Atnutnu13
1Nsayii dna Antiyok ikilisiya, sheaɓəgwognayi ɓə fyi n ɓo, ɓədo n anyawuyii: Banaba, Simyiyon n a ɓə yi wo nge Niger nyi, Lushos n wo gbmi n Sireni, Manayem (əza n wo ɓə mwa n kwnusnu n Hiridusu əbegyiyi nyi) ɓədo n Soolui.2Əsa n ɓa ɓə fyi ɓai ga Dagayi mwamwa n əgbewnai, Zafnu Gyigyiyi wa gna ɓa, “Fye la Banaba n Soolui knyi zhi mi ntu tnutnu ɓo n mi la ɓa yi fyi n əkwo nyi.”3Ntulonu she ɓa ɓə kwu pwo əgbewna ɓo n aduwazhnii, ɓa kpe ɓa aɓwa jesnu ɓa gna ɓa ami.
N əsagbmanyii ɓwugye n wyegbmai ɓa yakpe n wo, wa laɓa n awyebwai, woi zna əza shni n wo ɓa shi wo əɓwa.12She gwomna ɓə gye əɓo n kwo kwu zhni nyi, waa gaiciyaga, ntuge nyawu ntu Dagayi ɓo ɓə kwu wo əwo.
“N dəye avnu, Shekwoyi wa ga ɓa awadayi kwa nya sheɓəgwognayi Samwula əsa.21Nlonu Aisrailayi ɓa nyaɓo nge a dna ɓa əsu, jesnu wa ga ɓa Soolu, Kish nugwnu, n Banyami əbyé n wo ɓə gyi əbe aye shiinyi nyi.22She a ɓə la Soolu gbmiya n əbe, waa əbe dna Dawuda. Shekwoyi ɓə la əɓo gbmi ntu əwo ɓo: ‘Mi la Dawuda ɓwa Jesse nugwnu, əza n wo zna əmi ədu shni; wo ɓa zhni ɓəhoɓəhoi n mi ncei pma wa zhni.’23“N əza ye ofye nu n Shekwoyi wo la ɓe Israila ǹ Gnyiyii, Yeisu, ngye shi wo ɓə shi əgbe nyi.24Yeisu ɓə snu n wo ɓə nyi, Yohana woi kwu waazi abwuye nya zhni ɓədo n batizimai ga aza vnyanya n Israila.25Shi Yohana ɓə gnyi woi pwo əwo tnutnuzhni ɓo, wa gna: ‘Fye zhninubwo nge mi zhni nyika nu a? Əmi nu to zhni əza n fye tuwye nyi m. Ama əza lo n wo ɓe lo n əmi avnu; əwo abwada abma, mi to kwnuce lo ma loya m.’26“Əmi azaje Ibrahim aɓyi ɓədo n fyei Abyedo Shekwoyi-adnawoi, a ɓə tnu tnutnu gnyignyi nya ye ga əyi nu.27Urishelima aza n əɓa əbegyi yii to ɓə kpe Yeisu əye m, dudulonu dna əwo knyiznu, ɓa kwu sheaɓəgwognayi aɓədagbma nu n a ba kwo n Sibyiwyi dəhodəhoi nyi.28Kwo shikwonyi ɓa to ɓə ɓwa aɓoɓwashi ba cewoi ntu əfyi owa znutu ɓo m, ɓa gna Byilatusu nge wo la wo znudu.29She ɓa ɓə kwu əɓo zhni n a ɓə ncei kakpe ntu əwo ɓo, ɓa shni wo n znudu ɓaa wo byidna n vnyigwo.30Ama Shekwoyi wa la wo kala n əfyi,31aza yi n ɓa ɓə kwnu znazna n woi, ɓai kwnu n Gəlili ɓa lo Urishelima nyi, ɓa ɓə kwu wo gyewye anyipyei n mwa bəgyé. Əɓa nu zhni aɓəkwnuyi nsaiye n əyi aza aba.32“Yi gna fye anabagyi manai: ɓəgbeshi n Shekwoyi ɓə shi əyi azakwoyi nyi,33wo kwu kwo nu ga yi n yi zhni əɓa aɓyi; she wo ɓə lá Yeisu kala n əfyi. Ngye she kwo kakpe lo n Zabwura baayi:“ ‘Ho zhni əmi nugwnu;n naiye mi la zè əho dada.’34Shekwoyi ɓə la wo laka n əfyi nabai n wo taa shna bwo m kpekpe. Ngye she Shekwoyi