1 Jọn4
Ekpep Ndima Kiet Eken
1Mme ndima ufan, ekunim kpukpru spirit ke akpanikọ, edi edomo mme spirit ese mme mmọ eto Abasi, koro ediwak mme prọfet nsu ewọñọ eduk ke ererimbot.2Mbufo edida emi idiọñọ spirit enyemi otode Abasi: Spirit ekededi emi enyimede ete ke Jisọs Kraist ama edi ke obukidem oto Abasi.3Edi spirit ekededi emi miditiñke ntem ibaña Jisọs, itoho Abasi, edi, edi spirit emi ọbiọñọde Kraist, emi mbufo ekekopde ete ke eyedi, ndien enye mi ke ererimbot idahaemi.4Ndima nditọ, mbufo edi eke Abasi, emenyuñ ekan ererimbot, koro Enyemi odude mbufo ke idem okpon akan enyemi odude ke ererimbot.5Mmọ edi eke ererimbot anam mmọ enyuñ etiñ ikọ nte mbon ererimbot, ererimbot enyuñ ekpañ utọñ enọ mmọ.6Ñnyin idi eke Abasi, owo eke ọdiọñọde Abasi eyekpañ utọñ ọnọ ñnyin, edi enyemi midighe eke Abasi idikpañke utọñ inọ ñnyin. Ñnyin ida emi idiọñọ spirit akpanikọ ye spirit abiaña.7Mme ndima ufan, eyak ñnyin ikpep ndima kiet eken, koro ima oto Abasi. Owo ekededi emi enyenede ima edi eyen Abasi, enye onyuñ ọdiọñọ Abasi.8Owo emi minyeneke ima idiọñọke Abasi koro Abasi edi ima.9Abasi okowut ima emi Enye amade ñnyin ke edidọñ ikpọñ ikpọñ Eyen Esie edi ke ererimbot emi man akpada nsinsi uwem ọsọk ñnyin oto ke ñkpa Esie.10Ke edinam emi ke ñnyin ikut se ata ima edide, idighe nte ñnyin ikamade Abasi, edi, edi nte Enye akamade ñnyin, okonyuñ ọdọñde Eyen Esie edidi usio isop mme idiọkñkpọ ñnyin.11Mme ndima ufan, sia Abasi ama akama ñnyin ntre, ke akpanikọ ñnyin ñko ikpenyene ndima kiet eken kpasuk ntre.12Akananam baba owo kiet ikwe Abasi, edi edieke ñnyin imade kiet eken, Abasi oduñ ke esit ñnyin, ndien ima Esie ọfọn ama ke esit ñnyin.13Ñnyin imọfiọk ite ke Enye oduñ ke esit ñnyin, ñnyin ñko inyuñ iduñ ke Enye, koro Enye ọnọde ñnyin Spirit Esie.14Ndien ñnyin imokut, inyuñ idi ntiense, ite, Ete ọkọdọñ Eyen Esie edidi Andinyaña ererimbot.15Owo ekededi emi enyimede ete ke Jisọs edi Eyen Abasi, Abasi oduñ enye ke esit, enye onyuñ oduñ ke Abasi.16Ndien ñnyin imọfiọk, imonyuñ inim ima Abasi ke akpanikọ. Abasi edi ima, ndien enyemi oduñde ke ima, oduñ ke Abasi, Abasi onyuñ oduñ enye ke idem.17Ema enam ima ọfọn ama ke esit ñnyin, man ñnyin inyene uko ke usen ikpe. Koro nte Enye odude, ke ñnyin inyuñ idu uwem ke ererimbot emi.18Baba ndik kiet iduhọ ke ima; edi ima emi ọfọnde ama ebin ndik ọduọk, koro ndik asaña ye ufen, ndien ima Abasi ifọnke ima ke uwem owo emi efehede ndik.19Ana ñnyin inyene ima, koro Enye ekebemde iso ama ñnyin.20Edieke owo ekededi ọdọhọde ete “Ami mmama Abasi,” edi enye aka iso asua eyen ete esie, enye edi osu nsu. Koro edieke enye mimaha eyen ete esie emi enye okutde ke enyin, didie ke enye ekeme ndima Abasi emi akananam enye mikwe ke enyin?21Ndien Abasi ke idem Esie ama ọnọ ñnyin item, ete, owo ekededi emi amade Abasi enyene ndima eyen ete esie kpasuk ntre.Biblica, Inc.