Imbaqqomikaa Raaga1
1Wabeekichcha Inbaaqoomi'n leellat uwwemeek hiyyichchi konneechchi butta hedheeken.
Inbaaqoomixxa Aallachcho
2Duuchchi Woddike Goottaa! Gargaartota'a atee ye'edheenne; haanote hiissichcho ani'a uuttattok?«Fuggo assa birasaxxe» hiyye atibaa raarannenhaanote anee anjirtattok?3Mayee balleessa assendaa wodda uudannoshsha assitete?Hitata fuggoxxi hujendaa wodda sammitete?Ba'netanna xaqaro uudaane;lolikinna welgonphe bira saxxeen;4Tennexxe seeri lufe'een;dhuagaa muratinna gorte'een;Dhugaa muratinna gorto'afuggaaleeyye qulliyye buqqe'een.Duuchchi Woddik Goottika hiissichcho
5«Ha'no'ni kulendee'na middeamandinabaaxxaHa'noke barro'n mitte yaane assa'annexxeeKunnse konnee gosa gosaka arda uudde; uudina'neexxe yaane duuchcha'ninnahara mambe'a hiyye.6Ifike kadebaake galdumixxa bakka abixateebutta duuchcha'n me'aakaGodoba jabakikanna wiinamaakaBaabiloonika manna ke'isanon7Insa'nenna sodachchisaakenna alalishaake mannani;insa'ne ifika ulfinna heqinsaaka seera ifi'a fulchinaan.8Fadhadi insa'nek qeedhanichchi caala qolchaakeeraan;hashshixxe yayye caalanna godoba jabakeeraan.Insa'nek fadhado gulfaammaki manninna yo'oshsha qolchisaan;insa'nenna bayyike boginaa'n dangaan;Bultee itatee wiinammamake risishsha phirrinsaan.9Duuchching xaqarote ka'le dagaan.Sannachchi insa'neek qiilla gammoojjexxe diidaloshshaedi'a dhuqqisaan.Booji'emee manna maanchuffa bukk assinaan.10Insa'nenna moyanjo tuffantaangalchalluwwake'ninna gacifantaan;Kolliffachcho duuchcha'n ossolaan;buttinna itti tulluuba'ninna tennee kollifachchuwwanna abixxinaan.11Ookkoneechchi uduma diidalotishsha sa'ne me'inaanhunna ifixxa mageno assedhaak balleesanjuwwan.»Inbaaqoomixxa Langaxxa Aallachcho
12Ee dada duuchchike Gootta ati duuchchi woddinaa'ninni hexxetengebaata?Anke Magenoo anke woyyichchaa no'o rennabe'non;Ee dada duuchchike Goottaa ati insa'ne murrashsha baallonsite'eeten;ee rassaa no'oo mura woxinso'a insa'ne'a baalloonsite'een.13Ille atixxi fuggoxxa uudabaashsha hara hoyyittete;fuggoxxi assendaa'na uuda atinni me'itaba'a;Hittata tennee xaqartiyye sammi hittatto?Fuggichchi manji isi caala qullichchake kade'eeka liqinsaa woddata mayee sammittato?14Ati manna wodi'i giddo hexxeexxe qulxu'muwwashshagalchaaka affebaaxxe wodi'i giddixxe dadashsha assitette.15Fuggichchi naaphi insa'ne duuchchiinga malxaqoti fulchaan;marabeti isa'nenna abidaan;Tuu'laachchi giddonna insa'nee bukki assedhaan;tenne'ninna gammadaani, ililisaan.16Ita isixxinna ha'yoke kaddemmaxxeennaisenni fenxe hiyya'n hedhammaxxeeTennexxee ifixxe marabe'a tolchaan;itti bukki assedhamachchi'anna hixaana gubaan.17Marabe ifixxa duuchchi wodda fayya'nigosa gosaka arduwwa mararte belo bira'n hedhaata?The Word for the World International