Esra10
Uyaara Idiọọkñkpọ Mbon Awo
1Ke idaha Esra akesʌkkọ abọñ akam, akpe ubọk ayaara idiọọkñkpọ, atua anyʌñ atọọñ idem ke isọñ ke iso ufọk Abasi, ekandịk atu nditọ Isrel, ideen, ibaan ye ntəkayịn emaedisoobo ekanna anye ekʌk. Ammọ ñko emaetua idod-idod ayịd eti-eti.2Ndin Sekanaiya ayịn Yehiel, keed ke atu nditọ Elam, amaabo Esra ate, “Ñnyịn imidue inyʌññọ inam akpanikọ ye Abasi ñnyịn ke adidọ mme isen ibaan ito mme ñkanñkʌk abio ami. Ado, akpesʌkado abaaha ntom, idodanyen aba anọ Isrel.3Yak ñnyịn inam edioomo ke iso Abasi ñnyịn adibịne afịd ibaan ami ye nditọ ammọ nsio, nte asañake ke item abọọñ mmi ye mbon se inịm mme mbed Abasi ñnyịn. Yak enam ami ekeene Mbed.4Dakka da; sia ñkpọ ami asịne ke ubọk mfo. Ñnyịn iyaida ye afo, ndin kop uko nyʌñ nam ami.”5Do ndin, Esra amaadakka ada anyʌñ anam mme aku se ido mme adaiwuod ye mbon Lifai ye afịd mbon Isrel enwọñọ ke iyainam se eketañ ami. Ñko ammọ emaedat unwọñọ ado.6Akema Esra amaawuọ akpọñ ufọk Abasi anyʌñ akaa ubeed Yehohanan, ayịn Eliasịb. Idaha a-anye akebaaha do, anye ikidiaha ndidia inyʌññọ inwọñ mmọọñ, ado amaakaa iso afʌhọ abaña ukwaññkpọ mbon e-ekebịneke esio ke abio.7Emaenọ uyio ke afịd Yuda ye Yeruselem ebo yak afịd mbon se ekebịne esio ke abio edisoobo ke Yeruselem.8Akena edia awo akeedodo atreke adiwuọ ndi ke ufañ usen ita isob ke adibọi anye afịd inie se anye anie, enyʌñ ebịne awo ado esio kpa ke atu mme esob mbon se ekebịne esịññe ke abio, akeene ubiere mme adaaha ye mme ñkpisọñ Isrel.9Ke ufañ usen ita, afịd mme ideen Yuda ye Benyamin emaediboho ke itie keed ke Yeruselem. Ndin ke ayọhọ usen edịb ke afiọñ usʌkkeed, afịd awo emaebono do ke anwa ke iso ufọk Abasi, eba ke ayeemensia ke ntak ñkpọ ami ye ke ntak edịm.10Akema aku Esra amaadakka ada anyʌñ adọkkọ ammọ ate, “Ndufo emenam idiọọk ido; ndufo emedọi isen ibaan, enam ndudue Isrel atọt.11Idahami ndufo ikpono Abọọñ, Abasi mme eteete ndufo, inyʌñ inam uduak amọ. Idiañña idem ndufo ikpọñ mbon e-edʌññọ ikanna ndufo ye mme isen ibaan ndọ ndufo.”12Afịd atu esob emaebọọrọ ke akpọsọñ uyio, ete: “Afo amenen! Ana ñnyịn inam naña afo atañ.13Ado mbon awo mi enekke ewak, ñko ukwọedịm ado ami; ke ntoro ñnyịn idiikanna ida ke esiin. Ke abeeghe ado, ñkpọ ami idooho ñkpọ usen keed me iba, sia ñnyịn iminekke idue ke ñkpọ ami.14Yak mme adaaha ñnyịn eda ke iwuod afịd esob. Ndin yak afịd awo ke mme abio ñnyịn e-edọọhọ awonwaan asenidịd ewuọ edi ke ini e-enịmme, esaña