ncei da lo,“ ‘Mi ɓə ga fye anabəlika gyigyiyi jesnu anabəlika tashnakpma nya n mi ɓə shi Dawuda ɓəgbeshi nyi.’35Ntulonu a cei je ka dnalo n ɓwado:“ ‘Ho taa fa əza gyigyiyi wa bwo m.’36“Nsayii she Dawuda ɓə kwu Shekwoyi atnutnu ɓəmwi nu, n əwo cala, waa wnagye; a ɓə la wo byi n kwnusnu n əwo azakwoi jesnu əwo nayi ɓə la bwo.37Ama əza n Shekwoyi ɓə laka n əfyi nyi, to ɓə bwo m.38“Ntucenu əmi anugwnudo, mi ncei pma fya kwu kpe nge, dna ń Yeisu nu, n a da aleifyi zo ɓo ga fye.39Dna n əwo nu, zahozahoyi n wo ga gaiciya, n a gnyi wo ya, n leifyi dəhodəhoi; ɓogyikpmaya n fye to ɓə myi fya ɓwa ɓa dna n Mwusa owa m.40Fye zhni pəceye nabai aɓo n sheaɓəgwognayi ɓə kwu da nyi, to ɓa nu kpe n fye m:41“ ‘Əfye aɓwugyiɓədayi, fye shiawye,ce wo fye, jesnu fya kwu zhniagbma,ntuge mi ye ma zhni əɓəho nu n əfye anyipyein fye to ɓə ɓa ga kwo gaiciya m kpeekpe,kwo n əza ɓə gna, wo ɓa gna fye ce gnagna nu.’ ”42Shi Bwulus n Banabai ɓə zhi ɓai kwnu n Ayahudiyibwokwnu, aza ɓa pa ɓa nyawu n Sibyiwyii n kwo ɓé lo n abye nyi.43She a ɓə kwu bwokwnu gnami, Ayahudiyi n azai n ɓa ɓəə kwu əɓahni ga ɓai vyi Ayahudiyi kwnunu nyi, ɓa vyi Bwulus n Banabai, ɓa daɓo n ɓai jesnu ɓa gyi ɓa əwye nge ɓa gwodu fyi n shebmyashi Shekwoyi nya.44N Sibyiwyii n kwo ɓə yatu nyi, aza ɓə ɓwace fyewyi nu n əzhi vnyanya n ɓa to ɓə yezhi nabai ɓa wo Dagayi ɓədagbma m.45She Ayahudiyi ɓə gye deeji, ɓa kwu nu zhi n shewoi. Ɓa ya ɓai gnyiapaapa n əɓoi n Bwulus ɓə gnyi woi da nyi jesnu ɓa fyi wo akpmi n mwa.46Nlonu Bwulus n Banabai ɓa dna ɓa ɓəgbe n əgbei myimyii: “Kwo ɓə la zhni ɓəshishi nu ya da fye Shekwoyi ɓədagbma n kpmisnu. Shikwonyi fye la əkwo aɓəna, jesnu fye too ń bwugbadnai lo n əfyehni nge, fye kwnuce lo fya ɓwa wyewyeyi nyalonyalo nya m, nsaiye, yi ye ya pmyiawye wu Abyedo nu.47Ntuge ɓəgbetu nyi n Shekwoyi wo la ga yi:“ ‘Mi kwu fye zhni bwuznagna ntu Abyedo ɓo,nabai n fye ɓa lo n gnyignyii n anyiceshiba.’ ”48She Abyedo ɓə wo əɓo ye, ɓa dagbma jesnu ɓa ga Dagayi ɓədagbma mwamwa; jesnu aza vnyanya n a ɓə n ɓai tnu ntu wyewyeyi nyalonyalo nya ɓo, ɓa kwu gaiciyaga.49Dagayi ɓədagbma kwaa lapwi fyi n əknyisəpayi vnyanya.50Ama Ayahudiyi atukwoda ɓa fyi anyikwoza Shekwoyi-adnawoi n azanugbayii aɓoya n ɓa ɓə kwnuzhi ai kpe ɓa əye n əzhiyaakwo. Ɓa la awyesnugbegye ɓo kala tu Bwulus n Banabai, jesnu ɓaa ɓa kwnuya n əɓa əknyisəpa.51Ntulonu ɓa lu əɓa apita aɓwutukwnu ya kwaa zè ɓəkwnukwnù n əɓa aba jesnu ɓa lo Ikwoninya.52Nlonu amwutuyi ɓa kwu nu zhi n agbmadai ɓədo n Zafnu Gyigyiyii.
