Lome4
1Abalahama e, Yuda nine nauwa. Ninimo, ene ibifea alefasia holobagalu lolu. Abalahamahe asigi ule ufulu mana amone, nini amene baaba golesubi?2Seale, Abalahama nafulu mana e mololu amofea alefasia, Godene si saabia isolu alolubiaga, amo alefasia e ene meleba kaiibaiyo. Auluso, auba aulualegulu, e Godene si saabiamo, kaiiba saeyomo lililuale.3Mau amo alefasia, Godene bugohe eweguba selelu dobu. Abalahama e Godefea asigi ule ofelesi, Godehe e isolu inoloba ami solu.4Helefealufealomo, inolo dabalu molosia, ehe ene elebemo, balu ulu kegele diloguba, dilale. Aubale. Ehe ene elebe amo sabe dilo.5Auluso, Godefealomo, inolo ulenohe mana nafulu molosia, Godene si saabiamo, aso abobolu koleba besabe. Aulugulu, ehe Godefea, “na mana nafulu mololu amone, elebe sabe memaba” saeyodoluale. Aubale. E-mo, Godefea asigi ule ofelesi, Godehe ene asigi ule ofelefe amone bisigia, inolo amo, ene wolu mololumo bisigiale, efea isolu inoloba selefe.6Deibidihe kegele ule hamagane selesia, eweguba selelubiyo. Godehe idele inolo ine mana molofe amo alefasiale, ine asigi ule ufulu amo alefasia, Ehe ili isolu moloba ofelesi, ine henelomo wasigafia alebaibu.7Deibidihe sulu eweguba selelubiyo.
Godehe ulenone heleba daalu amo, hamasia heesia galisia, ene wolu mololu amo saidafelesi, inolo amo ene henelomo wasigafia labe.8Saminilohe inolo ulenone wolu moloba yaalumo hiliseba obegebale adesi, inolo amo ene henelomo wasigafia labe.9Auba aulugulu, henelo wasigafia miliyo amomo, badoda amaleba gelelu inesula? Me badoda amaleba geleluale inedalela? Aa, henelo amo, ineda labe. Godehe Abalahamane asigi ule ufulu amone asigisia, Ehe e isolu inolo moloba ufulubamo, nahe gilifea selabia mulu.10Aulugulu, Abalahama e eneba labi, Godehe e isolu inoloba solu? Abalahama e bado amaleba gelefia labi, solula? Me bado amaleba gelebale labi, solubile? Aa, e aso bado amaleba gelebale labi, Godehe efea ga isolu inoloba solu.11Dufia, e isolu inolo labeba eloba bamesine iminisia, Godehe Abalahamane bado ami amaleba gelelu. Aulugulu, e aso bado amaleba gelebale ligia, Godefea asigi ule ufulu. Ausi, Godehe e isolu inolo moloba ufulu. Ausiamo, Abalahama e-mo, inolo bado amaleba gelebale asigi ule ufulu amo suniane enao labe. Ili Godefea asigi ule ufulu amo alefasia, Godehe ili amo isolu melesi moloba ofolo.12Aufia, Abalahama e-mo, inolo bado amaleba geleba yaalu, amodaline enao labe. Na selesumo ewe, ili bado amaleba gelefia ligia, ili ine enao Abalahamane emelalu buu kuliba abia, ilida Godefea asigi ule ofelesenaga, amo Abalahama e ine enao koleba labe. Asigima. Abalahama e aso bado amaleba gelebale ligia, asigi ule auba ufulu.13Gode alefasia, Abalahamadai, ene enauwadalidai, ilifea oloba huliale sulu saaba ofelesia, helefealu suniamo gineba daalogulu meyoba solu. Auluso, Abalahama e muguli sulu kulisi, oloba huliale sulu ewe efea saaba ufuluale. Aubale. Abalahama e Godefea asigi ule ofelefemo alefasia, Godehe e isolu inolo moloba ofasia, oloba huliale sulu ewe efea saaba ufulu.14Amo seale, inolohe muguli sulu kuliba aafe amo alefasia, ili daalo kegele ewe sabe disiabiaga, amo asigi ule ufulumone mana eleda male adesia, Godehe oloba huliale sulu saaba ufulu amoda, mololalegulu babaiye.15Muguli sulu gelesi, sabe melomo, amo kanolo. Muguli sulu malenaga, inolohe muguli sulu amo gelelale. Auluso, muguli sulu dobimo, inolohe sulu elo ufulu amo gelesi, kanolo efea holobagalo.16Auluso, idele inolo ine asigi ule ufulu amo alefasia, oloba huliale sulu saaba