Aisaiya66
Ubiereikpe ye Idodanyen
1Se Abọọñ atañ ado ami:“Hefịn ado ebekpo mmi,isọñ anyʌñ ado udodukod mmi.Akee ado ufọk se afo uduubọp unnọ miin?Ñke adiido itie nduọkadudu mmi?2Idooho ubọk mmi akenañña afịd mme ñkpọ ami,ndin ammọ edibañña?”Abọọñ atañ anwa-anwa.“Mbon se ami nse ke anyen mfọn edo ami:mbon se isuuhọ idem inyʌñ inie mbʌññọesịd ke sịbidịd,ye mbon se ikọ mmi anyeñ amọ idem.3Ado awo akeedodo a-awaaha ayaaraenañaba nte keed ke atu mbon e-ewotto awo,ñko awo akeedodo a-awaaha ñyịn edọñaba nte awo a-abuuñọ ewa itọñ;awo akeedodo a-anamma uwa abakpaaba nte awo a-awaaha iyiib edi,ñko awo akeedodo a-afọppọ insensi aditoiyoaba nte keed ke atu mme akpono ndem.Ammọ emek usʌñ ammọ,ammọ enyʌñ ekop inemesịd ke mme mbubiam ammọ;4ke ntoro ami ñko ñyaamek nsaad ufen nnọ ammọñyaanyʌñ nnọ ammọ se ammọ ebaak.Sia idaha añkekoodo, awo ndomokeed ikibọọrọke,idaha a-ñketañña ikọ, awo ndomokeed ikikpañña utọñ.Ammọ emaenam idiọọk ke iso mmi,enyʌñ emek se iminnemme miin esịd.”5Ikop ikọ Abọọñ,ndufo e-enyekke idem ke ikọ amọ:“Mbon mfo u-usuaha fiin,enyʌññọ usio fiin efep ke ntak anyịñ mmi, ebo,‘Yak Abọọñ abọ ubọọñ,nọ ato do ñnyịn ikịt idaara mfo!’Ado ammọ eyaekop abuud.6Kop ñkpoyo a-atooho abio,kop uyom a-atooho tembịd!Ado uyom Abọọñasʌkkọ akpe mme asua amọ afịd se idot ye ammọ.7“Mbemiso ubiakuman atuuk anye,anye aman ayịn;mbemiso ubiak adi adisịme anye,anye amaaman ayịn awodeen.8Anie akenam akop mme utọ ñkpọ ami?Anie akenam akịt mme ñkpọ se iba ntom?Nte abio akeme adimana ke usen keed,me ekeme edinam idịd aba ke etək-etək ini?Kpayeado ikpeeneke Saiyọn atọọñọ umanke anye amanna nditọ amọ.9Nte ami mmenam uman atuuk awonwaanndin nnamma nọ aman?”Abọọñ atañ.“Me ami ñkpasiit idịbke ini mmaanam uman akweeñe?”Abasi mfo atañ.10“Idaara ye Yeruselem inyʌñ ikop inemesịd ye anye,afịd ndufo se ema anye;idaara ekamba-ekamba ye anye,afịd ndufo se efʌhọ ebaña anye.11Sia ndufo eyaebọọk enyʌñ ekop uyʌkkọke mme eba idọñesịd amọ;ndufo eyaenwọñ ayọhọ-ayọhọenyʌñ enem esịd ebaña ufọfiọọrọ akpọmiọk inie amọ.”12Sia se Abọọñ atañ ado ami:“Ami ñyaayaak emem nnọ anye nte inyañ,ye inie mme idịd nte idịm a-afiọọrọke;ndin ndufo eyaewọp eba, enyʌñ iben ndufo ekama ke ubọk amọ,enyʌñ item ndufo ke edọñ amọ.13Naña eka adọñ ayịn amọ esịd,kpa ntoro ke ami ndiidọñ ndufo esịd;ndufo eyaenyʌñ ekop ndọñesịd ebaña Yeruselem.”14Ndufo emaekịt ami, esịd ndufo ayaadaara,ndin ndufo eyaenyʌñ efiọọrọ nte mbid;ubọk Abọọñ ayaayaara anọ mme isʌñutom amọ,ado anye ayaawọt mme asua amọ iyadesịd amọ.15Se, Abọọñ asʌk adi ye ikañ,ndin mme sariọd amọ eba nte afịm ayobio;anye ayaawọt iyadesịd amọ ye ifiobesịd,anyʌñ atʌnọ ye mme edemeikañ.16Sia ye ikañ ye akañkañ amọAbọọñ ayaanam ubiideikpe ye afịd awo,ndin mbon se Abọọñ adiiwot eyaewak.17“Mbon se itịm idem ammọ inịm asana edika mme inwañ, e-ekeeneke awo a-abaaha ke atu mbon se ita abʌk edi, mme ekpu ye mme ndedeghe ñkpọ mfen, eyaediana keed ye anye a-ammọ ekeeneke ekịt nsobo ammọ,” Abọọñ atañ.18“Ndin ami, ke ntak se ammọ edioomo enyʌñ enam, ami ñyaadi ndikoono mme awo ke afịd idịd ye mme usem, ndin ammọ eyaedikịt ubọọñ mmi.19“Ami ñyaanịm idiọọñọ ke atu ammọ, ami ñyaanyʌñ ndọñ usʌk mbon se ibọkkọ nọ eka mme idịd, eka Taasis, eka ebịne mbon Libia ye mbon Lidia (e-ewuọhọ etob nte mbon utob idañ), eka Tubal ye Kriis, enyʌñ eka mme abio isu i-imiikoppo etob mmi inyʌññọ ikịt ubọọñ mmi. Ammọ eyaekwọrọ ubọọñ mmi ke atu mme idịd.20Ndin ammọ eyaeben afịd ikọd mfo edi, eto afịd mme idịd, edi adisana ekamba abod mmi ke Yeruselem nte enọ se ammọ enọ Abọọñ, edoro ke anyọñ enañmbakara, ke mme sariọd ye mme ukpadñkpọ, ye ke mme ñyịn enañ ye mme kamel,” Abọọñ atañ. “Ammọ eyaeben ammọ edi, nte nditọ Isrel eben mme enọ abakpa ammọ, edọñ ke nsaana iko e-esikamake ke usen usọrọ edi ke tembịd Abọọñ.21Ndin ami ñyaasio usʌk ammọ ñko yak edo mme aku ye mme Lifai,” se Abọọñ atañ ado ami.22“Naña mme ufa anyọñ ye ufa ederimbod a-ami nnamma adiikpeene ke iso mmi, kpa ntoro ke anyịñ mfo ye ake nditọnditọ mfo ediikpeene,” Abọọñ atañ.23“Tọọñọ ke Ufa Afiọñ keed wuọ mfen, nyʌñ tọọñọ ke Sabad keed wuọ mfen, afịd ubonawo eyaedi edinyuuk iwuod ke iso mmi,” Abọọñ atañ ami.24“Ndin ammọ eyaewuọ ekese akpo mbon e-ekesọññọ iwuod ye ami; mme utʌñ e-etaaha ammọ idiikpaaha, ikañ a-ataaha ammọ idiinịmeke, ndin ammọ ediido ñkpọ ekamba itekesịd enọ afịd ubonawo.”Biblica, Inc.