De ieeschta Breef von Petrus1
1Petrus, Jesus Christus sien Apostel, no de Pilja, vestreit en Pontus, Galatien, Kapadozien, Asien un Bitienien, Heb 13:142Uterwälde, no Gott, däm Voda sien verhäa Weeten, derch de Heiljunk vom Jeist, toom Jehuarsom un Besprenjunk met Jesus Christus sien Bloot: Mucht Jnod un Fräd bie junt toonämen. Ree 8:293Jeloft es de Gott un Voda von ons Har Jesus Christus, dee ons wadajebuaren haft no siene groote Erboarmunk no, to eene läwendje Hopninj, derch Jesus Christus siene Opparstonunk von de Doodje, Kol 1:54to een onvewäslichet un onbesudeldet un onveschwinjendet Oafgoot, em Himmel behoolen fa junt, Kol 1:125dee jie derch Gott siene Krauft derch dän Gloowen bewoat woaren to de Radunk, dee reed es, jeopenboat to woaren en de latste Tiet. Joh 10:286Wuarenn jie junt sea freien, dee jie nu een Stootje, wan et sennen mott, truarich sent derch maunchalei Vesieekjungen; 2Kor 4:17; 1Pe 5:107daut de Proow von jun Gloowen, dee väl mea wieet es aus Golt, daut vejeit, wan uk derch Fia jeprooft, mucht jefungen woaren to Low, Iea un Harlichkjeit en Jesus Christus siene Openboarunk; Spr 17:3; Jes 48:108wäm jie nich jeseenen haben un doch leewen; aun dän jie jleewen, obzwoa jie Am nu nich seenen, frei jie junt met harliche un onutspräakjelje Freid Joh 20:29; 2Kor 5:79un erlangen daut Enj von jun Gloowen, de Radunk von june Seelen.10Äwa woone Radunk de Profeeten jesocht un jeforscht haben, dee junt von de Jnod jeprofezeit haben, Luk 10:2411endäm see forschten, opp waut ooda to woone Tiet Christus sien Jeist handied, dee en äant wia, aus Hee verhäa zeijd von Christus sien Lieden un de Harlichkjeit no daut. Ps 22:2-31; Jes 52:13-53:1212To woone daut openboat wort, daut see nich fa sikj selfst, oba fa ons dise Dinja bedeenden, dee junt nu vekjindicht sent derch dee, waut junt daut Evangelium vekjindicht haben derch dän vom Himmel jeschekjten Heiljen Jeist, wua de Enjel velangen nenn to kjikjen. Efs 3:1013Doawäajen bebinjt de Hoften von jun Senn, siet nichta un hopt gaunz opp de Jnod, dee junt jebrocht woat derch Jesus Christus siene Openboarunk. Luk 12:35-3614Aus jehuarsome Kjinja, formt junt nich no june väaje Losten en june Onweetenheit; Ree 12:215oba soo aus dee, dee junt beroopen haft, heilich es, woat uk jie heilich en junem gaunzen Waundel;16wiels daut steit jeschräwen: “Siet heilich, wiels Ekj sie heilich.” 3Mo 11:44; 19:2; 20:2617Un wan jie dän aus Voda aunroopen, dee onen de Persoon Aunseenen recht no eenem jiedren sien Woakj no, läft de Tiet von jun Waundel hia en Forcht, Ree 2:11; Flp 2:1218wiels jie weeten, daut jie wieren nich met vejenkeljet, soo aus met Selwa ooda Golt, erleest von junem nutzloosen Waundel, dän Äwarieekjten von june Vodasch, 1Kor 6:20; 7:23; 1Pe 4:319oba derch daut dieret Bloot von Christus, soo aus von een Laum onen Fäla un onen Plak, Jes 53:7; Joh 1:29; Heb 9:1420dee werkjlich verhäa uterseenen wia, ver de Welt-Gruntlajunk, oba en dise latste Tiet openboat es fa junt, Ree 16:25-2621dee jie derch Am aun Gott jleewen, dee Am von de Doodje opperwakjt haft un jeef Am Iea, daut jun Gloowen un Hopninj mucht en Gott sennen.22Wiels jie june Seelen jereinicht haben derch de Woarheit jehuarsom sennen, derch dän Jeist to de onjeforwne Broodaleew, aulsoo leeft junt unjarenaunda iernstlich ut een reinet Hoat,23aus Wadajebuarne, nich ut vewäslichem Somen, oba dän Onvewäslichen, derch Gott sien läwendjet un fa emma bliewendet Wuat.24Wiels “aulet Fleesch es soo aus Graus un aule Menschen äare Harlichkjeit, soo aus de Bloom vom Graus. Daut Graus vewalkjt un de Bloom doavon felt auf; Jak 1:10-11; Jes 40:6-825oba däm Harn sien Wuat blift fa eewich.” Dit oba es daut Wuat, daut junt vekjindicht es.
Lebenswasser