Luka7
1Yesu peasindile kulonga gala geasakile vanu va pulike, akahele mwani va Kapelinaumu.2Ukoya kukali na mkomi yumwi va vapuga va ku Lumi yeakali na mnyigendwa vake yeamkelile hilo. Mchulila yula akali mtamwa agehe pepi kufuwa.Mpuga va Valumi3Yula mkomi va vapunga peapulike luchowo lwa Yesu, akavalagiche vamonga lya vavaha va Kiyawudi vahele vakamsuke ache kumnanicha mchulila vake.4Pevafikile kwa Yesu, vamsukile hilo, vakilonga, “Munu uyu ndi unofu atangwe,5kwakuva akuvakela vanu vetu na atuchengie kaye lyetu lya kutang'anila.”6Baho, Yesu akahele pamwi navo. Peakali pepi kufikila kukaye lya mkomi va vapuga, yula mkomi va vapuga akavalagiche vaganja vake vamlongie Yesu, “Mtwa ubihile kwisumbula, kwakuva nene sendidikilwa uwingile kukaye lyangu.7Ndi mana sendayiwene ndidikilwa kwacha kwa veve. Ila longe luchowo hela, mchulila vangu inana.8Kwakuva nene ndi munu yendigehe panyi lya umwimike, ila ndinago na vapuga yevagehe panyi lyangu. Ndikimlongea yumwi, ‘Helele!’ Mwene ihelela na ndikimlongela yungi, ‘Wache!’ Mwene ekwacha na pendikumlongela mchulila vangu, ‘Gite kinu ikyo!’ Mwene igita.”9Yesu peapulike njowo icho, akadudwive hilo, akausedukie wula lipinga lya vanu lelikali lilongochana, akalongile, “Ndakyene ndikuvalongela sendimuwene munu yeyonda mu Isilaeli yeali na mbatwa ngita iyi!”10Vala vanu vevalagichwe pevawuyile kwa mkomi va vapuga va ku Lumi, vamuwene yula mchulila ananile.11Pambele ludodo, Yesu akahele ku mwani weukemeliwe Naini na vachulila vake, lipinga likomi lya vanu vakalongochine.12Peakali pepi na mlyangilo mkomi va mwani, vahumie vanu vamnyamuwe lifimba lya mdimi, mwana yeiyena va maye mwigane. Vanu volofu va mwani wula vakali pamwi na maye yula.13Mtwa Yesu peamwene maye yula, akamwonie lusungu, akamlongie, “Bihile kuvemba.”14Baho ahegelie pepi akalibyalisa lila luhaga, vala vevakali vamnyamue vakaemile, Yesu alongile, “Mdimi! Ndikulongela wime!”15Yula mdimi yeafue akalamwika na akalile na akavanga kulonga. Yesu akamyamue akamsindike kwa maye.16Vanu vonda vakaogofya, vavangile kumunjuma Nguluvi vakilonga, “Mvichi mkomi va Nguluvi atuhumile mugati yetu. Nguluvi achile kuvawokola vanu vake.”17Njowo icho cheagitile Yesu chikalutie ponda muinyi lya Yudea na ku inyi chonda cha pepi.18Vachulila va Yohani vakamlongela Yohani gala gonda ga agitile Yesu, baho Yohani akavakemelie vachulila vake vavili,19akavalagiche kwa Mtwa Yesu vamuwuche, “Veve ndi yula yealongile Yohani kuva daukwacha awu tumchindile yungi?”20Vala vachulila pevafikeli kwa Yesu vakamlongie, “Yohani mbatisaji atulagiche tukuwuche, ‘Veve ndi yula yula yealongilwe kuva daukwacha awu tumchindile yungi?’”21Chipindi icho icho, Yesu akavawonela lusungu na akavananicha vanu volofu vevakali vagudile kwa utamwa na kuvahecha mahoka na kuvananicha vanu vevabofwike meho, valole.22Baho akavahigile vala vachulila va Yohani, “Muwuye mkamlongie Yohani gyonda gemgalolile na kugapulika. Vevabofwike meho vilola, vatenda vigenda na venye lukalavilo vinanichwa na vadinda matu vipulika na yevafuwe vichulubushwa na vahangala vadalikiwa Njowo Nofu.23Nguluvi daifunywa munu yula yeseivipiswa na nene.”24Vachulila va Yohani pevahegile, Yesu avangile kuvalongela wula lipinga lya vanu makani ga Yohani Mbatisa, “Pemuhele kudasi mkahele kulola liki? Wuli mwikali mwilolela lidete lwelihogoswa na lukala?25Mukahelele kulola liki? Mukahele kulola munu yeafwalile myenda minofu? Vanu vevifwala myenda minofu na kwikala maisa manofu vikala mukaye lya vang'achale.26Suwe mnilongele, mkahele kulola liki? Mkahele kumlola mvichi? Ndakyene, yemuwene ndi kugina mvichi va Nguluvi.27Yohani nde yeilongwa Mumasimbo ga Nguluvi, ‘Nguluvi akalongie ndikumlagicha mchulila vangu akulongole, daikuvikila unofu ng'asi lyako.’”28Yesu akamalile kwakulonga, “Ndikuvalongela, mugati mwa vanu vonda kwihela yeakali mkomi kumgina Yohani Mbatisa, hata ifyo yula yeakali mdodo hilo pa ung'achale va Nguluvi ndi mkomi kuchumba Yohani.”29Pevapulike njowo icho cha Yesu vanu vonda na vanyamula usulu vakamdikile Nguluvi na vakabatiswa na Yohani Mbatisa.30Ila Vafalisayo na