Рим11
1Тыгеже йодам: але Юмо шке калыкшым кудалтен? Уке! Мый шкежат Израиль калык гыч‚ Авраам тукым гыч, Вениамин йыжыҥ гыч улам.2Ончылгоч пален налме калыкшым Юмо кудалтен огыл. Илия нерген Возымаш мом ойла але те огыда пале? Тудо Юмын ончылно Израильым тыге титакла:3«Господь‚ пророк-влакетым нуно пуштыныт‚ жертвенник-влакетым шалатеныт‚ мый шкет кодынам‚ мыйынат чонем налаш шонат». 4Мом вара Юмо тудлан вашештен? «Ваал ончылно сукен шичдыме шым тӱжем еҥым Мый Шкаланем арален коденам». 5Тыге кызытсе жапыштат Юмо шке порылыкшо дене палемдыме наре еҥым ойырен налын.6Тидыже Юмын порылыкшо дене лийын гын‚ тыгеже айдемын пашаж дене лийын огыл. Уке гын‚ Юмын порылыкшо чын порылык ок лий ыле. А ойырен налмаш айдемын пашажлан кӧра гын‚ тидыже порылык огыл; уке гын‚ паша – паша огыл.7Тугеже, Израиль кушко тыршен‚ тушко шуын огыл‚ ойырен налме-влак веле шуыныт. Молыштын шӱмышт кӱэмалтын‚8возымо семын«Юмо нунылан шиждымашлык шӱлышым пуэн‚тачысе кече мартеат шинчашт огеш уж‚пылышышт ок кол». 9Давидат ойла:«Тек кочмаш-йӱмашышт нунылан оптыш, вапш лиеш,тек шӱртньымӧ кӱш савырна‚ мут кучымашке конда,10тек шинчашт, вудакаҥын, сокыр лиешда тупышт курымешлан пӱгырна». 11Тыгеже йодам: але иудей-влак кынел керташ лийдымын шӱртненыт? Уке! Нуно кӧранаш тӱҥалышт манын, шӱртньымышт вес калык-влаклан утаралташ йӧным пуа.12Нунын камвочмышт тӱнялан поянлык да йорлештмышт вес калык-влаклан поянлык гын‚ тугеже нунын тичмашлыкышт кунар кугурак поянлыкым конда!13Тыланда‚ вес калык гыч улшо-влак‚ ойлем: мый вес калык-влакын Апостолышт улам гын, шке служитлыме пашамым чапландарем,14вет лийын кертеш, шке калыкемын еҥже-влакым кӧранаш таратен кертам да икмынярыштым утарен кодем.15Иудей-влакым кораҥдымаш тӱня ден Юмо коклаште сӧрасымашым ыштен гын‚ нуным мӧҥгеш налмашыже колымаш гыч ылыжмаш огыл мо?16У руаш святитлыме гын‚ уло руашат святой. Вож святой гын‚ укш-влакат святой улыт.17Олив пушеҥгын южо укшыжо тодылмо улыт, а тый‚ ир оливын укшыжо‚ тудын укш коклашкыже ушымо лийынат да вожшо ден вӱдшӧ дене пайдаланет гын‚18шкендым моло укш деч кӱшкӧ ит шынде. Шкендым кӱшкӧ нӧлтет гын‚ шарне: тый огыл вожым нумалат‚ а вож тыйым нумалеш.19Тый ойлет: «Мыйым ушаш манын, укш-влакым тодылыныт».20Йӧра‚ нуным ӱшаныдыме улмыштлан тодыл налыныт‚ а тый ӱшаныметлан кӧра верыштет улат. Но тидын дене ит кугешне‚ а лӱд.21Вет Юмо пушеҥгын шочмо укшыжым арален коден огыл гын‚ ала тыйымат арален ок кодо.22Тыгеже‚ Юмын порылыкшым да пеҥгыдылыкшым уж: шӱртнен кораҥше-влаклан – пеҥгыдылык‚ а Юмын порылыкшым кучен илет гын‚ тыланет порылык, уке гын, тыйымат руал шуат.23Но иудей-влак ӱшаныдымыштым чарнат гын, пушеҥгыш ушымо лийыт‚ вет нуным мӧҥгеш ушаш Юмын куатше уло.24Шочмо ир олив пушеҥгет гыч тыйым пӱчкын ойырымо да пакчаш куштымо пушеҥгыш ушымо гын‚ нине укшым шочмо олив пушеҥгышкышт ушаш эшеат йӧнанрак.25Иза-шольо-влак‚ те шке ушда дене ида кугешне манын‚ тендам тиде тайне шотышто палыдымым ынем кодо: Юмын Кугыжанышыш вес калык еҥ-влак кокла гыч тичмаш чот пурымешке, Израиль калыкын икмыняр ужашыжын шӱмжӧ кӱэмалтше лиеш.26Тыгеже уло Израиль утаралтеш. Тыге возымо:«Сион гыч Эрыкыш лукшо толешда Юмым пагалыдымашым Иаковын тукымжо деч кораҥда.27Кунам Мый языкыштым кораҥдем‚нунын дене тиде ойпидышым ыштем». 28Поро Увер шотышто иудей-влак тыланда кӧра Юмын тушманже улыт‚ но Тудын ойырен налмыж шотышто нуно шке ачаштлан кӧра Юмын йӧратымыже улыт.29Юмын пӧлекше-влак да ӱжмашыже вашталташ лийдыме улыт.30Ондакше те Юмым колыштын огыдал‚ а ынде нунын мут колыштдымо улмыштлан верчын Юмо тендам чаманен.31Шкештат чаманыме лийышт манын, Юмын тендам чаманымыжлан кӧра нунат тидын семынак кызыт мут колыштдымо лийыныт.32Вет чыла еҥым чаманаш манын‚ Юмо чыла еҥым мут колыштдымашке петырен шынден.33Юмын поянлыкше, уш-акылже да шинчымашыже мучашдыме! Тудын судшо тергаш лийдыме‚ Тудын корныжо шымлаш лийдыме!34«Кӧ Господьын кӧргӧ шонымыжым пала?Кӧ Тудлан каҥаш пуышо лийын?» 35Юмо пӧртылтыжӧ манын‚кӧ Тудлан ончылгоч пуэн?36Вет чылажат Тудын деч‚ Тудын гоч да Тудлан. Тудлан курым-курымеш чап лийже! Аминь.
Institute for Bible Translation, Finland