Sálumu26
Achoururuni luagu aban ibagari harumati
1Nabureme ruba irichaü nun, ladüga harumati nibagari. Buagu nafiñera le gumuti;2arihabéi ida niña lan, hóuchaguabana! Hóuchaguabei nisaminan luma lilulin-agei le nasandirubei tidan nanigi!3Anihein bínsiñehabu nigibugiñe, ani gúnfulitina buma;4Maganóuntina lidan aban hama yéetiña, móundaragun nuguya hama biangua tigibu.5Iyereeguti hadamuridagun salufuritiña nun; meredegidina aganóua lidan aban hama wuribatiña!6Busentina nayarafadun lun bani latarü harumañu núhabu lídangiñe figóu,7wa nuguyame uremu bun, adimureha nuguyame luagu buéirigun.8Aburemei hínsiñetu buban to ñein lubéi baganawa nun, fulasu le ñein lubéi buéirigun.9Magidarabéi nibagari nuéi úara hama gafigountiña; sefubána luéi abeichúni le heresibirubei gáfarahaditiña,10hádangiñe ha buínlubaña úhabu lau wuribani ani ragǘ hagía seinsu lun magunfuliruniwa lan lau le richabei.11Anhein nibagari, harumati; sefubána, gudemená bun!12Lara niña lidan fulasu derebuguti; nalawahabei Aburemei hañúarü lumutuniña!Bible Society of Honduras