Udiana Ñwed Krọnikịd19
1Ke ini Yehosafad adidem Yuda amaaketịmme anyọñ ke akwere amọ ke Yeruselem ke ifuuro,2Yehu akịdñkukịd, ayịn Hanani, amaawuọ akaa akesoobo ye anye anyʌñ abo adidem Yehosafad, “Nte ana afo anwam mbon ibak anyʌñ ama mbon e-esuaha Abọọñ? Ke ntak ami, iyadesịd Abọọñ u-udoro fiin ke idem.3Ado naña ado ado, afo amenie usʌk nti ñkpọ, sia afo amaasịññe mme abai Asera afep ke isọñ anyʌñ asịn esịd mfo ke adiyem Abasi.”
Yehosafad Amek Mme Abiideikpe
4Yehosafad amaadʌñ ke Yeruselem, anyʌñ atịmme ase awuọ asaaña ke atu mme awo tọọñọ ke Beeseba tutu ke abod abio Ifrem anyʌñ amaana awọññọ ammọ anọ Abọọñ, Abasi mme eteete ammọ.5Anye amaamek mme abiideikpe anịm ke isọñ, ke mme abio ndibene keedekeed ke Yuda.6Anye amaabo ammọ, “Inekke itịñ anyen ikere ibaña se ndufo enam, sia ndufo ikpeeghe ikpe inọ awo ado ekpe enọ Abọọñ, a-abaaha ye ndufo ke ini akeedodo andufo enọọhọ ubiere.7Ke ami eyak ndịk Abọọñ idoro ndufo. Itịñ anyen ikpe ikpe, sia ke Abọọñ Abasi ñnyịn ukwañ ikpe me unieawo mme ubọkedem ibaaha.”8Ke Yeruselem ñko, Yehosafad amaamek usʌk mme Lifai, mme aku ye mme adaiwuod ke ufọk mbon Isrel adinọ mbed Abọọñ ñnyʌñ ñkpe emem. Ndin ammọ ekedʌñ ke Yerusalem9Anye amaanọ ammọ mme ewʌhọ ami: “Ndufo ana nte enam akpanikọ ke afịd esịd ke mbaak Abọọñ.10Ke afịd ikpe a-atooho mbon ndufo e-edʌñọke ke mme abio ake ediighe ke iso ndufo me ado uduọk iyiib me ñkpọ mfen a-asịneke ke mbed, ewʌhọ, item ye mme eduuwem, ana nte ndufo edət ammọ utọñ ebo ke ammọ edue Abọọñ; imiidooho ntoro iyadesịd amọ ayaadidoro ndufo ye mbon ndufo. Inam ami, ndin ndufo idiidueghe.11“Amaria akwa aku ayaado andise ñkpọ ibaña ndufo ke ñkpọ a-abegheke Abọọñ, ndin Sebadaiya ayịn Ismeel, adadusʌñ ke esiin Yuda, ayaado andise ñkpọ ibaña ndufo ke ñkpọ akeedodo a-abegheke adidem, ndin mme Lifai eyaenam ñkpọ nte mme adaaha ke iso ndufo. Inam ñkpọ ye ikpaab esịd, ndin Abọọñ akpekap ada ye mbon e-enamma nọ afọn.”Biblica, Inc.