ufulumo dilo. Auba oloba huliale sulu saaba ufulumo, moloyobafemo, Godehe ulu kegele meyobafe. Amo saaba ofalu dobu, nini asigibu. Ausi, Abalahamane faibili suniahe, oloba huliale sulu saaba ufulu amo diyobafe. Idele inolo Mosesene sulu muguli bugoda sebumo, ili amonesuale. Aubale. Idele inolo sunia, Abalahama asigi ule ufuluguba, auba ofelefe, amone dobu. Aulugulu, e-mo nini suniane nao labe.17Amone iminisia, Godene bugo selesia, “Na alefasia, ga idele inolo mosomu wedinalene enao melesi moloba ufiyobasu”. Abalahama e Gode auba selefe amofea asigi ule ofasia, seale e mosomu wedinalene enao alolubiyo. Gode amo Ehe, danelu dobu ilimo, haiba bebea melesi moloba ofolo. Ehe sulu selesi, kegele sunia samini ufulualemo holobagagaba yaafe. Auba aulo Gode amofea, Abalahama asigi ule ufulu.18Abalahama ene e moloyodolualemo, Godehe moloba ufiyobafeba asigisia, hame diba ofogofia yasifia alolu. Godehe efea selesia, “Ge saladegelumo, sigabi alegaeyo babealuguba miliyobafeba” solubiyo. Aulugulu, Abalahama e Godefea asigi ule ofasia, hame auba diba ofogofia daaba alolune, e-mo idele inolo mosomu wedinalene enao alolu.19Abalahama ene hamu daabulubasu daabuluba miliyo hagoale adesi, ene domalamo falasia, olaeyodolugulu alolu. Aufia, e asigisia, ene eamono Selamo, ene ela molomo dolobosia, faibe misiyodoluale alolu. Auba asigiba aloluso, ene asigi ule ufulumo kiwigaafia ligia, kiwi saneluale.20Abalahama e-mo, Godehe oloba huliale sulu efea saaba ufulumo hilisefia, sigiba dubulugulu, asigi ule ufulumo afelesiale, asigi aida ufuluale. Aubale. Ene asigi ule ufulu amohe efea kiwi mesimo, e Godene wi digiba selaba alolu.21Abalahama e-mo, Godehe oloba huliale sulu saaba ufulumo, seale moloyodolu labe kolebaba hilisefiasu alolu.22Aulugulu, Godehe Abalahamane asigi ule ufulu amone bisigia, Ehe efea isolu inoloba solu.23Godehe efea isolu inoloba solu, sulu selelu amo Abalahama efeasu saaba selelu dobuale.24Aubale. Sulu amo ninifeada selefe. Maumo, nini Godefea asigi ule ofelesi, Ehe ninifeada isolu idele inoloba saeyobafe. Nine Saminilo Yesuda olaiyafia haiba degeba ifolu Gode amo Ehe, auba moloyobafe.25Godehe inolo ili Yesu waagi dumesi fogo mefia gadefalumo, nine wolu mololumo hamasia heemesifia aulu. Aufia, Godehe E-mo haiba degeba ifolumo, Ehe ninimo isolu melesi moloba ufiyofia aulu.
Godehe ulenone heleba daalu amo, hamasia heesia galisia, ene wolu mololu amo saidafelesi, inolo amo ene henelomo wasigafia labe.8Saminilohe inolo ulenone wolu moloba yaalumo hiliseba obegebale adesi, inolo amo ene henelomo wasigafia labe.9Auba aulugulu, henelo wasigafia miliyo amomo, badoda amaleba gelelu inesula? Me badoda amaleba geleluale inedalela? Aa, henelo amo, ineda labe. Godehe Abalahamane asigi ule ufulu amone asigisia, Ehe e isolu inolo moloba ufulubamo, nahe gilifea selabia mulu.10Aulugulu, Abalahama e eneba labi, Godehe e isolu inoloba solu? Abalahama e bado amaleba gelefia labi, solula? Me bado amaleba gelebale labi, solubile? Aa, e aso bado amaleba gelebale labi, Godehe efea ga isolu inoloba solu.11Dufia, e isolu inolo labeba eloba bamesine iminisia, Godehe Abalahamane bado ami amaleba gelelu. Aulugulu, e aso bado amaleba gelebale ligia, Godefea asigi ule ufulu. Ausi, Godehe e isolu inolo moloba ufulu. Ausiamo, Abalahama e-mo, inolo bado amaleba gelebale asigi ule ufulu amo suniane enao labe. Ili Godefea asigi ule ufulu amo alefasia, Godehe ili amo isolu melesi moloba ofolo.12Aufia, Abalahama e-mo, inolo bado amaleba