Luka14
1Mu kigono kya Kutulula, Yesu akahele kuliya kyakulia mukaye lya mkomi yumwi va Vafalisayo na vanu yevagehe pala vakali vekumulolela hilo valole kila kyedaakigita.2Munu yumwi yeikali na utamwa va kutupa mvili vonda akahele kwa Yesu.3Yesu akavahuchile vawulanichi va Malagicho na Vafalisayo, “Wuli, malagicho gya Musa chikutuidika kumunanicha munu mu Kigono kya Kutulula awu chikanicha?”4Ila vene vachikile chii. Yesu akamkolela yula mtamwa, akamnaniche, akamlekile ahele kukaye lyake.5Baho Yesu akavalongela, “Ani yumwi venu yeali na mwana vake awu senga vake yeadumbukile mulilindi mu Kigono kya Kutulula, wuli, seawesila kumuhecha kwivala?”6Ila vanu avo sevawesile kumuhiga.7Yesu akavawene vala vevalalikwe pevihagula figoda fya utalo pono pa uginyange, akavalongela mufano ulu,8“Ngita munu akulalike mulihungu lya kutola, ubihile kwikala figoda fya utalo pono pa uginyange. Kwakuva iwesekana alalikilwe munu yungi munya uginyange kuchumba veve,9na munu yeavalalike vanu vonda ekwacha na kukulongela, ‘Mlekele uyu kigoda.’ Baho wiwona nyoni pautalo pa vanu vonda na kuhelela kukala kigoda kya kumbele.10Ila peulalikwa mulihungu wikale kigoda kya kumbele, neke yeakulalika peikwacha akulongele, ‘Mganja, wache ukale baha pautalo,’ Baho uvecha mkomi na vanu vonda yevakalile pamwi nave.11Kwakuva munu yeyonda yeakwigita mkomi igitwa mdodo na akwigita mdodo igitwa mkomi.”12Baho Yesu akamlongie na yula yeamulalike, “Ngita ukuvaandalila vanu kyakulia kya pamunyi awu palumie, ubihile kuvalalika vaganja vako awu vakolo vako awu vapepi vako na vevagehe vamosi. Ngita ukugita endena, navo vakukulalika na veve ukava uwombilwe kila kyeuvagitile.13Ila peugita lihungu valalike na vahangala na vatenda na fiwete na vevabofwike meho,14na veve ufunywa, kwakuva havo vahela kya kukuhomba. Nguluvi akukuhomba mukigono kya uchulubuko va vanu vasanzi.”15Yumwi va vala yevali vekalile pamwi na Yesu peapulike ifi, akamlongie Yesu, “Afunyilwe munu yula yeiliya kyakula kya lihungu mu Ung'achale va Nguluvi.”16Yesu akamuhigile, “Munu yumwi agitile lihungu likomi, akavalike vanu volofu.17Kigono kya lihungu peufikila, akamlagiliche mchulila vake akavalongie, vevalalikwe, ‘Mwache finu fyonda figehe suwe.’18Ila vonda, vavangile kumuhongicha. Vakwanja akamlongie mchulila, ‘Ndigulile mgunda ndihelela kugulola, sendivesa kwacha.’19Munu yungi akalagule, ‘Ndigulile senga kumi va kugima, nonde ndigehe mung'asi kuhelela kuvagelecha kugima, sendiwesa kwacha.’20Munu yungi akalongile, ‘Nonde nditola sendiwesa kwacha.’21Muchulila yula akawuyile na kumlongela mtwa vake njowo chila. Yula mwene kaye akavipile, akamlongie mchulila vake, ‘Helele kisatu mufitongoji na fimwani na uvaletile baha vahangala na munu munyalugaso na vevabofwike meho na vatenda.’22Mchulila yula akamlongie, ‘Mtwa, gala gyeunilagiliche ndigitile, ila nafwasi lya kwikala vanu yave igehe.’23Yula mtwa akamlongie mchulila, ‘Helele mung'asi na mufijiji na valongile vanu vache neke kaye lyangu imeme.24Ndakyene ndikuvalongela, kwihela hata yumwi pagati lya vala yendivalalike daigecha kyakula kya lihungu lyangu!’”25Baho lipinga likomi lya vanu likali ligenda pamwi na Yesu, akavasedukile na kuvalongela,26Munu yeyonda yeikwacha kwa nene, ngita seakumkela daada vake na maye vake na mdala vake na vana na vahacha vake na sekwikela wumi vake seiwesa kuvecha mchulila vangu.27Munu yeyonda yeseitegula kipindilihicho lwake na kunifwatila nene seivesa kuva mchulila vangu.28Mchindile ndivalongele, ndi ani pagati lyenu yeisaka kuchenga lilingo sekwikala tandi avalile, anacho sendi chilinga cha kusindilichila kuchenga limnala?29Ngita daseigita ifyo evesa kuchenga musingi hela na kulemuwa kumalila kuchenga limnala ugo, vanu vonda vevikumlola kyeagitile vakumuheka.30Vakilonga, munu uyu avangile kuchenga ila seavesile kumalila kasi.31Awu ndi ng'achale ani peisaka kuhelela kwitova na ng'achale yungi na seiwesa kwikala tandi na kuhocha ngita iwesa, kuhelela kwitova na munya vapuga elufu isilini na mwene anavo vapuga elufu kumi?32Ngita elola seiwesa, ekuvalagicha vananzi vake kwa ng'achale yula ikiva have kutali amsuke vavike upataniso lya utengamaso.33Ifyo ifyo, kwihela munu yeyonda pagati yenu daiwesa kuva mchulila vangu ngita daabihile kuleka fyonda fyeagehe nafyo.34“Munyo ndi nofu, ila ikiyaga unofu vake, wigita wuli neke ikole kangi?35Senofu kuvika mumhanga va kuhanganya na mboleya, vanu huitaga patali. Munya masigicha gya kupulika na apulike!”
The Word for the World International