Exod38
1aḏ yeggi mkan n teγrest seg isγaren n ssenṭ, seṭeḥtis timrebbeƹt ṭṭulis aḏ lƹerḍis 5 d leḏruƹ aḏ lƹulwis 3 d leḏruƹ.2aḏ yeggas leqruwn lṣeqqen g treknis seg aydin n isγaren aḏ iγelfy s nḥas.3aḏ seg nḥas yeggas reγeltis lkul, ibunyen y ulayem n iγeḍ aḏ tγenjeyin y uƹebbi n iγeḍ aḏ timeƹejnin aḏ uzzelaṯ y umukes n yessum aḏ timejemrin.4aḏ yeggas rredj n nḥas, yeggi adug lḥacit s dday g zegnis.5aḏ yeggi af leḍrfis 4 n tḥelqeṯin n nḥas bac adesen disneṯ igeḍman,6lliy yeggin seg isγaren n ssenṭ aḏ iγelfin s nḥas.7aḏ yseḏef aydin sen igeḍman g tḥelqeṯin bac aqamen sisen mkan n teγrest. yusi ayuh n mkan n teγrest d lferγ g amas aḏ yemmug seg isγaren.8aḏ yeggi fedja n uzizdi aḏ tqeƹetis seg nḥas. yeggi beƹd mag ysezzel tisiṯin n nḥas lliy uγentend tiseḏnan. aḏ nihintin bbedneṯ zzaṯ imi n lƹecceṯ n umlaqi bac aƹewenneṯ.9aḏ yeggi beṣleyil stareṯ seg ustu n tefduxt, ṭṭulesen 100t n dereƹ bac atensunden af amas n lḥuc seg ljiheṯ teqeblit.1020 d tireslin abeddeneṯ af 20 d tiqeƹeṯin n nḥas aḏ disen lemxeṭef aḏ uzzelaṯ n lfejreṯ.11am idin yeggi g ljiheṯ tebeḥrit, stareṯ n 100t n dereƹ af 20 tireslin aḏ 20 tiqeƹeḏin seg nḥas. amma lemxeṭef aḏ uzzelaṯ seg lfejreṯ.12amma ljiheṯ teγerbit yusi ṭṭul n stereṯis 50 d leḏruƹ ƹelqen af 10 n tireslin aḏ 10 n tiqeƹeṯin. aḏ lemxeṭefsen aḏ uzzelaṯsen d lfejreṯ.13am idin ṭṭul n stareṯ n ljiheṯ tecerqit wsiyn 50 d ḏreƹaṯ.14aḏ yusi ṭṭul n stareṯ af lqibelt n imi n amas lḥuc 15 d dereƹ. aḏ ƹelqen af 3 n tireslin s 3 n tqeƹeḏin.15aḏ am idin wsiyn stareṯ af ljiheṯ tebeḥrit n imi. ṭṭulesen 15 n dereƹ. aḏ ƹelqen af 3 n tireslin s 3 n tqeƹeṯin.16aḏ wsiyn stareṯ lliy nnaḍḍen af amas lḥuc lkul seg ustu n tefduxt teṣbiḥet.17aḏ yeggi tiqeƹeṯin n tireslin lkul seg nḥas aḏ lemxeṭfesneṯ aḏ uzzelaṯsneṯ seg lfejreṯ. aḏ ixfewen n tireslin lkul d lfejreṯ. aḏ usineṯ tireslin ṭṭefneṯ g beƹeḍhum s uzzelaṯ n lfejreṯ.18aḏ yusi lƹerḍ n star n imi n amas lḥuc 20 d leḏruƹ aḏ lƹulwis 5 ḏruƹ am leƹlu n stareṯ n amas lḥuc lkul. aḏ ggent seg ulman d izizewen aḏ d iḥberiyen aḏ d izuggaγen aḏ ustu n tefduxt.19aḏ yusi iƹelleq af lemxeṭef n lfejreṯ g 4 tireslin n lfejreṯ aḏ tiqeƹeṯinesneṯ d nḥas. aḏ wsiyn ixfewen n tireslin aḏ uzzeleṯesneṯ seg lfejreṯ.20amma ṭwelaṯ n lƹecceṯ aḏ amas lḥuc lliy yenneḍ siyes wsiyn d nḥas.21qa ayuh d leqyesaṯ n iḥejeyen lliy ƹuddenten ilawiyyen mammeḵ yuwa muwsa y iṯamer memmis n haruwn lkahen bac ateneggen g lebni n umeqdus lliy diyes luwṣayaṯ.22aḏ yusi beṣleyil memmis n uwriy aḏ memmis n memmis n ḥuwr seg leƹcirṯ n yehuwḏa d netta lliy yeggi mag yuwa lliy diyma yella y muwsa lkul.23aḏ yusi yetƹawen diyes ahuwlyab memmis n xiysamak seg leƹcireṯ n dan lliy yusi d lfeleḥ g iγγaz aḏ g rcam n tṣawer aḏ g ṭrizeṯ s ulman d izizewen aḏ d iḥberiyen aḏ d izuggaγen af ustu n tefduxt.24aḏ yusi almiyzan lkul n wureγ lliy derejḥent midden zzaṯ rebbiy d ṣṣedqeṯ bac ggen siyes lebni n umeqdus 29 d lweznaṯ aḏ 730 n ceqlaṯ afelḥesab n almiyzan n ccaqel meqdus, yeƹni 1053 kilu.25amma almiyzan n lfejreṯ lliy ḏfeƹenteṯ midden d tekuffert n tkerminesen mniyn ƹuddenten tusi 100 d lweznaṯ aḏ 1,775 d ceqlaṯ afelḥesab n almiyzan n ccaqel meqdus, yeƹni 3,621 kilu.26d lwajeb, kul yjen yuṣel 20 d isuggasen naγ iṭer yuca zgen n ceqel afelḥesab n almiyzan n ccaqel meqdus. aḏ wsiyn lliy mƹudden 603,550 d irgazen.27aḏ yusi almiyzan n lfejreṯ lliy ggenteṯ g nγal n tqeƹeṯin n umequs aḏ tqeƹeṯin n tireslin n stereṯis 100 d lweznaṯ, yeƹni 3,600 d lkiluwaṯ, yeƹni lweznaṯ ijeṯ y kul teqeƹet, teqrib 36 kilu.28amma lliy yefdelled seg lfejreṯ lliy netta 1,775 d ceqlaṯ, yeƹni 21 kilu. ggen siyes lemxeṭef aḏ uzzelaṯ aḏ ixfawen n tireslin.29aḏ yusi almiyzan n nḥas lliy derejḥent midden d ṣṣedqeṯ zzaṯ rebbiy 70 d lweznaṯ aḏ 2,400 d ceqlaṯ, yeƹni 2,549 kilu.30aḏ siyes yenγel tiqeƹeṯin n imi n lƹecceṯ n umlaqi aḏ mkan n teγrest aḏ rredjis aḏ reγeltis lkul.31aḏ tqeƹeṯin n amas lḥuc lliy yenneḍ af lƹecceṯ aḏ tqeƹeṯin n imis aḏ ṭwelaṯ n lƹecceṯ aḏ ṭwelaṯ n amas lḥuc lliy yenneḍ siyes.
Chutney Media Agency Limited