Matthew28
1Mông hư̆n, ta kơi nar Sa-ƀat, mông lôh nar năng tal muôi mŏng pŏh jai trôh, Ma-ri Ma-đơ-len jêh iên ju nau Ma-ri dơ dêh sak siêp môč.2Dlăng tŏ, mau pơp nggăr teh ram ĕh trôh, bơ yơng ju nau nêh myang Yang di, jai jêh jư̆r băh trôk jêh iên sak mơñ, jêh lơng bôk mau jêh hư̆n gŭk tŏng iên.3Mông hư̆n, săk jăn nêh hư̆n ndrơm klăh di ƀlip lơp, bơ ao nêh hư̆n di buôk klăh pliêr.4Kơt iên, yơng băh pơp đhir ngit băh nêh myang hư̆n, băl ka han gak ĕh ndrăt jêh iên ñjêng klăh nêh khư̆t.5Ƀê̆ dăh jai pŏk dơk, nêh myang ngơi ta băl u ur: “Pu e man bhŭng, bơ yơng ăñ gư̆t ru pu e juôi Yê-su, Mtao jêh nai pŏng đĭn.6Khua Yang so hôm gŭk ta o ƀă, bơ yơng Khua Yang jêh dơi dŏk brêh ru, geh trip ta pơp jêh Khua Yang ngơi. Sak ta o gơñ, ăn ksiêm dlăng tŭk jêh Khua Yang bê̆.7Jêh iên jai jêh mhăč mhôr sak truông, ăn têh sơm ta băl ƀing kna Yang klăh iêu: ‘Khua Yang jêh dŏk brêh băh tŭk khư̆t. Jêh iên dlăng tŏ, Khua Yang jai sak luôr ta pu me trôh Ga-li-lê. Ta iên, pu me jrăng tuôm Khua Yang.’ Dlăng ho, ăñ jêh têh ta pu e ru hư̆n.”8Jêh iên mông mhăč mhôr du băh tu môč ta pơp bhŭng wăt pơp čhô̆ brơn ram ngăn, hên tuôt dhul no di sak têh sơm ta băl ƀing kna Khua Yang.9Dlăng ho, Yang Yê-su tŏng tuôm hên, jêh iên ngơi: “Đăp nang ta pu e!” Jêh hư̆n jai jêh sak mơñ, hên ut jŏng Khua Yang jêh iên kôh mpŭ Khua Yang.10Jêh hư̆n, Yang Yê-su ngơi ta hên: “Man bhŭng. Ăn sak, têh sơm ta băl ŏh mi ăñ ji no di hên dơi sak truông trôh Ga-li-lê, jêh hư̆n ta iên, hên jrăng tuôm ăñ.”11Mông hư̆n, jăng jai hên sak truông, dlăng ho, ƀơ ƀă nêh mŏng băl ka han gak, jai jêh mư̆t mŏng uôn ram, hên têh sơm ta băl khua mhŏ yang ram lĕ mơt bruă jêh trôh hư̆n.12Jêh hư̆n jai jêh tŏng ƀư̆n ju băk ta băl khua u rañ, jêh iên hên tŏng trông čhai ru, hên ăn ta băl ka han ŏk prăk kăk,13hên ngơi klăh iêu: “Ăn ngơi: ‘Jai trôh mông mơ măng, băl ƀing kna kăn di sak tlĕ săk khư̆t kăn mŏng mông băl hi jai bê̆.’14Jêh iên ndă di bruă ho pĕh ta tôr khua ram, băl hi jrăng lơ lang ta kăn jêh iên mgang pu me tlĕh băh pơp dlĕh.”15Hư̆n yơh, jai jêh dơn prăk, băl hư̆n mhŏ trip klăh di pơp jêh tơ tă. Bruă ho dơi pĕh hing tar ƀar mŏng mbar uôn lan Yo Thaĭ, tăl trôh ta nar o ya.16Mông hư̆n, măt muôi nau ƀing kna jêh hên trôh ta Ga-li-lê, trôh ta dôn yôk jêh Yang Yê-su tơ to ta hên.17Jêh iên jai jêh tuôm Khua Yang, hên kôh mpŭ Khua Yang, ƀê̆ dăh mau ƀơ ƀă nêh hôm đing.18Jai jêh sak mơñ, Yang Yê-su tŏng ngơi ta hên, klăh iêu: “Lĕ mơt pơp dơi tŏng trôk jêh iên mŏng teh jêh dơi jao ta ăñ.19Hư̆n yơh, jai sak, ăn pu me lăm ñjêng ƀing kna lĕ mơt uôn lan, ăn mhŏ ƀap-tem ta hên mŏng năn Bap, Kuôn jêh iên Yang Ngăt Găl;20tơ ti lăh hên no di hên ñôt gưt grăp pơp jêh ăñ tơ tă ta pu me. Jêh iên dlăng ho, ăñ gŭk băk pu me grăp nar tăl trôh tôč dư̆t.”
FAR EAST BROADCASTING COMPANY