Ам9
1Мый жертвенник воктене шогышо Господьым ужынам, да Тудо каласен:«Колонно вуйым пере,тек капка меҥге-влак чытырнат,тек нуно чылаштын вуй ӱмбакышт сӱмырлат!Кӧ илыше кодеш, тудым керде дене пытарем:нигӧ куржын ок утло,нигӧ огеш утаралт.2Кеч вес тӱняшке корным кӱнчышт,кидем нуным тушечынат луктеш,кеч кавашке кӱзышт,нуным тушечынат сӱмырен шуэм.3Кеч Кармил вуеш шылын шинчышт,туштат нуным кычал муам да пӱтырен кучем,Мый дечем кеч теҥыз пундашке шылышт,туштат нуным теҥыз кишкылан чӱҥгалаш кӱштем.4Тушман-влак нуным пленыш наҥгаят гын,туштат кердылан пытараш кӱштем.Ончалтышем Мый нунын ӱмбак савырем –сайлан огыл, а осаллан».5Господь, Саваоф Юмо, мланде дек тӱкна –тудыжо чытырна, тушто илыше-влак шорташ тӱҥалыт.Тунам пӱтынь мланде ташлыше Нил семын нӧлталтеш,Египетысе эҥер семын пуча.6Каваште Тудо шке илыме вержым ыштен,мланде ӱмбалне тудын негызшым пеҥгыдемден.Тудо теҥызысе вӱдым ӱжын кондада мланде мучко йоктарен колта.Тудын лӱмжӧ – Господь!7«Израиль эрге-влак, те МыланемЭфиопийын эргышт гай огыдал мо? –ойла Господь. –Мый огыл мо Израильым Египет гыч,филистим-влакым Кафтор гыч,арамей-шамычым Кир гыч луктынам?8Господь Юмын шинчаончалтышыжесулыкан кугыжаныш ӱмбаке савырыме.Мый тудым мландымбач ӱштыл кудалтем,но Иаков тукымым пӱтынек ом пытаре, – ойла Господь. –9Мыйын кӱштымем почешИзраиль чыла калык коклашке шалатыме лиеш,ложашым шоктымо семын тудым шокте гоч колтат,ик изи кӱат мландымбак ок камвоч.10Мыйын калыкем кокла гыч сулыкан-влак керде деч пытат,нуно ойлат: ”Туткар ок тол, мемнам ок тӱкӧ”.11Тудо кечын Мый Давидын сӱмырлышӧ омашыжым нӧлталам,чыла шелшым тӧрлем,шалатымым олмыктем,акрет годсо гайым ыштем.12Нуно Едом деч мо кодшыж дене вуйлаташ тӱҥалыт,Мыйын манын лӱмдымӧ чыла калык коклаште оза лийыт, –чыла тидым ыштыше Господь тыге ойла.13Теве кече-влак толыт, – ойла Господь, –кунам тӱредше деч вара вигак куралше лектеш,а ӱдышӧ еҥым виноградым темдыше поктен шуэш.Виноград вӱд курыкла гыч чыпчаш,чыла кӱкшака гыч йогаш тӱҥалеш.14Израиль калыкем Мый плен гыч пӧртылтем,нуно пустаҥше ола-влакым угыч нӧлталытда тушто илаш тӱҥалыт.Виноград аҥа-влакым шындат,нунын деч налме йошкар аракам йӱыт,сад-пакчам шукемдат,нунын саскаштым кочкыт.15Мый калыкемын вожшым шке мландыштышт пеҥгыдемдем,Мыйын пуымо мландем гыч нунотетла куклен шуымо огыт лий», –ойла Господь, тыйын Юмет.
Institute for Bible Translation, Finland