Wagal4
1Icho hulonda kulonga kuwa, mulisi akawa ank'hali mwana mdodo, akulingana na mtwana, ingawa vint'hu vose vake yeye.2Siku zose akulongozigwa na wala wakumlela kumtimalila, ivo nawamlele hadi.3Na cheye vilavila chikala gesa wana wadodo, chikala watwana wa malagilizo, yala yakulongoza isi ino.4Chipindi chilondigwe na Mulungu ivochifikile, Mulungu akamtuma mwanake mui isi ino. Mwanake iyo kaelekigwa na mwanamke, nae akalongozwa na Malagilizo ya Mulungu amwink'hile Musa,5awagombola wose wakulongozwa na malagilizo, ili cheye Wayahudi chitendigwe kuwa wana wa Mulungu.6Ivoelo, ili kulagisa kuwa mweye muwa wana wa Mulungu, Mulungu kamtuma Muhe wa mwanake mmiyoyo yenu, na Muhe iyo nio akuchitenda chimtange Mulungu “Aba” nio kulonga, “Tati yetu.”7Ivo, mweye sio watwana kaidi wa malagilizo ya isi ino, mbali ni wana wa Mulungu. Nakwavila mweye ni wana wa Mulungu, namuhokele yala yose alongile Mulungu naawenk'he wanake.8Mweye umwaka mkala hamummanyile Mulungu. Ivo mkaisank'hanila Mulungu sio wa kweli.9Mbali kwavila haluse mkummanya Mulungu wa kweli, egu Mulungu akuwamanyeni mweye, vino hangi mkubwelela kusank'hanila malagilizo ya mwanduso yahungukile na ziboha?10Mnk'hali mkudenk'helela mbuli kwa kukola siku, miezi, myaka na msimu.11Chino nicho chikunink'ha chiyangayanga, kwa mbuli ya sank'hano yangu niitendile kumwenu, ikudaha kuwa yaga yamba.12Watogozi wayangu, huwalomba nk'hani muwe gesa nie, na mse kulongozwa na malagilzo gesa nie ivonikalile kumwenu. Ivonizile kuwenu, mweye hamnitendile chint'hu chochote chihile.13Mkumanya kuwa, utamu niupatile nio unitendile nisigale kumwenu na kuandusa kuwalongela Mbuli Idamane.14Hamwenga na utamu wangu kuwa gezo kulu kumwenu, mbali mweye hamnizelile wala hamnilemile, mbali mnihokela gesa msank'hani wa kuulanga na gesa Kilisito Yesumwenyewe.15Elo, kukwani kula kudenk'helela kwenu? Kwavila humanya kuwa ingi idahikane ingi mng'olile meso yenu na kunink'ha nie.16Vino, nie niwa mnongwa wenu, kwavila huwalongela kweli?17Want'hu ao wakuiyoha nk'hani kuwatenda mweye mndenk'helele, mbali hawakuwalondela mbuli zidamane. Mbuli wakuilonda kummwenu kuwaika kutali na cheye, ili muwasank'hanila ao.18Kweli ni mbuli idamane kuwatendela want'hu mbuli zidamane siku zose, mtende ivo siku zose hata ikawa nie sihali hamwenga na mweye.19Wanangu, nina usungu kwaajili yenu, gesa mwanamke ivo akweleka. Nanigendelele kuhulika usungu hadi hala ila ya Kilisito ikalonda kuoneka mgati yenu.20Hulonda nk'hani niwe hamwenga na mweye haluse, nimanye nzila idamane ya kulonga na mweye, kwavila nina chiyangayanga na mweye.21Nilongeleni, mweye mkulonda kulongozwa na malagilizo ya Mulungu amwink'hile Musa, vino, mkumanya malagilizo ivoyakulonga?22Kwavila Maandiko ya Mulungu yaandikwa kuwa Ibulahimu kakala na wana waidi, imwe kamweleka kwa mwanamke mtwana na imwenga kamweleka kwa mwanamke sio mtwana.23Mbali ila mwana amweleke kwa mwanamke mtwana, kamweleka kimtufi, na ila mwana amweleke kwa mwanamke sio mtwana, kamweleka kwa kukola lagano dya Mulungu.24Mbuli zino ziwa mlinganyo kwa wanawake wano waidi, ni mlingano wa malagano maidi. Lagano da mwanduso dila ditendeke kudigamba dya Sinai, na ulagiso wake ni Hajili na wanake wakuelekigwa muutwana.25Hajili ni ulagiso wa kudigamba dya Sinai dili mui isi ya Alabia, nae ni mliganyo wa Yelusalemu ya haluse ivoili na utwana hamwenga na wanake.26Mbali Yelusalemu ya kuulanga sio isi ya utwana mbwi, nae nio mulinganyo wa mami yetu.27Kwavila iyandikigwa, “Udenk'helele, weye mgumba. Utoe mazange kwa kudenk'helela weye unk'hali hunauona usungu wa kweleka, Kwavila wana wa ila alekigwe ni wengi kuhuma wala wana wa ila eli na mulume.”28Elo ndugu zangu, mweye ni wana wa Mulungu kulawana na ivoalongile Mulungu gesa ivoili kwa Isaka.29Chipindi icho mwana aelekigwe kwa kuelekigwa na want'hu, kamgaza ila mwana aelekigwe kwa nzila ya Muhe wa Mulungu. Na iyo ikugendelela hadi haluse.30Mbali Maandiko ya Mulungu yakulongaze? Yakulonga, “Muwinge mama mtwana hamwenga na mwanake, kwavila mwana mtwana sekealisi na mwana wa mwanamke sio mtwana.”31Ivo ndugu zangu cheye si wana wa ila mwanamke mtwana mbwi, bali wa ila mwanamke sio mtwana.
The Word for the World International