1 ABitrus2
1Nek anɔng, sak yin ace yin yik-yik na kaakyɛ kuri imaan e, ni mbɔɔs, ni kutomong ayisi, ni ifup, ni itok.2Ti nnon nafas fɛ́ ba tes, tsɛsɛk yin nabasang abik natek fɛ́ na da sak isheshek yin ni i rasak,3yɔkɔnɔng fi i mi bamang yin fok aTisa yet atek.4Bɛ́ yin sak ni wu, iwu fɛ́ a yet kuta kutset, kuyɔng fɛ́ banet raba iko awɛt iko fɛ́ Adakunom myak, fi ku dung sas ashon wu,5iyin tɛ ata atset e bà, ba tsin ki nok yin tɛ kari abik, nɔng i da ra yin ntomong tɛ baware, i da nesek yin kunang abik fɛ́ Adakunom shim ni irèn aYeso Kristi.6Nek i se ni ijɛk ni Kufumung aJɛrɛ yɛ,<<Di, in mi te kutana aSihiyona,kuta fɛ́ ba myak, kuta itsokitu kutek,Ngma ayɔng fɛ́a di te iyɛ ni wu,a da sɔ nsum awo.>>7Ni iyin fi i nɔɔk atsak fok, kutá me kang yet kutek. Awɛt sak na bayɔng fɛ́ ba raba inɔɔk atsak,<<Kutá fɛ́ bafi inokraba iko,ku mi sot kutafi ku dung sas.>>8I ti se ni jɛk fok, bayɔng fɛ́ ba raba inɔɔk atsak,<<Kutá fi ku saas banetdi tu atak,kutá fi ku ka ba tes ikpas.>>Bayɔng fɛ́ ba raba me, ba nye kambush. Anɔng e wu ba mi sak nek iba.9Awɛt iyin yet yin banet fɛ́ ba mi kasa, bafɛ́ ari baware, banet ajɛrɛ, banet fɛ́ ba yet bafɛ́ Adakunom, nɔng i da taas yin itere ayɔng fɛ́ a ki tun yin ni nhwyi sak ni mgbey abes.10Iyin kin tsang yet yin banet awo, yɔkɔnɔng i yet yin banet, i kin se yin vit isɛ angmishish awɛt yɔkɔnɔng i mi sɛ yin angmishish.11Bafidang yin, in shim in fɛ̀ ni yin fok, tɛ batsen nɛ bafɛ́ amatse azeng azatse, teng yin imaan ikɔk, fi i se ni itsom ni kutset yin.12Nye yin kusot kutek nate bafi nhwyi nɔng, ngma ni ncɛɛt fɛ́ ba nye fok iras yin inɛn, ba da di ntomong ntek yin ne ba di nɔɔk Adakunom iratek ni izen i bɛ́ wu.13Nabak yin ace yin nek aTisa na akaakyi igwɔm fi ba te ide nate banet: ke na bágwɔm, nɛ agbat agwɔm,14ke sak na bagwɔmna, nek agbat agwɔm ka ba yirik nek itabak bafi inɛn nɛ ba tere bayɔng fɛ́ ba ras itek.15Nek i yet kushim Adakunom fok ayɛt kusot kutek yin, i da fam yin na nu bayɔng fɛ́ ba cɛɛt ni idun.16Nye yin kusot tɛ banet fɛ́ ba se washak, awɛt kusot iwashak yin bi ni ku sot ikyɛng ifamasa anyas awo; nye yin kusot tɛ basam Adakunom.17Nɔɔk yin akaangan iratek wu gyat; Tonoso yin ishim sak na bafidin bafi ikuus, foos yin nnyim Adakunom, nesek yin aGbat agwɔm iratek.18Basam, nabak yin ace yin sak na batek ari yin, ni iratek ayɛt akaakyɛ, da sak na bayɔng fɛ́ ba bɛ̀ nggɔn ntek ni nhwyɛ kyɛk awo, tit ngma ne bafi iyɛ ife.19Nek i se gyat ke anet te gbinding ayɛt mgbang naton inɛn fi da iwu ra awo, a sɔ mgbang e nek kuyiring fɛ́ a bɛ na Adakunom.20Awɛt na anɛ fi ngɔn da sɛ izang ki ngɔn sɔ itsot nek inɛn ni igbingding fi i nye yɛ? Awɛt ki ngɔn sɔ mgbang, i gbinding nek i nye ikyɛng itek, anɔng se gyat ashon Adakunom.21Nek anɔng wu fɛ́ ba da yes, nek Anet-Isheshek sɔ mgbang nek iyin, a ki won yin mo ikyɛng imɛɛs, nɔng i da kuus yin ane wu.22<<A kin ra inɛn awo,ba kin sɛ mbɔɔsna nu wu awo.>>23Ni izen fɛ́ ba kin di korok itok ni wu, a ka ba bun ni itok awo; ni izen fɛ́ a kin sɔ mgbang, da a fɛ̀ a da ka ba bun ne awo. Tit, a te iyɛ wu na ayɔng fɛ́ a ras ishɔt atsak.24Iwu ice wu sok anɛn yit ni irɔm wu a ku ni ina naton ákon, nɔng in di ki kus yit na anɛn yit, ni in nye yit kusot kutabat; nek nfot wu, ba mi ki te yin kyang.25Nek iyin tsang se yin ti itsamang fi i tseng sak ayit, awɛt yɔkɔnɔng, i mi bun yin sak na Anek e nɛ Anet iyɛrɛ ntset yin.
The Seed Company