहरू मारनै ज़ुंण, शोहरू-शोहरी हणैं आपणैं ईजा-बाबे खलाफ ज़ुंण मुंह दी विश्वास करा, संघा बझ़ैल़णैं तिंयां होरी लोगा का मारनै।10:21 मिक. 7:6; मार्क. 13:12; लूक. 21:1622“मेरै नाओंआं करै हणैं सोभ लोग थारै दुशमण, पर ज़ुंण खिरी तैणीं सबर करे, तेऊओ हणअ उद्धार10:22 मोत्त. 24:9; मार्क. 13:13; लूक. 21:17 ।23ज़ेभै तिंयां कहा नगरी तम्हां तंग करे, तम्हैं ठुर्है दुजी नगरी लै। हुंह खोज़ा तम्हां का सत्त कि तम्हैं निं इज़राईले सोभी नगरी हांढी मुक्कणैं कि तेभै तैणीं जाणअ हुंह मणछो पूत एछी।24“च़ेल्लअ निं आपणैं गूरू का बडअ हंदअ अर नां दास आपणैं मालक का बडअ हंदअ।25च़ेल्लेओ गूरू अर दासो मालका बराबर हणअ आसा बेघै बडी गल्ल। ज़ै तिन्नैं घअरे मालका लै राख्स बोलअ, तै तिन्नां तेऊए घअरा आल़ै लै किल्है निं बोल़णअ?26“पर तम्हैं निं तिन्नां का डरी, इहअ बगत एछणअ ज़ेभै ढोपी डाही दी हर च़ीज़ सोभी का शुझणीं अर गुप्त च़िज़ो लागणअ सोभी का थोघ।27ज़ुंण हुंह तम्हां लै पिठी पिछ़ू बोला, तेऊ बोलै तम्हैं सोभी नदरी अर ज़ुंण तम्हैं काना पिछ़ू शूणां, तेता खोज़ै तम्हैं छ़ाप्परै उखल़ी हाक्का पाई।28“तम्हैं निं तिन्नां का डरी आथी ज़ुंण थारी देही च़ाहा मारनअ, तिंयां निं थारी आत्मां मारी सकदै। पर डरनअ सिधअ तेऊ परमेशरा का ज़ुंण देही अर आत्मां दुही सका जम्परी खतम करी।29“मणछ बेच़ा दूई च़ेल्ली सिधै एकी चाम्बे ढब्बै करै! पर थारअ बाब परमेशरा हआ तिन्नां होछ़ी च़ेल्लीओ तोही धैन-खैल। तिन्नां च़ेल्ली मांझ़ै निं तेभै तैणीं एक बी धरनीं पल़दी ज़ेभै तैणीं कि परमेशर आप्पै इहअ हणैं निं दैए।30इधी तैणीं कि परमेशरै आसा थारै मुंडे शराल़ बी सोभ गणै दै।10:30 लूक. 12:731तैही बोला हुंह डरी निं आथी, तम्हैं आसा तिन्नां च़ेल्ली का खास्सै किम्मती।32“हुंह बोला तम्हां का कि ज़ुंण मुंह मणछे सम्हनै मने, सह मनणअ मुंह स्वर्गै आपणैं बाब परमेशरे सम्हनै।33पर ज़ुंण होरी मणछा सेटा मेरै बारै हुधिए, तेऊ लै हुधणअ मुंह बी स्वर्गै आपणैं बाब परमेशरा सेटा।34“इहअ निं समझ़ा कि हुंह आसा पृथूई दी मेल़-ज़ोल़ करदअ आअ द, हुंह निं मेल़-ज़ोल़ करदअ आथी पर तिन्नां मांझ़ै ज़ुंण मुंह पिछ़ू एछे तिंयां करनै मुंह ज़ुदै।35‘हुंह आसा एता लै आअ द कि शोहरू तेऊए बाबा का, शोहरी तेसे ईजा का, नुशा तेसे शाशुई का ज़ुदी करूं।36मणछे दुशमण हणैं तेऊए ई टबरा मांझ़ै।’37“ज़ुंण आपणैं ईजा-बाबा लै मुखा खास्सी झ़ूरी करा, सह निं मुंह जोगी आथी। ज़ुंण आपणैं लान्हैं लै मुखा खास्सी झ़ूरी डाहा, सह बी निं मुंह जोगी आथी।10:37 लूक. 14:2638ज़ुंण असली दी मेरअ च़ेल्लअ बणनअ च़ाहा, सह रहै मुल्है मरना लै तैर। सह ज़िऊऐ इहै मणछा ज़िहअ ज़ुंण आपणअ क्रूस आपणीं कान्हा च़की मर्दअ आसा च़ाल्लअ द।39किल्हैकि ज़ुंण बी ऐहा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी ज़ांऐं, ज़ुंण मुंह दी विश्वास करनै पिछ़ू आपणीं ज़ान दैए, तेऊ भेटणीं परमेशरा संघै सदा लै ज़िन्दगी।40“ज़ुंण थारी कदर करे सह करा मेरी कदर। ज़ुंण मेरी कदर करा, सह करा तेऊए कदर ज़ुंणी हुंह संसारा लै आसा छ़ाडअ द।41परमेशरे गूरा ज़ुंण परमेशरो गूर समझ़ी अदर करे तेऊ भेटणअ तेतो तिहअ ई फल।
“ज़ुंण धर्मीं समझ़ी धर्मीं मणछो अदर करे, तेऊ भेटणअ धर्मीं मणछो फल।42ज़ुंण बी इना होछ़ै मांझ़ै एकी बी मेरै च़ेल्लै समझ़ी एक गलास पाणींओ बी पणैऊंए, हुंह खोज़ा तम्हां का सत्त कि तेऊ भेटणअ परमेशरा का तेतो फल।”
Beyond Translation