vawulanichi va Malagicho vakakanile gala gaalagiche Nguluvi kwajili lyawo vavene, vakanile kubatiswa na Yohani.31Yesu akagendelie kulonga, “Vanu va kilelo iki ndivawananise na kinu liki? Vewana na kiki?32Vawo viwana na vana vevakalile kusoko na kwikemela lipinga lingi na lingi, ‘Tukavatovie mluli ila semkakinile! Twimbile msambo cha kusungwima ila semvembile!’33Yohani mbatisaji achile, sealiye vala seanyuwe difwayi, nyenye mkalongile, ‘Aingilwe na mahoka!’34Mwana va Munu achile, iliya na kunyuwa, nyenye mwilonga, ‘Lole, muhodo na mgala, mganja vao vanyamula usulu na venye sambi!’35Ila uginyange va Nguluvi iwonike kuva nofu kwa vonda vasanzi.”36Mfalisayo yumwi akamlalike Yesu kulia kyakulia kya palumie mukaye lyake, Yesu akaingie pakaye pa yula Mfalisayo na ekalile kulia kyakulia.37Ukoya ku mwani kukali na maye yumwi munya sambi. Peapatile lukani kuva Yesu agehe pakaye pa yula Mfalisayo, akaachile na kyupa yeimemile manung'ililo yeigalanichwe na liganga lya alabasata.38Akaimile pepi na migulu gya Yesu, peavemba na mahochi gake gakamgwilie Yesu mumagulu gake. Maye yula akaipyangusile migulu kwa fwili chake. Baho akainonile magulu na kubaka gala manung'ililo.39Yula Mfalisayo yeamlalikile Yesu Peagalolile hago, akahochile munumbula lyake, “Ngita munu uyu ndakyene nde mvichi va Nguluvi, angemuchela mdala uyu yeamkolelie ndi munu agehe wuli, angemchela kuva munya sambi.”40Yesu akamlongie yula Mfalisayo, “Simoni, ndinakyo kinu kya kukulongela.”
Simoni akamlongie, “Ndakyene, Muwulanichi ndongie.”41Yesu akamlongie, “Vanu vavili vakali vaasimie sendi kwa munu yeiyasimisa sendi, yumwi akali asimie fipande fya madini gye gikemelwa fesa na yungi miya chiano.42Vonda vavili sevavesile kumuhomba, munu yula avawonie lusungu vonda vavili. Nonde nde ani pagati lya vavili havo damkela hilo munu yula?”43Simoni akahigile, “Ndihocha yula yeawoneliwe lusungu sendi chingi nde yula dakumkela hilo munu yula.”
Yesu akamlongie, “Uhigile unofu.”44Baho Yesu akamsedukie yula mdala na kumlongela Simoni, “Ukumlola maye uyu? Pendiingie baha pakaye lyako seukanigavile malega ga kukalava migulu gyangu, ila mdala uyu anikalafiche migulu gyangu kwa mahochi gake na kunifyangula kwa fwili chake.45Veve seunihungile kwa kuninonela, ila uyu maye kuhuma pendiingie baha akali akwinonela migulu gyangu.46Veve Seukabakile mtuwe vangu mafuta, ila uyu maye andibakile manung'ililo magulu gyangu.47Kwa ndena ndikulongela alekilwe sambi chake chongofu kwakuva anikelie hilo. Ila munya kulekelwa sambi ndodo hukela kidodo.”48Baho Yesu akamlongie yula maye, “Ulekilwe sambi chako.”49Vamonga va vanu vevakali bahala vakavangile kulongana, “Munu uyu ndi ani mbaka kulekela sambi?”50Yesu akamlongie yula maye, “Mbatwa lyako ikuwokole, helele kwa utengamaso.”
Simoni akamlongie, “Ndakyene, Muwulanichi ndongie.”41Yesu akamlongie, “Vanu vavili vakali vaasimie sendi kwa munu yeiyasimisa sendi, yumwi akali asimie fipande fya madini gye gikemelwa fesa na yungi miya chiano.42Vonda vavili sevavesile kumuhomba, munu yula avawonie lusungu vonda vavili. Nonde nde ani pagati lya vavili havo damkela hilo munu yula?”43Simoni akahigile, “Ndihocha yula yeawoneliwe lusungu sendi chingi nde yula dakumkela hilo munu yula.”
Yesu akamlongie, “Uhigile unofu.”44Baho Yesu akamsedukie yula mdala na kumlongela Simoni, “Ukumlola maye uyu? Pendiingie baha pakaye lyako seukanigavile malega ga kukalava migulu gyangu, ila mdala uyu anikalafiche migulu gyangu kwa mahochi gake na kunifyangula kwa fwili chake.45Veve seunihungile kwa kuninonela, ila uyu maye kuhuma pendiingie baha akali akwinonela migulu gyangu.46Veve Seukabakile mtuwe vangu mafuta, ila uyu maye andibakile manung'ililo magulu gyangu.47Kwa ndena ndikulongela alekilwe sambi chake chongofu kwakuva anikelie hilo. Ila munya kulekelwa sambi ndodo hukela kidodo.”48Baho Yesu akamlongie yula maye, “Ulekilwe sambi chako.”49Vamonga va vanu vevakali bahala vakavangile kulongana, “Munu uyu ndi ani mbaka kulekela sambi?”50Yesu akamlongie yula maye, “Mbatwa lyako ikuwokole, helele kwa utengamaso.”
The Word for the World International