มาระโก /14
1ยังแหมสองวันอิแผวเทศกาลปัสกา และเทศกาลกินขนมปังบะมีเจื้อ หมู่มหาปุโรหิตและหมู่ธรรมาจารย์ก็หาจ้องตี้อิยับพระองค์ด้วยอุบายฆ่าเห2เขาอู้กันว่า “ในช่วงเทศกาลจะไปเยะเต่อ กลัวว่าคนตึงหลายจะเกิดวุ่นวาย”3ในเวลาตี้พระองค์ประทับอยู่ตี้หมู่บ้านเบธานี ในเฮือนของซีโมนคนขี้ตู๊ด ขณะเม่อทรงนั่งกิ๋นข้าวอยู่ มีหญิงคนหนึ่งก๋ำผอบน้ำมันหอมนาระดา ตี้มีราคาแปงมาเฝ้าพระองค์ แล้วเปิดผอบถอกน้ำมันนั้นลงบนโหของพระองค์4แต่มีบางคนไม่ปอใจอู้กันว่า “ยะฮือจึงเยะหื้อน้ำมันนี้เสียบะดาย5เพราะว่าน้ำมันนี้ถ้าขายก่อได้ตังนักเหลือสามร้อยเหรียญเดนาริอัน แล้วจะแจกให้คนตุกก่อได้” เขาจึงว่าแม่ยิงนั้น6ฝ่ายพระเยซูอู้กับคนเหล่านั้นว่า “จะไปว่าเขาเลย กวนใจเขายะฮือ เขาได้เยะสิ่งดีกับเฮา7ด้วยว่าคนตุกมีอยู่กับท่านตลอด และท่านจะเยะดีกับเขาเมื่อไดก่อเยะได้ แต่เฮาจะบะอยู่กับท่านตลอดไป8ซึ่งแม่ยิงนี้ได้เยะก่อเป๋นการสุดกำลังของเขา เขามาฮดกายของเฮาก่อนเพื่อการศพของเฮา9เฮาบอกความจริงกับท่านทั้งหลายว่า การตี้แม่ยิงนี้ได้เยะก่อจะลือไปเป็นตี้กึดเติงหาเขาตี้ไหนๆ ตี้ข่าวประเสริฐจะประกาศไคว่แผ่นดิน10ตางยูดาสอิสคาริโอท เป๋นคนหนึ่งในหมู่สาวกสิบสองคน ได้ไปหาหมู่มหาปุโรหิต เปื่อจะจี้พระองค์ให้เขายับ11เม่อเขาได้ยินอย่างอั้น ก่อดีใจและสัญญาว่าจะหื้อตังกับยูดาส แล้วยูดาสก่อหนะถ้าผ่อหาจ้องตี้จะจี้พระองค์ให้กับเขา12เมื่อวันต้นเทศกาลกินขนมปังบะมีเจื้อ ถึงเวลาเขาเกยฆ่าลูกแกะสำหรับปัสกานั้น หมู่สาวกมาอู้ถามพระองค์ว่า “จะหื้อข้าพระองค์ไปจัดเตรียมปัสกาหื้อพระองค์เสวยที่ไหน”13พระองค์จึงทรงใจ้สาวกสองคนไป สั่งเขาว่า “จงเข้าไปในกรุง แล้วจะมีจายคนหนึ่งทูนหม้อน้ำมาปะท่าน จงตวยคนนั้นไป14เขาจะเข้าไปในตี้ใด ท่านหื้อบอกเจ้าของเฮือนนั้นว่า พระอาจารย์ถามว่า ‘ห้องตี้เฮาจะกินปัสกากับเหล่าสาวกของเฮาได้นั้นอยู่ตางใด’15เจ้าของเฮือนจะจี้หื้อท่านหันห้องใหญ่จั้นบนตี้ตกแต่งไว้แล้ว ตี้หั้นแหละ หื้อจัดเตมไว้สำหรับหมู่เฮาเตอะ”16สาวกสองคนนั้นก่อออกเดินเข้าไปในกรุง และปะเหมือนกำตี้พระองค์ได้บอกกับเขา แล้วได้จัดเตมปัสกาไว้พร้อม17เม่อถึงเวลาค่ำแล้ว