Aisaiya21
Prọfesi A-abañake Babilọn
1Prọfesi a-abañake Akpautatan a-adaaha akpere Akpainyañ:Kpa naña afịm ayobio afịme aboiyo ke usuuk isọñ,kpa ntoro ke asua ato akpautatan,ato abio ndịk adi.2Eñwọt miin aniendịk ñkukịd:Atabawo asʌk atap, awo mbịme asʌk akoono mbịme.Elam, nwana! Media, kanna kʌk!Ami ñyaanam afịd ñkuun a-anye akenamma atre.3Ñkpọ ami anam ami ñkop ubiak ke idem mmi,ubiak ammʌm miin, nte ubiak awonwaan a-abaaha ke uman;idem antịmede miin abaña se ami ñkop,idem añkpa miin ke se ami ñkịt.4Esịd mmi atịmede,ndịk anam idem añnyeñ miin;ndubi a-ami ñkeyemmeakappa ado akpọsọñ ndịk annọ miin.5Ammọ ebịt akpokoro,ammọ ebịt ufʌkisọñ,ammọ edia, ammọ enwọñ!Idakka ida, ndufo adaaha mbonekọñ,ifiọññọ adan ke atuekọñ ndufo!6Se Abọọñ atañ annọọ miin ado ami:“Kaa, nịm awoukpemeyak anye anọ etob abaña se anye akịt.7Anye amaakịt mme sariọdye mme udịm enañmbakara,mbon ewatta dọñkime mbon ewatta kamel,yak anye akpañ utọñ atịñ anyen,yak anye abeeñe idem ayọhọ-ayọhọ.”8Awoukpeme amaabọñ,“Abọọñ mmi, usen ke usen, ami nda ke anyọñ tọwa ukpeme;afịd akonayio ami nda ke itie utom mmi.9Se, ete keed asʌk awat ke sariọd adiye udịm enañmbakara.Ndin anye anọ ibọọrọ adi:‘Babilọn aduọ, aduọ!Afịd mme ubobod abasi amọeboomo enaa ke isọñ!’ ”10Ikọd mmi e-esọnnọke ke afe ubeek abakpa,ami udọkkọ fiin se ami ñkopnto Abọọñ Andikponñkan,nto Abasi Isrel.Prọfesi A-abañake Edọm
11Prọfesi a-abañake Duma:Awo añkoot miin ato Sei,“Awoukpeme, nsoo isʌhọ inọ akonayio ami?Awoukpeme, nsoo isʌhọ inọ akonayio ami?”12Awoukpeme abọọrọ,“Ubakusen asʌk adi, ado akonayio ñko asʌk adi.Akpedo akpaabịp, ndin bịp;nyʌñ maana tịmme di.”Prọfesi A-abañake Arebia
13Prọfesi a-abañake Arebia:ndufo mbon isañ Dedan,e-enaaha ke mme akai ikọd Arebia,14idat mmọọñ isọk mbon nsaditọñ;ndufo e-edʌññọ ke Tema,iben ndidia isọk mbon itọk ekọñ.15Ammọ efeghe ebọkkọ eduad,ebọkkọ udʌdnsio eduad,ebọkkọ nnʌhọ-nnʌhọ utịghaye ufiob a-atooho ekọñ.16Se Abọọñ atañ annọọ miin ado ami: “Ke ufọọd isua keed, nte ayịnufọk a-asịneke ke idak ubiọñ ndubeghe akpebatta, afịd ubọọñ Keda ayaasịm utịd.17Mbon e-ebọkkọke mme ntautob utịgha, mbon ekọñ Keda, ediido ibad-ibad.” Abọọñ, Abasi Isrel, atañ.Biblica, Inc.