geleba yaalu, amodaline enao labe. Na selesumo ewe, ili bado amaleba gelefia ligia, ili ine enao Abalahamane emelalu buu kuliba abia, ilida Godefea asigi ule ofelesenaga, amo Abalahama e ine enao koleba labe. Asigima. Abalahama e aso bado amaleba gelebale ligia, asigi ule auba ufulu.13Gode alefasia, Abalahamadai, ene enauwadalidai, ilifea oloba huliale sulu saaba ofelesia, helefealu suniamo gineba daalogulu meyoba solu. Auluso, Abalahama e muguli sulu kulisi, oloba huliale sulu ewe efea saaba ufuluale. Aubale. Abalahama e Godefea asigi ule ofelefemo alefasia, Godehe e isolu inolo moloba ofasia, oloba huliale sulu ewe efea saaba ufulu.14Amo seale, inolohe muguli sulu kuliba aafe amo alefasia, ili daalo kegele ewe sabe disiabiaga, amo asigi ule ufulumone mana eleda male adesia, Godehe oloba huliale sulu saaba ufulu amoda, mololalegulu babaiye.15Muguli sulu gelesi, sabe melomo, amo kanolo. Muguli sulu malenaga, inolohe muguli sulu amo gelelale. Auluso, muguli sulu dobimo, inolohe sulu elo ufulu amo gelesi, kanolo efea holobagalo.16Auluso, idele inolo ine asigi ule ufulu amo alefasia, oloba huliale sulu saaba ufulumo dilo. Auba oloba huliale sulu saaba ufulumo, moloyobafemo, Godehe ulu kegele meyobafe. Amo saaba ofalu dobu, nini asigibu. Ausi, Abalahamane faibili suniahe, oloba huliale sulu saaba ufulu amo diyobafe. Idele inolo Mosesene sulu muguli bugoda sebumo, ili amonesuale. Aubale. Idele inolo sunia, Abalahama asigi ule ufuluguba, auba ofelefe, amone dobu. Aulugulu, e-mo nini suniane nao labe.17Amone iminisia, Godene bugo selesia, “Na alefasia, ga idele inolo mosomu wedinalene enao melesi moloba ufiyobasu”. Abalahama e Gode auba selefe amofea asigi ule ofasia, seale e mosomu wedinalene enao alolubiyo. Gode amo Ehe, danelu dobu ilimo, haiba bebea melesi moloba ofolo. Ehe sulu selesi, kegele sunia samini ufulualemo holobagagaba yaafe. Auba aulo Gode amofea, Abalahama asigi ule ufulu.18Abalahama ene e moloyodolualemo, Godehe moloba ufiyobafeba asigisia, hame diba ofogofia yasifia alolu. Godehe efea selesia, “Ge saladegelumo, sigabi alegaeyo babealuguba miliyobafeba” solubiyo. Aulugulu, Abalahama e Godefea asigi ule ofasia, hame auba diba ofogofia daaba alolune, e-mo idele inolo mosomu wedinalene enao alolu.19Abalahama ene hamu daabulubasu daabuluba miliyo hagoale adesi, ene domalamo falasia, olaeyodolugulu alolu. Aufia, e asigisia, ene eamono Selamo, ene ela molomo dolobosia, faibe misiyodoluale alolu. Auba asigiba aloluso, ene asigi ule ufulumo kiwigaafia ligia, kiwi saneluale.20Abalahama e-mo, Godehe oloba huliale sulu efea saaba ufulumo hilisefia, sigiba dubulugulu, asigi ule ufulumo afelesiale, asigi aida ufuluale. Aubale. Ene asigi ule ufulu amohe efea kiwi mesimo, e Godene wi digiba selaba alolu.21Abalahama e-mo, Godehe oloba huliale sulu saaba ufulumo, seale moloyodolu labe kolebaba hilisefiasu alolu.22Aulugulu, Godehe Abalahamane asigi ule ufulu amone bisigia, Ehe efea isolu inoloba solu.23Godehe efea isolu inoloba solu, sulu selelu amo Abalahama efeasu saaba selelu dobuale.24Aubale. Sulu amo ninifeada selefe. Maumo, nini Godefea asigi ule ofelesi, Ehe ninifeada isolu idele inoloba saeyobafe. Nine Saminilo Yesuda olaiyafia haiba degeba ifolu Gode amo Ehe, auba moloyobafe.25Godehe inolo ili Yesu waagi dumesi fogo mefia gadefalumo, nine wolu mololumo hamasia heemesifia aulu. Aufia, Godehe E-mo haiba degeba ifolumo, Ehe ninimo isolu melesi moloba ufiyofia aulu.
Wycliffe Bible Translators, Inc.