พระองค์ได้เสด็จมากับสาวกสิบสองคน18เมื่อกำลังนั่งกิ๋นอาหารอยู่ พระเยซูจึงอู้กับเขาว่า “เฮาบอกความจริงแก่ท่านตึงหมดว่า คนหนึ่งในหมู่ท่านจะยับเราไว้ คือคนหนึ่งที่นั่งกิ๋นอาหารอยู่กับเฮานี่แหละ”19ฝ่ายพวกสาวกก็ปากันเป็นตุก และอู้ถามพระองค์กำคนว่า “คือข้าพระองค์กา”20พระองค์จึงอู้ตอบเขาว่า “เป๋นคนหนึ่งในสาวกสิบสองคนนี้ คือเป็นคนจิ้มในถ้วยเดวกันกับเฮา21เพราะบุตรมนุษย์จะเสด็จไปตามตี้กล่าวไว้ในพระคัมภีร์ ว่าด้วยพระองค์หั้น แต่วิบัติแก่คนตี้อิยับบุตรมนุษย์ไว้ ถ้าคนนั้นบะได้เกิดมาก่อจะดีเหลอ”22ระหว่างอาหารคาบนั้น พระเยซูทรงหยุบขนมปังมา เม่อถวายกำสาธุการแล้ว ทรงหักส่งหื้อกับเหล่าสาวกอู้ว่า “หื้อรับเตอะ นี่เป็นกายของเฮา”23แล้วพระองค์จึงทรงหยุบถ้วยโมทนาพระคุณ และส่งหื้อเขา เขาก็ฮับไปดื่มกู้คน24แล้วพระองค์อู้กับเขาว่า “นี่เป็นเลือดของเฮาอันเป็นเลือด แห่งพันธสัญญา ซึ่งต้องไหลออกเปื่อคนนักหลาย25เราบอกเรื่องแต้กับท่านตึงหลายว่า เฮาจะบะดื่มน้ำผลแห่งเถาองุ่นแหมต่อไป จนวันนั้นมาถึง คือวันตี้เฮาจะดื่มใหม่ในแผ่นดินของพระเจ้า”26เม่อฮ้องเพลงสรรเสริญแล้ว เขาก่อปากันออกไปตี้ภูเขามะกอกเทศ27พระเยซูได้อู้กับเหล่าสาวกว่า “ท่านกุ้คนจะละเฮา ด้วยมีกำเขียนไว้ในพระคัมภีร์ว่า ‘เฮาจะประหารผู้เลี้ยงแกะ และแกะหมู่นั้นจะกระจัดกระจายไป’28แต่เมื่อทรงจุ๊บหื้อเฮาฟื้นขึ้นมาแล้ว เฮาจะไปยังแคว้นกาลิลีก่อนหน้าท่าน”29เปโตรอู้พระองค์ว่า “แม้คนทั้งปวงจะละพระองค์ ข้าพระองค์จะละก็หาบะได้”30พระเยซูจึงอู้กับเขาว่า “เฮาบอกความจริงกับท่านว่า ในคืนนี้เอง ก่อนไก่จะขันสองเต่อ ท่านจะปฏิเสธเฮาสามครั้ง”31แต่เปโตรอู้เสงเแข็งเลยว่า “ถึงแม้ข้าพระองค์อิต้องตายกับพระองค์ ข้าพระองค์ก็จะบะปฏิเสธพระองค์เลย” เหล่าสาวกก็่ออู้อย่างอี้เหมือนกันกุ้คน32พระเยซูกับเหล่าสาวกมายังตี้แห่งหนึ่งจื่อเกทเสมนี พระองค์อู้กับสาวกของพระองค์ว่า “หื้อนั่งอยู่ตี้นี่ ตอนตี้เฮาอธิษฐาน”33พระองค์ก็ปาเปโตร ยากอบ และยอห์นไปตวย แล้วพระองค์เป๋นกำกึดขนาดและหนักใจ๋ขนาด34เลยได้อู้กับเหล่าสาวกว่า “ใจเฮาเป็นตุกปออิตาย หื้อเฝ้าอยู่ตี้นี่เตอะ”35แล้วเสด็จเตวไปแหมหน่อยหนึ่ง หมอบโต๋ลงตี้ดินอธิษฐานว่า