ye mme ñkpisọñ ye mme abiideikpe ke mme abio keedekeed, tutu ufiob iyadesịd Abasi ñnyịn ke ñkpọ ami awọññọ ikpọñ ñnyịn.”15Yọnatan ayịn Asahel ye Yaseiya ayịn Tikfa, ye Mesulam ye Sabetai awo Lifai, ekedo ukweeñe mbon se ikifaaña ikọ ami ye ammọ ñko.16Ndin mbon ekebịneke esịññe ke abio emaenam ukem se ekebiere ami. Aku Esra amaasio mme awo e-ekedoññoke mme adaiwuod ke mme ubon, keed kwa ikpeghe ufọk, afịd ammọ ke anyịñ ke anyịñ. Ammọ emaebono akpa usen ke afiọñ duob eduuñọ mme ñkpọ ami,17ndin ke akpa usen ke akpa afiọñ ammọ emaema adise ñkpọ mbaña afịd mme ideen se ikidọi mme isen ibaan.Mbon se Ikidue ke Adidọ Isen Ibaan
18Ke ufọọd mme nditọ mme aku, mbon ami ekedọi ibaan asenidịd: Ke atu mbon Yọsua ayịn Yosadak, ye mme nditọeka ideen amọ: Maaseiya, Eliesa, Yarịb ye Kedalia.19(Afịd ammọ emaesọọñọ ubọk ammọ ke ubiọñ ebo ke mmimọ iyaibiiñe isen ibaan ndọ mmimọ, ndin ke ndudue ammọ, ammọ keedekeed emaenọ akukịmedọñ ato ke ufene nte uwa ndudue.)20Ke atu ubon Imma: Hanani ye Sebadaiya.21Ke atu ubon Harim: Maaseiya, Elaiya, Semaiya, Yehiel ye Usaiya.22Ke atu ubon Pasọ: Elioenai, Maaseiya, Ismeel, Netanel, Yoosabad ye Eleasa.23Ke atu mme Lifai: Yoosabad, Simei, Kelaiya (a-adooho Kelita), Petahia, Yuda ye Eliesa.24Ke atu mbon ikwọ: Eliasịb. Ke atu mme akpeme inuaatob: Salum, Telem ye Uri.25Ke atu nditọ Isrel mbon ako: Ke atu mme ubon Paros: Ramia, Isia, Malkiya, Miyamịn, Eliasa, Makiya ye Benaiya.26Ke atu mme ubon Elam: Matania, Sakaraiya, Yehiel, Abdi, Yeremọd ye Elaiya.27Ke atu mme ubon Satu: Elioenai, Eliasịb, Matania, Yeremọd, Sabad ye Asisa.28Ke atu mme ubon Bebai: Yehohanan, Hananaiya, Sebai ye Atalai.29Ke atu mme ubon Bani: Mesulam, Maluk, Adaiya, Yasub, Siel ye Yeremọd.30Ke atu mme ubon Pahad-Moab: Adna, Kelal, Benaiya, Maaseiya, Matania, Besalel, Binui ye Manase.31Ke atu mme ubon Harim: Eliesa, Isiya, Malkiya, Semaiya, Simiọn,32Benyamin, Maluk ye Semaria.33Ke atu mme ubon Hasum: Matenai, Matata, Sabad, Elifeled, Yeremai, Manase ye Simei.34Ke atu mme ubon Bani: Maadai, Amram, Uwel,35Benaiya, Bedia, Keluhi,36Fania, Meremọd, Eliasịb,37Matania, Matenai ye Yaasu.38Ke atu ubon Binui: Simei,39Selemia, Natan, Adaiya,40Maknadebai, Sasai, Sarai,41Asarel, Selemia, Semaria,42Salum, Amaria ye Yosef.43Ke atu ubon Nebo: Yeiyel, Matitia, Sabad, Sebina, Yadai, Yuel ye Benaiya.44Afịd mbon ami emaedọi isen ibaan, ubaak ammọ ñko emaebon nditọ eto mme ibaan ndọ ami.Biblica, Inc.