Kpe n Saipwurus
4Əɓa ngwnu-aba, she Zafnu Gyigyiyi ɓə kwnu ɓa fyi n zokwo, ɓa shnilo Selushiya, ɓa kwuka n ɓo ɓa lofyi n əya nuwnanya ɓa lo Saipwurus.5She ɓa ɓə si Salamyis, ɓa da Shekwoyi ɓədagbma fyi n Ayahudiyibwokwnu. Yohana əɓa bmazhniyi, ɓə kwnusnu n ɓai.6Ɓa znazna laɓa fyi n mwuse yi vnyanya, nya əsa n ɓa ɓə si Pafos ncei. Dna n abaayi ɓa gye Yahudiyi zokwusheyi n wo ɓə zhni sheɓəgwognayi katái nu nyi ai yi wo nge Ba-Yeisu,7əwo nu ɓə zhni Gwomna Sagyiyos Palus aɓoaknawnayi. Gwomna əza ceceyi, wa tnu Banaba ɓo n Soolui ntuge wo ɓə ncei pma wa wo Shekwoyi ɓədagbma.8Ama Elimas zokwusheyi (ntuge əwo əye ɓətukwo nu ɓə nu) wa gnyiapaapa n ɓai, wa zhni shi wo ɓa myi wa pmyi gwomna awye ya n gaiciyaganunui.9Nlonu Soolu, n a ɓə zhni ai je wo yi ge Bwulus nyi, n nunui n Zafnu Gyigyiyii, wa ce Elimas əwye cewo wa gna,10“Əho Shetam əɓyi jesnu nuwnuyi əɓo manai dəhodəhoi nya! Ho nunui lo n kwocedna dəhodəhoi pyai vnyanya ɓədo n gyifyii. Ho taa fa Dagayi ɓəfyece azokwo agbmazhni ɓo m?11Nsaiye Dagayi əɓwa kwo gbmitu ho lo. Ho ɓaa zhni wyebwayi əsa fyewyi, kwo nyipyei bwuznagna, ho taa je myi n əkwo wyegye m.”N əsagbmanyii ɓwugye n wyegbmai ɓa yakpe n wo, wa laɓa n awyebwai, woi zna əza shni n wo ɓa shi wo əɓwa.12She gwomna ɓə gye əɓo n kwo kwu zhni nyi, waa gaiciyaga, ntuge nyawu ntu Dagayi ɓo ɓə kwu wo əwo.