ถ้าเป๋นได้หื้อเรื่องของเวลานิล้ำป้นไปจากพระองค์36พระองค์อู้ว่า “อับบา พระบิดาเจ้าข้า พระองค์อาจเยะสิ่งตึงหมดได้ ขอหื้อถ้วยนี้เลื่อนป้นไปจากข้าพระองค์เตอะ แต่ว่าจะไปหื้อเป๋นตามใจ๋ต้องก๋านของข้าพระองค์ แต่ให้เป๋นไปตามใจ๋ของพระองค์”37จึงเตวปิกมา ทรงหันเหล่าสาวกนอนหลับอยู่ และอู้กับเปโตรว่า “ซีโมนเอ๋ย ท่านนอนหลับกา จะถ้าเฝ้าอยู่สักกำเดวบะได้กา38ท่านตึงหลายหื้อเฝ้าระวังและอธิษฐาน เปื่อท่านจะไม่ต้องถูกการทดลอง จิตวิญญาณพร้อมแล้วก่อแต้ แต่กายยังอ่อนแฮง”39พระองค์ก่อเตวไปอธิษฐานแหมกำหนึ่ง ทรงอู้กำเหมือนเต่อแล้ว40ครั้นเตวปิกมาก่อทรงหันสาวกนอนหลับอยู่ เพราะตาเขาลืมบะขึ้นและเขาบะฮู้ว่าจะอู้จะใด41เมื่อเตวปิกมาเต่อตี้สาม พระองค์ก่อได้อู้กับเขาว่า “ท่านยังจะนอนต่อไปให้หายอิดแหมกาปอเตอะ นิอะเวลาตี้บุตรมนุษย์ต้องโดนยับไว้ในมือคนบาปนั้นมาถึงแล้ว42ลุกขึ้นไปกันเตอะ ผู้ตี้ยับเฮามาใกล้แล้ว”43พระองค์อู้ยังบ่าตันจบ ในตอนหั้นยูดาสตี้เป๋นคนหนึ่งในเหล่าสาวกสิบสองคนนั้น กับหมู่คุนก๋ำดาบก๋ำไม้กะบอง ได้มาจากหมู่มหาปุโรหิต หมู่ธรรมาจารย์ และหมู่ผู้ใหญ่44ผู้ที่จะยับพระองค์นั้นได้หื้อสัญญาณกับเขาว่า “เราจะจุบคำนับไผก่อเป๋นคนนั้นแหละ หื้อยับเขาไปหื้อแน่นๆ”45ขณะนั้นยูดาสตรงเข้ามาหาพระองค์ อู้ว่า “พระอาจารย์เจ้าข้า” แล้วจุบคำนับพระองค์46คนเหล่านั้นก่อมายับพระองค์ไป47แต่คนหนึ่งตี้จุกอยู่ที่หั้นจั๊กดาบออกฟันหูทาสคนหนึ่งของมหาปุโรหิตประจำการปุด48พระเยซูได้อู้ถามหมู่นั้นว่า “ท่านตึงหลายหันเฮาเป๋นโจรกา เลยหนะก๋ำดาบก๋ำตะบองออกมายับเฮา49เฮาได้อยู่กับท่านตึงหลายกุ้วัน สั่งสอนต๋ามหมู่พระวิหาร ท่านก่อบะได้ยับ แต่จะต้องสำเร็จตามพระคัมภีร์”50แล้วสาวกตึงหมดได้ละทิ้งพระองค์ไว้และปากันหนีไป51มีจายหนุ่มคนหนึ่งหุ่มผ้าป่านผืนหนึ่งตวยพระองค์ไป พวกเหล่านั้นก่อยับจายหนุ่มนั้น52แต่เขาได้ปึ้งผ้าป่านผืนนั้นขว้างเห แล้วเป๋ยโต๋หนีไป53เขาปาพระเยซูไปหามหาปุโรหิตผู้ประจำการ และมีหมู่มหาปุโรหิต หมู่ผู้ใหญ่ และหมู่ธรรมาจารย์ชุมนุมพร้อมกันอยู่ตี้หั้น54ตางเปโตรได้ตวยพระเยซูไปห่างๆ จุ๋นเข้าไปถึงก๋างโข่งบ้านของมหาปุโรหิตผู้ประจำการ นั่งหิงไฟอยู่กับหมู่คนใจ้55หมู่มหาปุโรหิตกับบรรดาสมาชิกสภาจึงหาพยานมาเบิกปรักปรำพระเยซู เพื่อจะประหารพระองค์เห แต่หาหลักฐานบะได้56ด้วยว่ามีหลายคนเป๋นพยานป๋อมเต๊กพระองค์ แต่กำของเขาบะเหมอนกั๋น57มีซางคนจุกขึ้นอู้เรื่องบะแต้ใส่ฮ้ายพระองค์ว่า58“ข้าพเจ้าได้ยินคนนี้ว่า ‘เฮาจะทำลายพระวิหารนี้ตี้แป๋งไว้ด้วยมือมนุษย์ และในสามวันจะแป๋งขึ้นแหมวิหารหนึ่ง ซึ่งบะทำด้วยมือมนุษย์เลย’ ”59แต่กำพยานของคนเหล่านั้นเองก็ยังแตกต่างบะเหมอนกั๋น60มหาปุโรหิตประจำการเลยลุกขึ้นจุกท่ามกลางตี้ชุมนุมถามพระเยซูว่า “ท่านบะแก้ตัวในข้อหาตี้พยานเขาตั้งมานี้กา”61แต่พระองค์ทรงหนิมซิ่งบะได้ตอบบะหยังสักอย่าง ท่านมหาปุโรหิตเลยถามพระองค์แหมว่า “ท่านเป๋นพระคริสต์พระบุตรของพระเจ้าผู้ควรแก่การนมัสการกา”62พระเยซูทรงตอบว่า “เฮาเป๋นและท่านตึงหลายจะได้หันบุตรมนุษย์นั่งตางขวาของผู้ทรงฤทธานุภาพและลุงมาในเมฆแห่งฟ้าสวรรค์”63ท่านมหาปุโรหิตเลยฉีกเสื้อของโต๋เก่าแล้วอู้ว่า “เฮาต้องการพยานบะหยังแหมละ64ท่านทั้งหลายได้ยินเขาอู้หมิ่นประมาทพระเจ้าแล้ว ท่านตึงหลายกึ๊ดจะใด” คนตึงหมดจึงหันพร้อมกันว่าควรจะมีโต๊ดถึงตาย65บางคนก่อถุ่มน้ำลายฮดพระองค์ ปิดหน้าพระองค์ ตีพระองค์ แล้วอู้แก่พระองค์ว่า “ทำนายก่า” และหมู่คนใช้ก็เอามือตบพระองค์66ฝ่ายเปโตรเมื่อยังอยู่ตี้ก๋างโข่งบ้านตางลุ่ม มีแม่ยิงคนหนึ่งในหมู่สาวใจ้ของท่านมหาปุโรหิตเตวมา67เมื่อหันเปโตรหิงไฟอยู่ เขาเถ่มผ่อแล้วอู้ว่า “คิงได้อยู่กับเยซูจาวนาซาเร็ธตวยเหมือนกัน”68แต่เปโตรปฏิเสธว่า “ที่สูว่านั้นเฮาบะฮู้เรื่องและไม่เข้าใจ” เปโตรเลยออกไปที่ประตูบ้าน69แหมเต่อหนึ่งสาวใจ้คนหั้นได้หันเปโตร แล้วบอกกับคนตี้จุกอยู่ตี้หั้นว่า “คนนี้แหละเป๋นหมู่เขา”70แต่เปโตรก็ปฏิเสธแหม แล้วแหมสักกำหนึ่งคนตึงหลายตี้จุกอยู่ตี้หั้นได้ว่ากับเปโตรว่า “เจ้าเป๋นคนหนึ่งในหมู่หั้นแน่ๆ ด้วยว่าเจ้าเป๋นจาวกาลิลี”71แต่เปโตรเริ่มสบถสาบานขนาดว่า “คนที่เจ้าว่าหั้นเฮาบะฮู้จัก”72ในต๋อนนั้นไก่ก็ขันเป๋นครั้งที่สอง เปโตรเลยกึดถึงกำตี้พระเยซูอู้ไว้กับเขาว่า “ก่อนไก่ขันสองเต่อ ท่านจะปฏิเสธเฮาสามเต่อ” เมื่อเปโตรกึดขึ้นได้ก่อไห้
Empower Asia Bible Translation Movement