2 Vakolindo4
1Suwe, Nguluvi kwa lusungu lyake, akatugavile kasi iyi na ndeni dasetutwinyika numbula.2Suwe, tugalekile makani gyonda gya soni na gya lupwepo. Setukwikala kwa kuvachanga vanu, vala kuhanganya luchowo lya Nguluvi na udesi. Ila tulonga undankyene pautalo lwa Nguluvi, neke vanu vangi vahoche munumbula chawo kuva tugehe va undakyene pautalo lya Nguluvi.3Ndeni, ngita Njowo Nofu chetudalika ngita seichelwa unofu kwa vanu, suwe, seichelwa kwa vanu vala vevayagile.4Vanu avo sevidikila kwakuva Setani mwene ndi nguluvi va inyi iyi, avikile kisi luhala chawo, neke vabihile kulola welu va Njowo Nofu cha Kilisito, mwene yeakutuwonesa Nguluvi aviye.5Kwakuva setudalika luchowo lwetu vavene, ila tukumdalika Yesu Kilisito yeali Mtwa, nefwe vavene ndi vanjagila venu kwa Yesu.6Nguluvi yealongile, “Welu na ulangache kuhuma mukisi,” mwene nde yeilangachila numbula chetu na kutugavila welu va kuchela ukomi va Nguluvi weulangacha muwuso va Yesu Kilisito.7Ila Nguluvi atugaviye nefwe fupo lya kudalika unanzi vake. Ila nefwe tuvasosuvafu ngita fiviya. Ila tugehe na ludali ngomi ihuma kwa Nguluvi vala seihuma kwa nefwe.8Figono fyonda nefwe tupata utumama, ila setulemwa, tupata wogofi, ila setutwinyika numbula.9Tugehe na vachwindwama volofu vakutugudisa ila tutangwa, tuguwa panyi ila setuhanangwa.10Figono fyonda vanu visaka kutudocha ngita peikali kwa Yesu, neke uwumi va Yesu uwoneke mumvili vetu.11Kwa nefwe yetugehe uwumi twigenda na lufuwo figono fyonda kwakuva lya Yesu, neke uwumi vake uwoneke mumivili gyetu gegifuwa.12Ndeni, kufuwa igita kasi mugati lyetu, ila uwumi ugita kasi mugati lyenu.13Ngita peisimbilwe mumasimbo ga Nguluvi, “Ndikadikiye, ndeni ndikalongile unanzi va Nguluvi.” Kwakuva tugehe na Muhe yuyula va ludikilo, ndeni tudikila na tukwendelela kuulonga unanzi va Nguluvi.14Twichela kuva yula yeamchulubuwe Mtwa Yesu daatuchulubuwe na nefwe pamwi na Yesu na kutuvika pamwi na mwene pautalo lyake.15Aga gyonda gagitilwe kwakuva lyenu, neke usanzi va Nguluvi peukuvafikila vanu vongofu hilo, kangi vanu avo volofu davamuhongeche Nguluvi kwa kumnjuma hilo.16Ndeni, setutwinyika numbula, ata ngita mivili kwa kwivala givecha migogolo na kusakala, ila muhe chetu chigitwa miya kila kigono.17Utumama wetukuupatila ndi madodo na segikala kwa chipindi hilo, ila dagatuvika unofu neke kwanuka ukomi va mbepali.18Suwe, tubihile kugalola gala gegiwoneka, ila tugalole gala segiwoneka. Kwakuva gala gegiwoneka segikala kwa chipindi chitali, ila gala segiwoneka gikala mbepali.
The Word for the World International