Fyi n Antiyok Pyisidiya nya
13Ɓa kwnu n Pafos, Bwulus n əwo atnutnu kwnuzhniyii ɓa lofyi n əya nuwnanya ɓa lo Pyega dna n Pamfyiliya əknyi, aba n Yohana ɓə fa ɓa, wa jezelo Urishelima nyi.14Ɓa kwnu n Pyega ɓa lo Antiyok Pyisidiya nya. N Sibyiwyii ɓa lofyi n Ayahudiyibwokwnu ɓa kwu sase.15Shi ɓa ɓə la ənya ba dna n Owa n Sheaɓəgwognayii, atukwoda n Ayahudiyibwokwnu ɓa tnu tnutnu ga ɓa ɓai gna, “Əyi azaje, ngye fye n ɓədagbma bwugbakaladna nyai lo ga aza, sukwu fye ɓe ncei.”16She Bwulus ɓə laka gnyi wa wu əwo əɓwa nge wo ɓa daɓo jesnu wa gna: Əmi Aisrailayi aje, n əfyei Abyedo n fye ga Shekwoyi mwamwa nyi, fye kna mi tnubwa!17Shekwoyi Aisrailayi nya ɓə knyí əyi azakwoyi; wa zhni ɓa ɓa kwu nyaɓwa ɓwa əsa n ɓa ɓə fyi n Masar; n kalá duduyii wa kwnu ɓa ya n əknyii;18Wa ɓwa əmì n əɓa aɓəzhnii fyi n zhabwikawu aye shiinyi;19jesnu waa kwu abye gyi ngwnu-tnaaba n okwnui n Kaana, waa əɓa əknyi la wa ga əwo aza kwaa zhni əɓa əgwú.20A ɓə zhni aɓo ye vnyanya fyi n aye 450 nu.“N dəye avnu, Shekwoyi wa ga ɓa awadayi kwa nya sheɓəgwognayi Samwula əsa.21Nlonu Aisrailayi ɓa nyaɓo nge a dna ɓa əsu, jesnu wa ga ɓa Soolu, Kish nugwnu, n Banyami əbyé n wo ɓə gyi əbe aye shiinyi nyi.22She a ɓə la Soolu gbmiya n əbe, waa əbe dna Dawuda. Shekwoyi ɓə la əɓo gbmi ntu əwo ɓo: ‘Mi la Dawuda ɓwa Jesse nugwnu, əza n wo zna əmi ədu shni; wo ɓa zhni ɓəhoɓəhoi n mi ncei pma wa zhni.’23“N əza ye ofye nu n Shekwoyi wo la ɓe Israila ǹ Gnyiyii, Yeisu, ngye shi wo ɓə shi əgbe nyi.24Yeisu ɓə snu n wo ɓə nyi, Yohana woi kwu waazi abwuye nya zhni ɓədo n batizimai ga aza vnyanya n Israila.25Shi Yohana ɓə gnyi woi pwo əwo tnutnuzhni ɓo, wa gna: ‘Fye zhninubwo nge mi zhni nyika nu a? Əmi nu to zhni əza n fye tuwye nyi m. Ama əza lo n wo ɓe lo n əmi avnu; əwo abwada abma, mi to kwnuce lo ma loya m.’26“Əmi azaje Ibrahim aɓyi ɓədo n fyei Abyedo Shekwoyi-adnawoi, a ɓə tnu tnutnu gnyignyi nya ye ga əyi nu.27Urishelima aza n əɓa əbegyi yii to ɓə kpe Yeisu əye m, dudulonu dna əwo knyiznu, ɓa kwu sheaɓəgwognayi aɓədagbma nu n a ba kwo n Sibyiwyi dəhodəhoi nyi.28Kwo shikwonyi ɓa to ɓə ɓwa aɓoɓwashi ba cewoi ntu əfyi owa znutu ɓo m, ɓa gna Byilatusu nge wo la wo znudu.29She ɓa ɓə kwu əɓo zhni n a ɓə ncei kakpe ntu əwo ɓo, ɓa shni wo n znudu ɓaa wo byidna n vnyigwo.30Ama Shekwoyi wa la wo kala n əfyi,31aza yi n ɓa ɓə kwnu znazna n woi, ɓai kwnu n Gəlili ɓa lo Urishelima nyi, ɓa ɓə kwu wo gyewye anyipyei n mwa bəgyé. Əɓa nu zhni aɓəkwnuyi nsaiye n əyi aza aba.32“Yi gna fye anabagyi manai: ɓəgbeshi n Shekwoyi ɓə shi əyi azakwoyi nyi,33wo kwu kwo nu ga yi n yi zhni əɓa aɓyi; she wo ɓə lá Yeisu kala n əfyi. Ngye she kwo kakpe lo n Zabwura