ማዝሙርያ115
እት ቱሙ ጾሳ
1አቤት መና ጎዳዉ፥ ኑ ግሻ ግደና፤ኑ ግሻ ግደናን፥ አገና ነ ሲቆዉነነ ቱማተ ድራዉ፥ ነ ሱን ቦንቻ።2ካዉተቱ አያዉ፥“ኡንቱንቱ ጾሳይ ሀቃን ደኢ?” ጊኖ?3ኑ ጾሳይ ሳሉዋና፤እ ባረ ዶሴዳዋ አይ ግዶፐካ ኦ።4ሽን ኡንቱንቱ ኤቃቱ ብራነ ዎርቃ፤ኡንቱንቱ አሳ ኩሽያን መቴዳዋንታ።5ኡንቱንቶ ዶናይ ደኤ፤ ሽን ሃሳይክኖ፤አይፊ ደኤ፤ ሽን ጼልክኖ።6ኡንቱንቶ ሀይይ ደኤ፤ ሽን ስስክኖ፤ሲ ደኤ፤ ሽን ስንግክኖ።7ኡንቱንቶ ኩሺ ደኤ፤ ሽን ኦይቂ ኤርክኖ፤ገዲካ ደኤ፤ ሽን ሀመትክኖ፤ኡንቱንቱ ባረንቱ ፕላንቲያና ኮሻ ስስክኖ።8ኡንቱንታ መያዋንቱነ፥ኡንቱንቱን አማነትያዋንቱ ኡባይ ኡንቱንቱ ማላ ግድኖ።9ህንተኖ፥ እስራኤልያ አሳቶ፥መና ጎዳን አማነትተ!እ ህንተና ማድያዋነ ህንተ ጎንዳልያ።10ህንተኖ፥ አሮና ጎልያ አሳቶ፥መና ጎዳን አማነትተ!እ ህንተና ማድያዋነ ህንተ ጎንዳልያ።11ህንተኖ፥ መና ጎዳዉ ያይያዋንቶ፥መና ጎዳን አማነትተ!እ ህንተና ማድያዋነ ህንተ ጎንዳልያ።12መና ጎዳይ ኑና ቆፔ፤ እ ኑና አንጃና።እ እስራኤልያ አሳቱዋ አንጃና።እ አሮና ጎልያ አሳቱዋ አንጃና።13መና ጎዳዉ ያይያዋንታ፥ጉቱዋካ ግታቱዋካ እ ጋ አንጃና።14መና ጎዳይ ህንተናካ ህንተ ናናቱዋካ ዳርሶ!15ሳሉዋነ ሳኣ መዳ መና ጎዳን አንጀትተ!16ቦላ ቃ ሳሉ መና ጎዳዋ፤ሽን ሳኣ እ አሳዉ እሜዳ።17ሀይቄዳዋንቱ፥ ዱፉዋን ጮኡ ጌዳዋንቱ፥መና ጎዳ ጋላትክኖ።18ሽን ኑን፥ ፓጻ ደእያዋንቱ፥ሀቼፐ ዶሚደመና ጋካናዉ መና ጎዳ ጋላቴቶ።መና ጎዳ ጋላትተ!The Word for the World International