baayi:“ ‘Ho zhni əmi nugwnu;n naiye mi la zè əho dada.’34Shekwoyi ɓə la wo laka n əfyi nabai n wo taa shna bwo m kpekpe. Ngye she Shekwoyi ncei da lo,“ ‘Mi ɓə ga fye anabəlika gyigyiyi jesnu anabəlika tashnakpma nya n mi ɓə shi Dawuda ɓəgbeshi nyi.’35Ntulonu a cei je ka dnalo n ɓwado:“ ‘Ho taa fa əza gyigyiyi wa bwo m.’36“Nsayii she Dawuda ɓə kwu Shekwoyi atnutnu ɓəmwi nu, n əwo cala, waa wnagye; a ɓə la wo byi n kwnusnu n əwo azakwoi jesnu əwo nayi ɓə la bwo.37Ama əza n Shekwoyi ɓə laka n əfyi nyi, to ɓə bwo m.38“Ntucenu əmi anugwnudo, mi ncei pma fya kwu kpe nge, dna ń Yeisu nu, n a da aleifyi zo ɓo ga fye.39Dna n əwo nu, zahozahoyi n wo ga gaiciya, n a gnyi wo ya, n leifyi dəhodəhoi; ɓogyikpmaya n fye to ɓə myi fya ɓwa ɓa dna n Mwusa owa m.40Fye zhni pəceye nabai aɓo n sheaɓəgwognayi ɓə kwu da nyi, to ɓa nu kpe n fye m:41“ ‘Əfye aɓwugyiɓədayi, fye shiawye,ce wo fye, jesnu fya kwu zhniagbma,ntuge mi ye ma zhni əɓəho nu n əfye anyipyein fye to ɓə ɓa ga kwo gaiciya m kpeekpe,kwo n əza ɓə gna, wo ɓa gna fye ce gnagna nu.’ ”42Shi Bwulus n Banabai ɓə zhi ɓai kwnu n Ayahudiyibwokwnu, aza ɓa pa ɓa nyawu n Sibyiwyii n kwo ɓé lo n abye nyi.43She a ɓə kwu bwokwnu gnami, Ayahudiyi n azai n ɓa ɓəə kwu əɓahni ga ɓai vyi Ayahudiyi kwnunu nyi, ɓa vyi Bwulus n Banabai, ɓa daɓo n ɓai jesnu ɓa gyi ɓa əwye nge ɓa gwodu fyi n shebmyashi Shekwoyi nya.44N Sibyiwyii n kwo ɓə yatu nyi, aza ɓə ɓwace fyewyi nu n əzhi vnyanya n ɓa to ɓə yezhi nabai ɓa wo Dagayi ɓədagbma m.45She Ayahudiyi ɓə gye deeji, ɓa kwu nu zhi n shewoi. Ɓa ya ɓai gnyiapaapa n əɓoi n Bwulus ɓə gnyi woi da nyi jesnu ɓa fyi wo akpmi n mwa.46Nlonu Bwulus n Banabai ɓa dna ɓa ɓəgbe n əgbei myimyii: “Kwo ɓə la zhni ɓəshishi nu ya da fye Shekwoyi ɓədagbma n kpmisnu. Shikwonyi fye la əkwo aɓəna, jesnu fye too ń bwugbadnai lo n əfyehni nge, fye kwnuce lo fya ɓwa wyewyeyi nyalonyalo nya m, nsaiye, yi ye ya pmyiawye wu Abyedo nu.47Ntuge ɓəgbetu nyi n Shekwoyi wo la ga yi:“ ‘Mi kwu fye zhni bwuznagna ntu Abyedo ɓo,nabai n fye ɓa lo n gnyignyii n anyiceshiba.’ ”48She Abyedo ɓə wo əɓo ye, ɓa dagbma jesnu ɓa ga Dagayi ɓədagbma mwamwa; jesnu aza vnyanya n a ɓə n ɓai tnu ntu wyewyeyi nyalonyalo nya ɓo, ɓa kwu gaiciyaga.49Dagayi ɓədagbma kwaa lapwi fyi n əknyisəpayi vnyanya.50Ama Ayahudiyi atukwoda ɓa fyi anyikwoza Shekwoyi-adnawoi n azanugbayii aɓoya n ɓa ɓə kwnuzhi ai kpe ɓa əye n əzhiyaakwo. Ɓa la awyesnugbegye ɓo kala tu Bwulus n Banabai, jesnu ɓaa ɓa kwnuya n əɓa əknyisəpa.51Ntulonu ɓa lu əɓa apita aɓwutukwnu ya kwaa zè ɓəkwnukwnù n əɓa aba jesnu ɓa lo Ikwoninya.52Nlonu amwutuyi ɓa kwu nu zhi n agbmadai ɓədo n Zafnu Gyigyiyii.
Biblica, Inc.